HHpress.am


Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

19.08.2018
ԳԼԽԱՎՈՐ


Այց՝ միտված հայ-իտալական կապերի ավելի բարձր մակարդակի

Այսպես է ՀՀ վարչապետ Նիկոլ Փաշինյանը բնութագրել Իտալիայի նախագահի պետական այցը Հայաստան

Վարչապետ Նիկոլ Փաշինյանն ընդունել է պետական այցով Հայաստանի Հանրապետությունում գտնվող Իտալիայի Հանրապետության նախագահ Սերջիո Մատարելայի գլխավորած պատվիրակությանը, հայտնում են ՀՀ կառավարության տեղեկատվության եւ հասարակայնության հետ կապերի վարչությունից։
Վարչապետը ողջունել է Իտալիայի նախագահի այցը մեր երկիր եւ համոզմունք հայտնել, որ այն կնպաստի հայ—իտալական հարաբերությունների նոր՝ ավելի բարձր մակարդակի բարձրացմանը։ «Ուրախ եմ Ձեզ ողջունել, ինչպես հիմա ընդունված է ասել, նոր Հայաստանում։ Մենք այսօր իրականացնում ենք կարեւոր, պատմական ժողովրդավարական փոփոխություններ, հույս ունեմ, որ Ձեր այցի ընթացքում զգացել եք այդ փոփոխությունների ու լավատեսության շունչը։ Բարձր ենք գնահատում Հայաստանի եւ Իտալիայի միջեւ առկա բարեկամությունը եւ պատրաստ ենք ջանքեր գործադրել երկկողմ կապերի հետագա զարգացման ու ամրապնդման ուղղությամբ»,–ասել է Նիկոլ Փաշինյանը։
Սերջիո Մատարելան շնորհակալություն է հայտնել ջերմ ընդունելության համար եւ կարեւորել երկու երկրների համագործակցության ընդլայնումը տարբեր ոլորտներում։ «Մեր ժողովուրդներին միմյանց է կապում ամուր բարեկամությունը եւ մենք անհրաժեշտ ենք համարում Իտալիայի եւ Հայաստանի գործընկերության էլ ավելի զարգացումը»,–ասել է Իտալիայի նախագահը՝ հավելելով, որ հայ եւ իտալացի ժողովուրդները համարվում են հնագույն քաղաքակրթության ներկայացուցիչներ, ինչը հանդիսանում է երկկողմ կապերի խթանման լավ հիմք։
Զրուցակիցները քննարկել են երկուստեք հետաքրքրություն ներկայացնող տարբեր, այդ թվում՝ տնտեսության, պաշտպանության եւ հումանիտար ոլորտներում փոխգործակցությանը վերաբերող հարցեր։ Կողմերն ընդգծել են հատկապես պաշտպանության ոլորտում արդյունավետ փոխգործակցությունը, մասնավորապես Լիբանանում համատեղ խաղաղապահ առաքելության շրջանակում։
Անդրադառնալով ղարաբաղյան հակամարտությանը՝ վարչապետ Փաշինյանը շնորհակալություն է հայտնել Իտալիային այդ հարցում հավասարակշիռ դիրքորոշում ցուցաբերելու եւ ԵԱՀԿ Մինսկի խմբի համանախագահների ջանքերին աջակցություն ցուցաբերելու համար։ ՀՀ կառավարության ղեկավարն ընդգծել է, որ Հայաստանը շահագրգռված է հիմնախնդրի խաղաղ կարգավորմամբ եւ պատրաստ է շարունակել ջանքերը բանակցային գործընթացում։
Սերջիո Մատարելան նշել է, որ այսուհետ եւս Իտալիան շարունակելու է իր հավասարակշռված քաղաքականությունը ԼՂ հակամարտության հարցում, այդ թվում՝ ԵԱՀԿ—ում նախագահության ընթացքում։ Իտալիայի նախագահը վստահեցրել է, որ իր երկիրը կներդնի հնարավոր ջանքերը ԵԱՀԿ Մինսկի խմբի համանախագահության շրջանակում հիմնախնդրի բացառապես խաղաղ կարգավորմանը հասնելու համար։ Նա ընդգծել է, որ ԼՂ հակամարտությունը չի կարող ունենալ ռազմական լուծում եւ հավելել, որ այն միայն քաղաքական է։
Այս առումով, Նիկոլ Փաշինյանը եւ Սերջիո Մատարելան կարեւորել են տարածաշրջանում կայունության ամրապնդումն ու ԼՂ հակամարտության կողմերի միջեւ ակտիվ երկխոսությունն ու խաղաղության մթնոլորտի ձեւավորումը։
Հայաստանի վարչապետը եւ Իտալիայի նախագահը մտքեր են փոխանակել նաեւ ՀՀ—ԵՄ հարաբերությունների հետագա զարգացման շուրջ։ Սերջիո Մատարելան վստահեցրել է, որ կներդնի բոլոր ջանքերը, որպեսզի Իտալիայի խորհրդարանում հնարավորինս շուտ վավերացվի Հայաստանի ու Եվրամիության միջեւ Համապարփակ եւ ընդլայնված գործընկերության համաձայնագիրը։
Հանդիպումից հետո Նիկոլ Փաշինյանը եւ Սերջիո Մատարելան քննարկումները շարունակել են աշխատանքային ճաշի ընթացքում։

01-08-2018





01-08-2018
Փաշինյանը սեպտեմբերին կմեկնի Նյու Յորք
ԱՄՆ նախագահի հետ հանդիպման շուրջ քննարկումներ են ընթանում



01-08-2018
Ջրոռոգման ոլորտում համալիր լուծումներ են անհրաժեշտ
Որպեսզի ամեն տարի հողագործը չհայտնվի «կոտրած տաշտակի» առջեւ



01-08-2018
Քաղաքականությունից մինչեւ մշակութային համագործակցություն
Ավարտվել է Իտալիայի նախագահ Սերջիո Մատարելլայի պետական այցը ...


01-08-2018
Նախագահն ընդունել է Հայաստանում ՄԱԿ—ի մանկական հիմնադրամի ներկայացուցչին
Հանրապետության նախագահ Արմեն Սարգսյանը երեկ ընդունել է Հայաստանում ՄԱԿ—ի ...


01-08-2018
Արդյունավետ համագործակցություն միջխորհրդարանական հարթակներում
ՀՀ Ազգային ժողովի նախագահ Արա Բաբլոյանը երեկ հանդիպել է ...



01-08-2018
Պետք է կարողանալ արվեստի գործը ճիշտ ներկայացնել
Կարծում է լիբանանահայ արվեստաբան, ...

01-08-2018
Երկու դար առաջ Շուշին գրատպության կենտրոն էր
Լավագույն ավանդույթները վերականգնելու ...

01-08-2018
24 մեդալ՝ Եվրոպայի առաջնությունում
Պատանի հայ ծանրորդների փայլուն ...
USD
EURO
RUR
GEL
Եղանակը Երևանում
գիշերը +21... +23
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO