Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.02.2019
ԵՐԵՎԱՆ


Յոթնաղբյուրի վերածնունդը

Հանրապետության հրապարակի ցայտաղբյուրը՝ թարմացած տեսքով

Հանրապետության հրապարակում գործող «Յոթնաղբյուր» (յոթ ցայտ) կոչվող (այն նաեւ կոչվում է «Կաթնաղբյուր») քաղաքի գլխավոր ցայտաղբյուրի մեջ դրա հեղինակ Սպարտակ Գնդեղցյանը որոշակի խորհուրդ է դրել։ Եթե յոթը աստվածների թիվ է, ապա «Կաթնաղբյուրը»՝ մեր էպոսից եկող գերբնական ուժի խորհրդանիշ։
Երեւանի գլխավոր ցայտաղբյուրը վերականգնումից հետո երեկ նորովի ներկայացավ երեւանցիներին եւ քաղաքի հյուրերին։ «Փորձել եմ վերականգնման դրական իմաստի մեջ ներառել կաթնաղբյուրի հասկացությունը, որպեսզի ջրի ամեն մի ցայտը խմողին լիցքավորի բարությամբ ու սիրով»,–ասում է վերականգնման հեղինակ, ոսկերիչ–դիզայներ Նուռը։
Երկար տարիների շահագործումից հետո «Յոթնաղբյուր» ցայտաղբյուրը կորցրել էր նախկին հրապուրանքը։ Իսկ տարիներ առաջ ենթարկվել էր գունավոր մետաղներ «որսացողների» գրոհին։ Ոսկերիչ–դիզայներ Նուռի ձեռքով վերականգնվել են ցայտաղբյուրի բոլոր յոթ ծայրակալները։ Բարձրաճաշակ, ոսկեգույն ծայրակալները նոր տեսք են հաղորդել հին կոթողին։
Մի գործոն, որ ավելի հաճելի է դարձնում երեւանյան սառը ջրի վայելումը։
Իսկ Կենտրոն թաղապետարանի կրթության եւ մշակույթի բաժնի պետ Էլեոնորա Թումանյանի գնահատմամբ՝ «Յոթնաղբյուրը» ծանոթ ընկերոջ նման մեզ հիշեցնում է մեր մանկությունը, երիտասարդությունը»։ Մի բան էլ կա՝ «որքան էլ արժեքավոր են ժամանակակից կառույցները, սակայն առավել արժեքավոր է երեւանյան սյուժեով ու կոլորիտով կառույց–շինությունների վերադարձը»։
Նախաձեռնության հեղինակը «Երեւան» ամսագրի խմբագրակազմն է, որին աջակցել են մի քանի տնտեսավարող ընկերություններ, Երեւանի քաղաքապետարանը եւ Կենտրոն թաղապետարանը։ «Մեր ամսագրի անվանումը մեզ պարտավորեցնում է ինչ–որ լավ բան անել քաղաքի համար, եւ մենք հաճախ ենք նման ձեռնարկումներ իրականացնում։ «Յոթնաղբյուր» ցայտաղբյուրի վերականգնումը դրանցից մեկն է։ Ցանկալի է, որ այս օրինակը վարակիչ լինի, եւ հանրային ձեռնարկումների շնորհիվ վերականգնվեն, նորմալ տեսքի բերվեն նաեւ քաղաքի մյուս ցայտաղբյուրները»,–ասում է «Երեւան» ամսագրի գլխավոր խմբագիր Իդա Մարտիրոսյանը։
Երեւանում ցայտաղբյուրները բավականին հին պատմություն ունեն։ Դրանք քաղաքի փողոցներում եւ բակերում հայտնվել են անցյալ դարի 20–ական թվականներից սկսած։ Ժամանակի ընթացքում ցայտաղբյուրները (երեւանցիների լեզվով՝ պուլպուլակները) դարձել են ժամադրությունների, հանդիպումների վայրի նշանակիրներ, ինչով ձեւավորվել է երեւանյան ինքնատիպ երեւույթներից մեկը։
Հետագա տարիներին դրանց լիարժեք չգործելը պատճառ է դարձել, որ աղոտանա գեղեցիկ ավանդույթը։ Կվերականգնվե՞ն երեւանյան «պուլպուլակները»։ Այս ակցիան կդառնա՞ այդպիսի գործընթացի սկիզբ։ Դժվար է ասել։ Մինչդեռ շատ ցանկալի է, որ Երեւանի շոգ փողոցներով քայլող մարդիկ վերադարձնեն մի կում սառնորակ ջուր վայելելու երբեմնի հնարավորությունը՝ ի հեճուկս տարատեսակ հյութեր եւ կասկածելի ըմպելիքներ վաճառողների, ովքեր նույնպես իրենց բաժին մեղքն ունեն երեւանյան պուլպուլակների վերացման (խիստ քչացման) գործում։
Պետրոս ՍԱՐՈՒԽԱՆՅԱՆ

03-05-2008





16-02-2019
Մեր արտաքին քաղաքականությունը պետք է կերտենք Երեւանում
ՀՀ վարչապետի գլխավոր խորհրդական Արսեն Գասպարյանը հանդիպել է ...


16-02-2019
Հայ կոմպոզիտորական արվեստի նոր տոն
Փառատոնը նվիրված է Ավետ Տերտերյանի 90—ամյակին

«Արամ Խաչատրյան» ...


16-02-2019
Համակողմանի միջոցառումների ակտիվացման անհրաժեշտություն կա
Ասում է ՀՀ գլխավոր դատախազ Արթուր Դավթյանը

Անցած ...


16-02-2019
Թբիլիսին՝ թումանյանական եւ կոմիտասյան շնչով
Փետրվարի 19-ին կտրվի հոբելյանական տարվա մեկնարկը

Հայ մեծանուն ...


16-02-2019
Անսպառ ժառանգություն
Թումանյանագիտության ոլորտի արված ու չարված աշխատանքները

Հովհաննես Թումանյանի ...


16-02-2019
Հայաստանը դարձնել տեխնոլոգիական երկիր
Նախագահ Սարգսյանն այցելել է Հայդելբերգի համալսարան

Հայաստանի Հանրապետության ...


16-02-2019
Մյունխենում բացվել է անվտանգության համաժողովը
ՀՀ նախագահը երկկողմ հանդիպումներ է ունեցել

Աշխատանքային այցով ...



16-02-2019
«Թումանյանը պետություն էր անպետություն ժողովրդի մեջ»
Ամբողջ տարին հագեցած կլինի ...

16-02-2019
Ինչ է լինելու կրճատված մարդկանց հետ
Պարզաբանում է կառավարության աշխատակազմի ...

16-02-2019
Տարեսկիզբը հուսադրող է
Հայ հրաձիգները բավականին աշխույժ են սկսել ...
USD
EURO
RUR
GEL
Եղանակը Երևանում
գիշերը 0... -2
ցերեկը +2... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO