Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.04.2019
ԼՂՀ


Նախընտրական քարոզարշավ՝ ազգային համերաշխության համատեքստում

Մրցապայքարն ավելի է թեժանում

Հաշված օրեր են մնում ԼՂՀ—ում մայիսի 23–ին կայանալիք խորհրդարանական ընտրություններին։ Ընտրողների հետ հանդիպման ժամանակ պատգամավորության թեկնածուները ձգտում են առավել արդյունավետ օգտագործել նրանց հետ անմիջապես հաղորդակցվելու, անկաշկանդ երկխոսություն իրականացնելու առիթը՝ փորձելով հստակեցնել դիրքորոշումներն ու, վստահություն ներշնչելով, հնարավորինս շատ ձայներ ստանալ։
Ինչպես արդեն տեղեկացրել ենք, այս տարի խորհրդարանական ընտրությունները կանցնեն թե՛ համամասնական, թե՛ մեծամասնական ընտրակարգով։ Ըստ որում՝ Ազգային ժողովի 16 մեծամասնական տեղերին հավակնում են պատգամավորության 44 թեկնածուներ, իսկ համամասնական ընտրություններին կմասնակցեն չորս կուսակցություններ («Արցախի ժողովրդավարական կուսակցություն», «Ազատ Հայրենիք», «Հայ հեղափոխական դաշնակցություն» եւ «Արցախի կոմունիստական կուսակցություն»)։ Ասել է թե՝ ապագա խորհրդարանն, ընդհանուր առմամբ, կունենա 33 պատգամավորական աթոռ։
Դատելով ընտրողների հետ ունեցած զրույցներից, մայիսի 23—ին ընտրական տեղամասեր կներկայանա ընտրացուցակներում ներգրավվածների ավելի քան 50 տոկոսը (այդ են հուշում նաեւ որոշ հասարակական կազմակերպությունների, այդ թվում՝ ժուռնալիստների միության կողմից՝ ընտրողների շրջանում վերջերս կատարված հարցման արդյունքները)։
Ընտրողների հետ հանդիպումների ժամանակ քաղաքական բոլոր ուժերն էլ համարյա նույն միտքն են հնչեցնում, թե հետամուտ են լինելու «ազատ, արդար եւ թափանցիկ ընտրությունների անցկացմանը», որպեսզի միջազգային ասպարեզում բարձրանա պետության վարկանիշը եւ «քաղաքական լրացուցիչ հիմքեր ստեղծվեն ԼՂՀ միջազգային ճանաչման գործընթացում»։ Եթե Արցախի ժողովրդավարական կուսակցությունը, իբրեւ քաղաքական ինքնուրույն ուժ, որը երրորդ անգամ է մասնակցում խորհրդարանական ընտրություններին, առաջնորդվում է՝ «Արցախի ժողովրդավարական կուսակցությունը՝ Արցախի ժողովրդի կուսակցությունն է» կարգախոսով, եւ դրա անդամները վստահեցնում են, որ երբեւէ չեն շեղվի իրենց սկզբունքներից եւ հանդես են գալիս ընտրած ճանապարհը միասին ու միակամ հաղթահարելու վճռականությամբ, հրապարակայնորեն հայտարարելով, թե «կուսակցությունը գերիշխանության չի ձգտում» եւ իր ապագա գործունեությունը տեսնում է քաղաքական արդյունավետ համագործակցության ձեւաչափում, ապա «Ազատ Հայրենիքը» նախընտրում է «Խաղաղություն եւ ժողովրդավարություն» կարգախոսը, եւ կուսակցության գործունեության հիմնական ելակետերից է՝ «հզոր տնտեսությամբ եւ ժողովրդավարական ուժեղ համակարգով համակարգել ազգային բոլոր խնդիրները»։
«Ազատ Հայրենիքը» նախընտրական ծրագրում, մի շարք առաջնահերթությունների թվում, պարտավորություն է ստանձնում «իրականացնել այնպիսի քաղաքականություն, որը թույլ կտա շարունակաբար բարելավել մարդկանց ապրելակերպ, այն ապահովագրել իրավիճակի փոփոխությունից»։ Կադրային քաղաքականության մեջ կուսակցությունը նախապատվությունը տալիս է «անձի արհեստավարժությանը եւ բարոյական նկարագրին» …
Հանդես գալով «Հաղթական խաղաղություն՝ ամբողջ Արցախով» կարգախոսով՝ Հայ հեղափոխական դաշնակցությունը հավաստիացնում է, որ այսուհետ եւս կանի հնարավորը, որպեսզի երկրում գերիշխի օրենքը։ «Մեր պայքարի արդյունքում է, որ Սահմանադրության մեջ նյութեղեն դարձավ Արցախի տարածքային ամբողջականության հարցը»,— ընդգծված է կուսակցության ծրագրում։
Դաշնակցությունը համոզված է, որ քաղաքական տեսակետից խորհրդարանական ընտրությունները կարեւոր իրադարձություն են հանրապետության համար, ինչը եւս հեռանկար կարող է բացել ԼՂ—ի ճանաչման համար։ «Մենք միշտ նշել ու այսօր էլ պնդում ենք, որ պետք է փոխվի բանակցային գործընթացի ձեւաչափը եւ Լեռնային Ղարաբաղը դառնա բանակցությունների անմիջական մասնակից, իսկ Հայաստանը հանդես գա անվտանգության երաշխավորի դերում,–գտնում է ՀՅԴ Արցախի կենտրոնական կոմիտեի անդամ, ԱԺ պատգամավորության թեկնածու Արմեն Սարգսյանը։–Ինչ վերաբերում է ներքին քաղաքականությանը՝ դաշնակցության նպատակը երբեք իշխանամետ կամ ընդդիմադիր լինելը չէ, եւ մեր ծրագրերը կարող են համընկնել իշխանությունների վարած քաղաքականությանը։ Մեր համոզմամբ՝ Ղարաբաղն այսօր ավելի շատ ազգային համերաշխության կարիք ունի…»։
Ձեւավորվող նոր խորհրդարանում պատգամավորական աթոռներ զբաղեցնելու վճռականությամբ են նախընտրական մրցապայքարի դուրս եկել եւ կոմունիստները, որոնք նախորդ ընտրություններում չնայած չկարողացան հաղթահարել անցումային նշաձողը, օրենսգրքում կատարված փոփոխությունները ներկայումս հնարավորություն են ընձեռում մանդատներ ապահովել։ Նրանք գտնում են, որ հաջողություններն անխուսափելի են։ Նման եզրահանգման համար, ըստ կոմունիստների ղեկավար Հրանտ Մելքումյանի, հիմք է հանդիսանում նաեւ այն հանգամանքը, որ «ընտրություններին մասնակցող կուսակցությունները կոալիցիա կազմած կուսակցություններ են։ Իսկ ընտրություններում կոմունիստները հանդես են գալիս որպես ընդդիմադիր ուժ։
Դավիթ ՄԻՔԱՅԵԼՅԱՆ

18-05-2010





23-04-2019
«Արցախն իր թիկունքում միշտ ունենալու է ամուր Հայաստան»
Օրակարգում անվտանգության, քաղաքացիական համակարգի պատրաստության խնդիրներն են



23-04-2019
Թուրքական ապացույցներով՝ Թուրքիայի հանցանքի մասին
Թաներ Աքչամի աշխատությունը ծանր հարված է թուրքական ժխտողականությանը



23-04-2019
Վեպը միշտ ինձ է սպասում
Գրիգը բացել է փակագծերը

Արձակագիր Գրիգը, որն ընթերցասերների ...


23-04-2019
Կրթության որակը՝ առաջնահերթություն
Ուսուցչի դերը կրթական բարեփոխումներում դեռ լավ չի գիտակցվում



23-04-2019
Վարչապետը խորհրդակցություն է անցկացրել մարզպետների հետ
Վարչապետ Նիկոլ Փաշինյանի մոտ տեղի է ունեցել խորհրդակցություն, որին ...


23-04-2019
«Քրիստոս յարեաւ ի մեռելոց»
Սուրբ եւ անմահ պատարագ՝ ի նշանավորումն Հիսուս Քրիստոսի ...


23-04-2019
Նոր ավիաընկերությունների սպասելիս
Հարցազրույց քաղավիացիայի կոմիտեի նախագահ Տաթեւիկ Ռեւազյանի հետ

ՀՀ ...



23-04-2019
Անձրեւացման եղանակի «հայկական հետքը»
Ինչ է պատմում խորհրդային տարիներին ...

23-04-2019
ԱՄՆ-ը Իրանից նավթի ներմուծման արտոնությունը չեղարկում է
2018թ. նոյեմբերի 4-ին, երբ ԱՄՆ-ն Իրանի դեմ տնտեսական ...

23-04-2019
Հոգեւոր կյանքի վերանորոգման առիթ
Արցախում նշել են Հիսուս Քրիստոսի ...

23-04-2019
«Բանանցը» հրաժարվեց. ի՞նչ սպասել հաջորդիվ
Խորը հիասթափություն էր սպասում այն մի քանի տասնյակ ...
USD
EURO
RUR
GEL
Եղանակը Երևանում
գիշերը +4... +6
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO