Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.05.2018
ՄՇԱԿՈՒՅԹ


Ռիշար Կլայդերմանը՝ կրկին հայաստանյան բեմում

Հայ հանդիսատեսի տված էներգիան նոր ստեղծագործություն կդառնա

Երեւանյան գարնանային օդը մինչեւ կիրակի հագեցած կլինի կլայդերմանական նոտաներով. ֆրանսիացի աշխարհահռչակ դաշնակահար, կոմպոզիտոր Ռիշար Կլայդերմանն այստեղ է։ Հայաստան այցի առիթը համերգն է։ Մարտի 18—ին կանանց միամսյակի առթիվ, Կարեն Դեմիրճյանի անվան մարզահամերգային համալիում տեղի կունենա դաշնակահարի եւ Հայաստանի պետական կամերային նվագախմբի համատեղ համերգը։
Համերգին կհնչեն հանրահայտ եւ սիրված «Show time Murmurs», «L for Love», «Chariots of fire», «Ballade pour Adeline», «Corazon de Nino», «Love at first sight», «Childhood memories», «Cinema Paradiso», «Spartacus», «Romeo and Juliet», «Blue Rondo», «America» եւ այլ ստեղծագործություններ։
«Սա իմ երկրորդ այցն է Հայաստան։ Հույս ունեմ, որ համերգը լավ կանցնի։ Համերգը, քանի որ կանանց միամսյակի շրջանակում է, ռոմանտիկ ստեղծագործություններ եւս կլինեն։ Բայց հայկական ստեղծագործություն այս անգամ չեմ հասցրել ներառել ծրագրում։ Կարծում եմ, մյուս անգամ անպայման կնվագեմ նաեւ որեւէ հայկական երաժշտություն»,—երեկ լրագրողների հետ հանդիպման ժամանակ ասաց կոմպոզիտորը՝ ընդգծելով, որ այս մեկը տարբերվելու է նախորդից։
Նրա առաջին համերգը մեր երկրում եղել է 2015—ին։ Ջերմ ընդունելությունից ու Հայաստանի պետական կամերային նվագախմբի հետ հրաշալի համերգից հետո, պատմում է, որ ցանկությունը մեծ է եղել երկրորդ անգամ գալ ու նորից հայկական բեմում ելույթ ունենալ։ Համոզված է՝ հայաստանյան երկրորդ ելույթից հետո նոր ստեղծագործություններ են լինելու. հայ հանդիսատեսից շատ դրական էներգիա է ստանում։
«Ես շատ երկրներում եմ եղել։ Հավատացեք՝ դա շատ կարեւոր է երաժշտի համար. նվագել տարբեր լսարանների համար, տեսնել նրանց արձագանքը, ստանալ նրանցից եկող էներգիան։ Դրանք հետո վերածվում են նաեւ նոր ստեղծագործությունների»,—նկատում է ֆրանսիացի դաշնակահար—կոմպոզիտորն ու իր մասին պատմում՝ սկսել է դասական երաժշտությամբ։ Ժամանակի ընթացքում նվագել է պարի տարբեր խմբերի համար, գնացել դեպի պոպուլյար երաժշտություն։ Բայց այդ անցումը շատ բնական է եղել. «Գնացի դեպի այն երաժշտությունը, որն ինձ դուր էր գալիս»։ Կարծում է՝ ճիշտ է արել։ Այդ քայլի շնորհիվ է կարողացել աշխարհով մեկ շրջագայել։
Նա դաշնամուրի առաջին դասերը ստացել է երաժիշտ հորից՝ դեռ վաղ տարիքում։ Իսկ ընդամենը 12 տարեկանում արդեն կոնսերվատորիայի ուսանող էր։
Կլայդերմանն իր հիմնական ժամանակը նվիրել է կատարողական գործունեությանը։
Պոլ դը Սենեվիլի գրած աշխարհահռչակ «Բալադ Ադելինի համար» ձայնասկավառակի թողարկումը նրան հանրահռչակ դարձրեց ողջ աշխարհում։ Ձայնասկավառակը վաճառվեց աշխարհի ավելի քան 30 երկրում՝ 22 մլն օրինակով։
Ռիշար Կլայդերմանը ձայնագրել է ավելի քան 1300 մեղեդի, ստեղծել նոր ռոմանտիկ երգացանկ՝ յուրօրինակ ոճով, միավորելով դասական եւ փոփ երաժշտությունը։ Հանրաճանաչ դաշնակահարը նշվել է համաշխարհային ռեկորդների Գինեսի գրքում՝ որպես «the most successful pianist in the world» («աշխարհի ամենահաջողակ դաշնակահար»)։
Իր եջանկությունը ամենահաջողակ դաշնակահարը համարում է սերը, որը տածում է առ երաժշտություն, առ դաշնամուր։ «Այդ երաժշտությունն ու դաշնամուրն է, որ ինձ թույլ է տալիս արդեն 38 տարի զբաղվել այս գործով»։ Արդեն 38 տարի նվագում է աշխարհի ամենատարբեր բեմերում ու հարթակներում, իսկ ասուլիսների ժամանակ նվագելու վերաբերյալ հարցին պատասխանում է. «Ոչ, երբեք, երբեք դա չեմ անում»։
Բայց երեկ նա դա արեց անակնկալի տեսքով. հանդիպման ավարտին Ռիշար Կլայդերմանը նվագեց հայաստանյան լրատվամիջոցների ներկայացուցիչների համար։
Թամարա ՄՈՒՐԱԴՅԱՆ

18-03-2017





26-05-2018
Պատմությունից դասեր քաղելու ժամանակը
Գիտաժողով՝ նվիրված Հայաստանի առաջին հանրապետությանը

ՀՀ ԳԱԱ նախագահության ...


 
26-05-2018
Ժամանակ է անհրաժեշտ
Որպեսզի կառավարությունն աշխատի, եւ հնարավոր լինի գնահատական տալ



26-05-2018
Վեhաշուք հուշարձան-կոթող
Հայրենի հողի պաշտպանությանը զինվորագրվածների հիշատակին

Բաշ Ապարանի հերոսամարտի ...


 
26-05-2018
Վերքերից երգեր գոյացան
Ինչպես ծնվեց «Սարդարապատ» ստեղծագործությունը

1968 թվականին, երբ նշվում ...


26-05-2018
Անցյալի աստեղային դրվագները
Ղարաքիլիսայի հերոսամարտը մասնակցի հուշերում

1918 թվականի մայիսը հայերիս ...


 
26-05-2018
Ավարայր եւ Սարդարապատ. զուգահեռների փորձ
Հայոց պատմության երկու խորհրդանշական հասկացությունները՝ Ավարայրն ու Սարդարապատը, մշտապես ...


26-05-2018
Ազատ եւ երջանիկ Հայաստան կառուցելու գործընթացն անշրջելի է
Նիկոլ Փաշինյանի ելույթը  «Հայաստան» համահայկական հիմնադրամի հոգաբարձուների խորհրդի ...



26-05-2018
Նորի կառուցումը ճիշտ ժամանակին կսկսվի
Իսկ առայժմ երկարացվում է գործող ԱԷԿ—ի ...

26-05-2018
Բաց դռների օր
Հայաստանում Գերմանիայի ...

26-05-2018
Կառուցելով նոր կամուրջներ
«Արմենպրեսը» համաձայնագիր է ստորագրել ...

26-05-2018
«Հայաստանի առաջին հանրապետությունը՝ 100 տարվա հետահայաց»
Ցուցահանդեսում արդի ...
USD
EURO
RUR
GEL
Եղանակը Երևանում
գիշերը +13... +15
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO