Հայերեն / English / Русский

Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.07.2017
ԼՂՀ


«Մեծ կինոն՝ փոքր գյուղում»

Հեղինակային ֆիլմերի ցուցադրություն Արցախում

Այս խորագիրն է կրում կինոռեժիսոր Ջիվան Ավետիսյանի կողմից նախաձեռնած ակցիան, որ հուլիսի 14—16—ը իրականացվում է հեղինակի ծննդավայր Խաչմաչ գյուղում։ Ինչպես ճեպազրույցի ժամանակ նշեց կինոռեժիսորը, համագյուղացիների դատին են ներկայացնում «Ընդհատված մանկություն», «Թեւանիկը» եւ «Վերջին բնակիչը» ֆիլմերը։ Իսկ թե ինչու ցուցադրման համար հեղինակը ընտրել է հենց այդ ստեղծագործությունները, նա խոստովանեց, թե՝ «Դա կինոհանդիսատեսների ցանկությունն էր, նրանց խնդրանք—պահանջը։ Հավանաբար, նաեւ ֆիլմերի թեմաներն են նրանց հոգեհարազատ։ Պատերազմը ում դուռը չի ծեծել»։
Ջ. Ավետիսյանի խոսքով, այսուհետեւ արցախյան բնակավայրերում հեղինակային ֆիլմերի ցուցադրումը կանոնավոր բնույթ է կրելու։ «Մտադիր եմ ամեն տարի հրավիրել կինոոլորտի հայ եւ արտասահմանցի ներկայացուցիչների, ռեժիսորների, ովքեր ցանկություն կունենան իրենց ֆիլմերը ներկայացնել Արցախում։ «Մեծ կինոն՝ փոքր գյուղում»… Այս խորագիրը կրող գաղափարը ես արդեն ներկայացրել եմ ԱՀ մշակույթի եւ երիտասարդության հարցերի եւ արտաքին գործերի նախարարներին, եւ ստացել նրանց համաձայնությունը։ Մտահղացման մասին տեղյակ եմ պահել նաեւ ամերիկյան իմ գործընկերներին՝ ARTsakh Arts and Cultural Foundation»—ի հիմնադիրներ Ադրինե Միրզայանին, ով, ի դեպ, իմ «Վերջին բնակիչը» ֆիլմի գործադիր պրոդյուսերն է, եւ Գարո Մադենլիանիին։ Ֆիլմերի ցուցադրության գաղափարը հավանության է արժանացել նաեւ նրանց կողմից,—նշեց ռեժիսորը։–Այս ամենը նպատակ է հետապնդում ճանաչելի դարձնել մեր հայրենիքը միջազգային հանրությանը։ Օտար կինոգործիչները, ռեժիսորներն իրենց դերասանական կազմով կգան ու կտեսնեն Արցախը, կհիանան նրա հրաշագեղ բնությամբ, կլինեն պատմամշակութային վայրերում, կշփվեն արցախցիների հետ ու կծանոթանան մարդկանց խնդիրներին, կճանաչեն Արցախն ու արցախցիներին, ի վերջո, կծանոթանան հայ ժողովրդի պատմական անցյալին ու ներկային։ Այսպիսով, հայկական կինեմատոգրաֆիան զարգացնելուց զատ, Արցախը նաեւ լայն ճանաչում ձեռք կբերի հատկապես արվեստի ոլորտում»։
«Վերջին բնակիչը» ֆիլմը ցուցադրվել է Լիբանանում, Ռուսաստանի Դաշնությունում, ԱՄՆ—ում, Չինաստանում՝ արժանանալով հանդիսատեսի ջերմ ընդունելությանը։ «Շանհայի 20—րդ միջազգային կինոփառատոնի շրջանակներում ֆիլմն ընդգրկվել էր «Panorama» ոչ մրցութային ծրագրում,–տեղեկացրեց կինոռեժիսորը։–Այն ցուցադրվել է 5 անգամ։ Իսկ պաշտոնական գլխավոր ցուցադրությունը տեղի է ունեցել հունիսի 25—ին։ Այդ առիթով ինձ հետ Շանհայ էին ժամանել ֆիլմի լիտվացի պրոդյուսեր Կեստուտիս Դրազդաուսկասը եւ ֆիլմի գործադիր պրոդյուսեր Ադրինե Միրզայանը»։
Ջիվան Ավետիսյանը խոստովանեց, որ «Վերջին բնակիչն» ընդգրկվել էր այդ կինոփառատոնում եւ ցուցադրվել մեծ հաջողությամբ։ «Փառատոնի կազմակերպիչների խմբի կողմից լսեցինք դրական անկեղծ արձագանքներ։ Ֆիլմն իր սցենարով, դերասանական կազմով, ասելիքով բոլորին հետաքրքրեց։ Իհարկե, հանդիսատեսի որոշ մասը տեղեկացված էր, սակայն ստվար զանգվածը պատկերացում անգամ չուներ ո՛չ Արցախի, ո՛չ ղարաբաղյան հիմնախնդրի մասին։ Ուրախ եմ, որ ֆիլմն այդ առումով ծառայեց իր նպատակին։ Հանդիսատեսների կողմից, բնականաբար, շատ հարցեր հնչեցին։ Նրանց հետաքրքրում էին հակամարտության հանգուցալուծումը, ժողովրդի ճակատագիրը։ Չինացիները հատուկ վերաբերմունք էին տածում հայերի նկատմամբ։ Ֆիլմն օգնեց ներկայացնել Արցախի ժողովրդի պատմությունը, մարդկանց պատմել խեղված ճակատագրերի մասին»,–պատմեց Ջ. Ավետիսյանը։
Արվեստագետի հավաստմամբ, չինացիներին հետաքրքրեց ղարաբաղյան կոնֆլիկտը։ Ըստ ֆիլմի ռեժիսորի, Արցախի ներկայիս իրավիճակի մասին հանգամանալից տեղեկատվությունից հետո նրանց կողմից հետաքրքրությունը կրկնապատկվեց։
Զրույցի ժամանակ Ջ. Ավետիսյանն անդրադարձավ «Դրախտի դարպասը» նոր ֆիլմին։ Նա նշեց, որ Կաննի կինոփառատոնի կինոշուկայից վերադարձել են լուրջ հաջողություններով։ «Ֆիլմի նկարահանումների մեծ մասը կատարվելու է Արցախում։ Արդեն ճշգրտված են նկարահանման տեղանքները։ Արդյունքների մասին կխոսենք մի փոքր ուշ»,–հավելեց կինոռեժիսորը։
Դ. ՄԻՔԱՅԵԼՅԱՆ

15-07-2017





22-07-2017
Հայ—իրանական փոխգործակցության հսկայական ներուժ կա
Երկաթուղու, գազատարի ծրագրերը կարող են նպաստել ՀՀ անվտանգության ...


22-07-2017
Ամենօրյա հսկողություն, խստացված միջոցառումներ
«Սեւան» ազգային պարկ» ՊՈԱԿ—ի խորհրդի նիստում

ՀՀ բնապահպանության ...


 
22-07-2017
Որ ֆինանսապես տուժածն անտանիք չմնա
Գործադիրը սահմանել է միակ բնակարանի իրացման համար նվազագույն ...


22-07-2017
Նախագահը ընդունել է տափօղակով հոկեյի միջազգային ֆեդերացիայի նախագահին
Նախագահ Սերժ Սարգսյանը երեկ ընդունել է տափօղակով հոկեյի միջազգային ...


22-07-2017
«Ոսկե առյուծ» մրցանակը կմնա Հայաստանում
Նախագահը ընդունել է «Ստանդարտ» ժամանակակից արվեստի միջազգային տրիենալեի ...


22-07-2017
ՄԱԿ–ի մանկական հիմնադրամի ներկայացուցիչն Ազգային ժողովում
ՀՀ Ազգային ժողովի նախագահ Արա Բաբլոյանը երեկ ընդունել է ...


22-07-2017
Լայն հնարավորություն է ընձեռվում
Հուշագրի ստորագրում ՀՀ Ազգային ժողովում

Երեկ ՀՀ Ազգային ...



22-07-2017
Բացահայտել եւ ցույց տալ
Նորովի գնահատելով Հայաստանի եւ Արցախի ...

22-07-2017
Համր, բայց հասկանալի բոլորին
Մեկնարկում է Լեոնիդ Ենգիբարյանի անվան ...

 
22-07-2017
ՀՀ ԱԳ նախարարն ընդունել է ԱՄՆ բարձրաստիճան պատվիրակությանը
Երեկ արտգործնախարար Էդվարդ Նալբանդյանը ընդունեց ...

22-07-2017
Ամենայն հայոց կաթողիկոսն ընդունել է ԱՄՆ հայոց արեւելյան թեմի ուխտավորներին
Երեկ Ն.Ս.Օ.Տ.Տ. Գարեգին Բ Ծայրագույն պատրիարք եւ ...
USD
EURO
RUR
GEL
Եղանակը Երևանում
գիշերը +22... +24
ցերեկը +38... +40

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO