Հայերեն / English / Русский

Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.07.2017
ՆԱԽԱԳԱՀ


«Դիտակետ», «Պատիվ ունեմ» եւ «Ես եմ»

Նախագահը մասնակցել է ծրագրերի հանրային քննարկումների ամփոփմանը

Հանրապետության նախագահ, Զինված ուժերի գերագույն գլխավոր հրամանատար Սերժ Սարգսյանը երեկ պաշտպանության նախարարության Դիլիջանի «Լեռնային Հայաստան» առողջարանում մասնակցել է «Դիտակետ», «Պատիվ ունեմ» եւ «Ես եմ» ծրագրերի հանրային քննարկումների ամփոփմանը։
Պաշտպանության, կրթության եւ գիտության նախարարները, հանրային քննարկումներն իրականացնողները, ՊՆ Վ. Սարգսյանի անվան ռազմական համալսարանի կուրսանտները, քննարկմանը հրավիրված մի շարք բուհերի ուսանողներ եւ զորամասերի հրամանատարներ մտքեր են փոխանակել հանրային քննարկումների արդյունքների շուրջ, իրենց տեսակետներն ու առաջարկությունները ներկայացրել։ Զեկուցվել են նաեւ Հայաստանի գրեթե ամբողջ տարածքում անցկացված այդ քննարկումների ժամանակ հանրության տարբեր շերտերից՝ մտավորականներից, ազատամարտիկներից, գործարարներից, լրատվամիջոցների ներկայացուցիչներից, երիտասարդներից, հասարակական կազմակերպություններից ստացված գնահատականները, դիտողություններն ու առաջարկները։
Հանրապետության նախագահը շնորհակալություն է հայտնել քննարկման բոլոր մասնակիցներին եւ ընդգծել, որ ներկայացված ծրագրերն ու դրանց հանրային քննարկումների ընթացքը գալիս են ապացուցելու, որ հետեւողականորեն իրականացվում է Հայաստանի Հանրապետության զինված ուժերի զարգացման եւ ամրապնդման քաղաքականությունը։
«Դիտակետ», «Պատիվ ունեմ», «Ես եմ» ծրագրերը, նախագահի համոզմամբ, կոչված են ստեղծագործաբար լուծելու առկա խնդիրները, որոնք նոր չեն ի հայտ եկել, սակայն նոր եւ տեղին են առաջարկվող լուծումների մեծ մասը։
Հանդիպման ավարտին հանրապետության նախագահը գոհունակությամբ է արձանագրել, որ հասարակության տարբեր շերտերից ստացված կարծիքներում եւ գնահատականներում գերակշռում է դրական մոտեցումը։ Դրանց մասին են վկայում նաեւ հասարակական կարծիքի ուսումնասիրության նպատակով «Այ—Փի—Էս—Սի» քաղաքական եւ սոցիոլոգիական խորհրդատվությունների ինստիտուտի կողմից իրականացված սոցիոլոգիական հարցումներն ու Մարդկային զարգացման միջազգային կենտրոնի անցկացրած քննարկումները։
Հանդիպման ավարտին նախագահը հանձնարարականներ է տվել պաշտպանության, կրթության եւ գիտության նախարարներին, որոնք միտված են շարունակելու հնչեցված ծրագրերի հետ կապված աշխատանքները՝ հաշվի առնելով հանրային քննարկումների արդյունքները։ Հանձնարարականների համաձայն, պաշտպանության նախարարությունը ամբողջությամբ կամփոփի անցկացված քննարկումների արդյունքները, ի մի կբերի ներկայացված առաջարկություններն ու դիտողությունները եւ կսկսի անհրաժեշտ օրենսդրական նախաձեռնությունների նախապատրաստման ու շահագրգիռ բոլոր գերատեսչությունների հետ դրանց համաձայնեցման ուղղությամբ աշխատանքները։ Կրթության եւ գիտության նախարարությունը պաշտպանության նախարարության հետ համատեղ կմշակի կառավարության որոշման նախագիծ՝ «Պատիվ ունեմ» ծրագրի փորձնական փուլի կազմակերպման վերաբերյալ։
Նախագահն ընդգծել է, որ ոչ ոք չի պնդում, թե ներկայացված ծրագրերը կատարյալ են, եւ դրանցում բոլոր մանրուքները հաշվի են առնված, սակայն հանրային լայն քննարկումների արդյունքում ստացված առաջարկությունները, նրա համոզմամբ, ավելի կբարելավեն այդ ծրագրերը, իսկ գործնականում փորձարկելուց հետո հնարավոր կլինի խոսել վերջնական եզրակացության մասին։
ՀՀ նախագահի մամլո գրասենյակ

15-07-2017





22-07-2017
Հայ—իրանական փոխգործակցության հսկայական ներուժ կա
Երկաթուղու, գազատարի ծրագրերը կարող են նպաստել ՀՀ անվտանգության ...


22-07-2017
Ամենօրյա հսկողություն, խստացված միջոցառումներ
«Սեւան» ազգային պարկ» ՊՈԱԿ—ի խորհրդի նիստում

ՀՀ բնապահպանության ...


 
22-07-2017
Որ ֆինանսապես տուժածն անտանիք չմնա
Գործադիրը սահմանել է միակ բնակարանի իրացման համար նվազագույն ...


22-07-2017
Նախագահը ընդունել է տափօղակով հոկեյի միջազգային ֆեդերացիայի նախագահին
Նախագահ Սերժ Սարգսյանը երեկ ընդունել է տափօղակով հոկեյի միջազգային ...


22-07-2017
«Ոսկե առյուծ» մրցանակը կմնա Հայաստանում
Նախագահը ընդունել է «Ստանդարտ» ժամանակակից արվեստի միջազգային տրիենալեի ...


22-07-2017
ՄԱԿ–ի մանկական հիմնադրամի ներկայացուցիչն Ազգային ժողովում
ՀՀ Ազգային ժողովի նախագահ Արա Բաբլոյանը երեկ ընդունել է ...


22-07-2017
Լայն հնարավորություն է ընձեռվում
Հուշագրի ստորագրում ՀՀ Ազգային ժողովում

Երեկ ՀՀ Ազգային ...



22-07-2017
Բացահայտել եւ ցույց տալ
Նորովի գնահատելով Հայաստանի եւ Արցախի ...

22-07-2017
Համր, բայց հասկանալի բոլորին
Մեկնարկում է Լեոնիդ Ենգիբարյանի անվան ...

 
22-07-2017
ՀՀ ԱԳ նախարարն ընդունել է ԱՄՆ բարձրաստիճան պատվիրակությանը
Երեկ արտգործնախարար Էդվարդ Նալբանդյանը ընդունեց ...

22-07-2017
Ամենայն հայոց կաթողիկոսն ընդունել է ԱՄՆ հայոց արեւելյան թեմի ուխտավորներին
Երեկ Ն.Ս.Օ.Տ.Տ. Գարեգին Բ Ծայրագույն պատրիարք եւ ...
USD
EURO
RUR
GEL
Եղանակը Երևանում
գիշերը +22... +24
ցերեկը +38... +40

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO