Հայերեն / English / Русский

Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.09.2017
ՄԱՅՐ ԱԹՈՌ


Բարերար ներդրում եւ արդյունքներ

Բացվեց Գեւորգյան հոգեւոր ճեմարանի 2017—2018թթ. ուսումնական տարին

Երեկ, նախագահությամբ Ն.Ս.Օ.Տ.Տ. Գարեգին Բ Ծայրագույն պատրիարք եւ Ամենայն հայոց կաթողիկոսի, տեղի ունեցավ Մայր Աթոռ Սուրբ Էջմիածնի Գեւորգյան հոգեւոր ճեմարանի 2017—2018 թթ. ուսումնական տարվա բացումը, հայտնում են Մայր Աթոռ Ս. Էջմիածնի տեղեկատվական համակարգից։
Ցերեկույթը սկսվեց միասնական Տերունական աղոթքով, ապա կատարվեց ուսանողների օրհնության կարգ։
Հայաստանի Հանրապետության եւ ճեմարանի օրհներգերից հետո բացման խոսքով հանդես եկավ Գեւորգյան ճեմարանի տեսուչ տ. Գարեգին վարդապետ Համբարձումյանը։ Հոգեշնորհ հայր սուրբը, շնորհավորելով նոր ուսումնական տարվա մեկնարկի առիթով, տեղեկացրեց, որ այս տարվա 48 դիմորդներից Գեւորգյան հոգեւոր ճեմարան է ընդունվել 18 սան, եւս 18—ը՝ Սեւանի Վազգենյան հոգեւոր դպրանոց։
Անդրադառնալով ճեմարանի դերին ու առաքելությանը՝ հայր սուրբը նշեց, որ այստեղ ձեւավորվում է հայ ազգի հոգու ապագա մշակը, որի համար մարդակերտման ու հոգեկերտման կարեւորագույն որակ պիտի դառնա մղումը՝ դարման լինելու բեկյալի սրտին, սփոփանք լինելու կարոտյալի վշտին, հարատեւ աղոթք ընծայելու տիեզերքի Արարչին, անտարբեր չլինելու կյանքում որեւէ երեւույթի հանդեպ։ «Ի չիք է ամեն գիտելիք եւ ուսում, եթե այն միտված չէ այլոց կյանքի մեջ բարերար ներդրում ունենալուն, եթե այն ձեռք չի բերվում այն գիտակցումով, որ ամեն պարգեւ Տիրոջից է եւ Նրան պիտի դարձվի»,—ընդգծեց հայր Գարեգինը։
Իր խոսքում հայր Գարեգինը տեղեկացրեց արձակուրդային շրջանում քարոզչական, հովվական, կրթական եւ սոցիալական տարբեր ծրագրերում ճեմարանականների ունեցած ակտիվ մասնակցության մասին։ ԳՀՃ տեսուչն անդրադարձավ նաեւ առաջիկա ուսումնական տարում իրականացվելիք մի շարք կրթա—գիտական, հրատարակչական եւ մշակութային ծրագրերին։ Ճեմարանի համար այս տարին նշանակալի է նաեւ նախորդ տարի հաստատված ասպիրանտական կրթության մեկնարկով։
Հանդիսության ընթացքում կոմիտասյան երգերով հանդես եկավ Գեւորգյան հոգեւոր ճեմարանի երգչախումբը՝ ղեկավարությամբ բարեշնորհ Արթուր սարկավագ Վարդանյանի։ Իսկ Արարատյան հայրապետական թեմի երիտասարդաց միության լարային քառյակի կատարմամբ հնչեց Ա. Վիվալդիի «Տարվա եղանակներ»—ից «Ամառ»—ը։
Հանդիսությունն ամփոփվեց Նորին սրբություն Գարեգին Բ Ամենայն հայոց կաթողիկոսի օրհնության խոսքով։
Վեհափառ հայրապետն իր բարեմաղթանքն ու շնորհավորանքները հաղորդեց նոր ուսումնական տարեմուտի առիթով՝ նշելով, որ այս իրադարձությունն ամեն անգամ նոր հույսեր ու տեսլականներ է ձեւավորում, որոնք աղոթքով ու գործով պիտի իրականություն դառնան եւ արդյունքներ պարգեւեն մեր ազգին եւ Սուրբ Եկեղեցուն։
Անդրադառնալով հոգեւորականի կերպարին՝ Նորին սրբությունն ընդգծեց, որ Հայոց եկեղեցին մեծապես կարեւորել է, եւ ժողովուրդը մեծարել ազգային կյանքում հավատքով զորեղ, գիտելիքներով զինված, սիրո ու անձնվիրումի ոգով գործող հոգեւորականի սպասավորությունը։ «Քրիստոսի հավատարիմ սպասավորը չի բնորոշվում սոսկ իր կրած սքեմով, այլ ինքն է արժեւորում իր կոչումն ու համազգեստը, արգասավորում իր ստանձնած առաքելությունը, ի սեր Աստծո եւ ժողովրդի հաղթահարում փորձություններ, համբերությամբ ու ըմբռնումով տանում նաեւ զրկանքներ եւ Տիրոջ սերն ու խաղաղությունը սփռում իր հավատավոր հոտի, իր ժողովրդի կյանքում»,–ասաց Վեհափառ հայրապետը՝ հավելելով, որ այսպիսի ընկալումով դասախոսները տեսչության գլխավորությամբ պիտի իրականացնեն հոգեւորական կրթելու եւ դաստիարակելու առաքելությունը։
Հայոց հովվապետը հորդորեց ճեմարանականներին նույն այդ գիտակցությամբ առաջնորդվել իրենց ուսումնառության մեջ՝ Սուրբ Եկեղեցու արժանավոր մշակ դառնալու՝ օրինակ ունենալով հայոց լուսավորիչներին, թարգմանիչ վարդապետներին, Նարեկացուն, Շնորհալուն, Կոմիտասին եւ բազում այլոց, որոնց փառքն ու գործը շողարձակել են հայոց պատմության դարավոր ընթացքում։
Նորին սրբությունն իր գնահատանքն ու օրհնությունը բերեց տեսչությանը, դասախոսական կազմին եւ ուսանողներին՝ մաղթելով, որ Աստծո Աջը հովանի լինի ամենքին եւ առաջնորդի ուսումնական կյանքի ճանապարհով՝ ապահովելով բարի արդյունքներ։
Բացման հանդիսությունը փակվեց Ամենայն հայոց կաթողիկոսի «Պահպանիչ» աղոթքով եւ հայրապետական մաղթերգով։
Հանդիսությանը ներկա էին Մայր Աթոռի միաբաններ, Մայր Աթոռի հոգեւոր—կրթական հաստատությունների տեսչական ու դասախոսական անձնակազմերը, Գեւորգյան հոգեւոր ճեմարանի սաները եւ այլ հրավիրյալներ։

13-09-2017





 
20-09-2017
Ճանաչումն ԱՄՆ—ի շահերից է բխում
Ուստի կոնգրեսականներն աշխատում են ցեղասպանության ճանաչման ուղղությամբ

Հայկական ...


20-09-2017
Ներդրումները միայն Հայաստանի 3 միլիոնանոց շուկա չեն մտնում
Թեմատիկ քննարկման ժամանակ վարչապետը նաեւ հարցերի պատասխանեց

Տնտեսության ...


 
20-09-2017
Զինված ուժերում ծառայելը մեր բարոյական եւ իրավական պարտականությունն է
Հայաստան—սփյուռք 6—րդ համաժողովի շրջանակներում ՀՀ պաշտպանության նախարարության կողմից կազմակերպվել ...


 
20-09-2017
Կարեւոր է, որ բանակը սիրված է ժողովրդի կողմից
Չիլիի ռազմածովային ուժերի ծովակալ Հերնան Կույումջյանը արդեն երրորդ անգամ ...


 
20-09-2017
Զիջումները՝ միայն ԼՂՀ ճանաչման դեպքում
Փոխզիջումային քաղաքականությանը պետք է շատ խնամքով մոտենալ

Հայաստան—սփյուռք ...


20-09-2017
Նոր ուղղություններ՝ գյուղոլորտում
ՀՀ գյուղատնտեսության նախարարն այցելել է Կոտայքի մարզ

ՀՀ ...


 
20-09-2017
Արտադրել եւ դուրս գալ արտաքին շուկա
Քննարկվեցին ՀՀ տնտեսության զարգացման հեռանկարները

Հայաստան—սփյուռք 6—րդ համաժողովի ...



20-09-2017
Հայ լինելը Թուրքիայում դժվար է
Սակայն անձայն մնալը սխալ է, ...

 
20-09-2017
Բացվել է Արենու քարանձավ հնավայրը
ԱՄՆ—ն աջակցում է հուշարձանի ...

20-09-2017
Վարչապետն ԱՄՆ կոնգրեսականների հետ քննարկել է հայ–ամերիկյան տնտեսական համագործակցության հեռանկարները
Վարչապետ Կարեն Կարապետյանը երեկ ընդունել է ...

20-09-2017
Միասին շարունակենք կառուցել բոլորիս երազած երկիրը
Վարչապետի ելույթը՝ Հայաստան–սփյուռք ...
USD
EURO
RUR
GEL
Եղանակը Երևանում
գիշերը +16... +18
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO