Հայերեն / English / Русский

Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

21.11.2017
ԱՇԽԱՐՀ


Ճնշումները մեծանում են

Քրդստանի անկախության հանրաքվեին հաշված օրեր են մնացել

Իրաքի Քրդստանի ինքնավարության (ՔԻ) անկախության հանրաքվեին հաշվված օրեր են մնացել, ինչի բերումով ներքին եւ արտաքին ճնշումներն օր օրի մեծանում են։
Այսուհանդերձ, ՔԻ նախագահ Մասուդ Բարազանին, կրկին հանդես գալով հայտարարությամբ, շեշտել է, որ հանրաքվեն իրենց «Օրինական ու բնական իրավունքն է», եւ որ դա ինքնավարության բնակչության որոշումն է։ Հայտարարության մեջ նշվում է նաեւ, որ Բարազանին հանդիպում է ունեցել Իրաքում ՄԱԿ—ի ներկայացուցիչ Յան Կուբիշի հետ, որի ընթացքում քննարկվել է հանրաքվեի եւ Բաղդադ—Արբիլ փոխհարաբերությունների հարցեր։ Կուբիշը հանդիպել է նաեւ Իրաքի վարչապետի հետ եւ ընդգծելով, թե ՄԱԿ—ը հաստատակամ է իր որոշման մեջ, կարեւորում է Իրաքի միասնականությունը, որի առաջնահերթությունն Իրաքում ուժերն ահաբեկչության դեմ կենտրոնացնելն է։
Բաղդադը հանրաքվեն անօրինական է համարում, թեեւ այն անցկացնելու իրավունքն ամրագրված է երկրի Սահմանդրությամբ, հետեւաբար Իրաքի իշխանությունները կարող են դեմ լինել այլ պատճառաբանությամբ՝ ժամանակավրեպ է, երկրի ամենանավթաշատ Քիրքուկ նահանգը, որը մասնակցելու է հանրաքվեին, ինքնավարության սահմաններից դուրս է եւ, ի վերջո, այն կարող է ներքին նոր բախումների առիթ դառնալ եւ այլն։ Ի դեպ, Իրանի ԱԳ նախարարությունը Քիրքուկի հանրաքվեին մասնակցելը խիստ վտանգավոր քայլ է գնահատել։ Թուրքիան էլ մշտապես հավակնություններ է ունեցել նավթառատ այս նահանգի նկատմամբ եւ այն գրավելու ցանկացած առիթ բաց չի թողել, դա են վկայում Անկարայի մտադրությունները 2003թ. իրաքյան պատերազմի ընթացքում, ինչը չիրականացվեց։ Անկարան դա պատճառաբանում է նաեւ այստեղ ապրող թուրքմենների առկայությամբ, որոնք մի երկու տարի առաջ ցանկություն էին հայտնում ապրել ՔԻ—ում։
Մյուս կողմից՝ ի սկզբանե հանրաքվեին խիստ դեմ են արտահայտվել հնարավոր անկախ Քրդստանի հարեւան երկրները՝ Թուրքիան, Իրանն ու Սիրիան։ Թուրքիան, որ առավելապես սարսափահար է քարտեզի վրա Քրդստան անվամբ երկիր տեսնելուց, ջանք չի խնայել հանրաքվեի անցկացումը խափանելու ուղղությամբ, կիրառելով իր դիվանագիտական զինանոցում առկա բոլոր միջոցները՝ սպառնալիքները, հարեւան երկրների հետ տարաձայնությունները մի կողմ թողնելով տարբեր մակարդակներով խնդիրը քննարկելով, փոխայցելություններով եւ այլն։ Միացյալ Նահանգներն առաջարկել է հետաձգել հանրաքվեն, իսկ Ռուսաստանը հայտարարել է, որ կարեւորում է Իրաքի միասնությունը, սակայն վերջինիս հորդորելով չանտեսել ազգային փոքրամասնությունների եւ, մասնավորապես, խոշորագույնի՝ քրդերի իրավունքները։ Բացի այդ, ըստ ՔԻ պաշտոնական հայտարարության, Բարազանիի եւ Արաբական լիգայի գլխավոր քարտուղար Ահմեդ Աբու Գեյդի հանդիպմանը եւս քննարկվել է խնդրո առարկան, վերջինս պահանջել է հանրաքվեն հետաձգել։
Սակայն քրդական որոշ աղբյուրների համաձայն, Աբու Գեյդը պահանջել է ոչ թե հետաձգել, այլեւ ընդհանրապես հրաժարվել հանրաքվեի մտքից։ Այլ կերպ ասած՝ հանրաքվեն անց է կացվելու արտաքին լուրջ ճնշումների պայմաններում, փաստորեն միակ երկիրը, որը դրական է վերաբերվում հանրաքվեին, Իսրայելն է։
Հարկ է նշել, որ քաղաքագետների ու վերլուծաբանների տեսակետները եւս խիստ հակասական են։ Օրինակ, եթե լոնդոնաբնակ քրդական հարցերով փորձագետ Հոման Սեյեդիի կարծիքով Քրդստանի պետության ձեւավորումը պատմական լուրջ ձեռքբերում է եւ նպաստելու է Միջին Արեւելքում տասնամյակներ շարունակվող արյունալի բախումներին վերջ դնելուն, ապա ֆինլանդաբնակ Միջին Արեւելքի հարցերով զբաղվող Հոսեյն Ալիզադեն շեշտում է, որ դա Միջին Արեւելքում կհանգեցնի արյունալի բախումների, այն կվերածվի արյան ծովի։ Նա միաժամանակ շեշտում է, որ անկախ Քրդստանը, որը շրջափակված է ցամաքով, ծանր վիճակի մեջ է հայտնելու, հաշվի առնելով որ հարեւան երկրները, որոնք դեմ են անկախ Քրդստանին, կարող են սահմանափակումներ կիրառելով այդ երկրի նկատմամբ, տնտեսապես ոչնչացնել այն։
Անդրադառնալով ՔԻ անկախության հանրաքվեի ներքին ընդդիմությանը՝ նշենք, որ տարածաշրջանի եւ դրան դեմ երկրների ԶԼՄ—ներում հաճախակի են դարձել ՔԻ—ի եւ հարակից քրդաբնակ շրջաններում հանրաքվեի լուրջ ընդդիմության ձեւավորման մասին նյութերը, ինչն, ըստ երեւույթին, հովանավորում են շահագրգիռ ուժերը։ Հանրաքվեին դեմ արտահայտվող քրդական կուսակցությունները ոչ թե ընդհանրապես են դեմ հանրաքվեին, այլ այն ժամանակավրեպ են համարում, որոշ կուսակցություններում էլ երկպառակություն է նկատվում։ Բացի այդ, Քիրքուկում թուրքմենները, որոնց հովանավորում է Թուրքիան, եւս հանրաքվեի դեմ լուրջ արշավ են սկսել։ Հստակորեն դեմ են արտահայտվել նաեւ Քրդստանի իսլամական եւ Փոփոխությունների կուսակցությունները։ Այլ կերպ ասած՝ ներկա դրությամբ ոչ միայն քրդերն են երկու ճակատի բաժանվել, այլեւ այստեղ բնակվող քրիստոնյա համայնքները, քաղդեացիների հոգեւոր առաջնորդը քրիստոնյաններին կոչ է արել դեմ քվեարկել անկախությանը, քանզի դա ներկա դրությամբ ՔԻ շահերից չի բխում։ Հայտարարությունը, թերեւս, վերաբերում է ասորիներին ու քաղդեացիներին, որոնք եւ այդ հարցում համակարծիք չեն։
Ստեղծված իրավիճակում Իրաքի բանակի ներկայությունը ՔԻ սահմաններում ուժեղացվում է, ինչը բացատրվում է Քիրքուկի վրա հնարավոր հարձակումով, նշվում է նաեւ, որ այդ ուժերը պատրաստ վիճակում են քրդական փիշմարգեների հետ հնարավոր բախումների դեպքում։
Ի դեպ, Իրաքի խորհրդարանը դեմ է քվեարկել անկախության հանրաքվեին, որն ինքնավար Իրաքյան Քրդստանի իշխանությունները պլանավորում են անցկացնել սեպտեմբերի վերջին։
Խորհրդարանի խոսնակ Սալիմ ալ Ջաբուրին հայտարարել է, որ քվեարկության արդյունքները հաստատում են Իրաքը միասնական պահելու պատգամավորների ձգտումը։ Նրա խոսքով, խորհրդարանի այս որոշումը «վարչապետին պարտավորեցնում է բոլոր միջոցները ձեռնարկել Իրաքի տարածքային ամբողջականությունը պահպանելու եւ Բաղդադի ու այս տարածաշրջանի փոխհարաբերությունների հարցերը կարգավորելու նպատակով լուրջ երկխոսություն սկսելու համար»։
Էմմա ԲԵԳԻՋԱՆՅԱՆ

13-09-2017





18-11-2017
Հիմնախնդրի խաղաղ կարգավորմանը այլընտրանք չկա
Հայաստանի եւ Բրազիլիայի արտաքին գործերի նախարարների հանդիպումը

Երեկ ...


18-11-2017
Գործակցության ներուժը մեծ է
Մեդիաֆորումը քննարկել է ինտեգրացիոն գործընթացների լուսաբանման առանձնահատկությունները

ԱՊՀ ...


 
18-11-2017
Կառուցողական քննարկում
Արդարադատության նախարարին կից հասարակական խորհրդի հերթական նիստը

ՀՀ ...


 
18-11-2017
ՄԽ—ում ոչ ձեւաչափի, ոչ կազմի փոփոխություն չի լինի
Իսկ ԼՂ հիմնահարցի կարգավորմանը կհասնենք միայն ներքին հզորացմամբ



18-11-2017
Անդրադարձել են նաեւ ՀՀ–ԵՄ հարաբերություններին
Նախագահը ընդունել է Նիդերլանդների Թագավորության Սենատի նախագահին

Նախագահ ...


18-11-2017
Ընդունվել են մի շարք օրինագծեր
ՀՀ Ազգային ժողովն ավարտել է հերթական նիստերի աշխատանքը



18-11-2017
Շրջայց «Կումայրի» պատմական կենտրոնի տարածքում
Գյումրի կատարած աշխատանքային այցի շրջանակում վարչապետ Կարեն Կարապետյանը շրջայց ...



18-11-2017
Ինչ հեռանկարներ ունի Մատաղիսի ձկնաբուծարանը
2018—ին առաջին արտադրանքը կհայտնվի ...

18-11-2017
Տոնական անակնկալ ուսանողներին
Ուսանողության միջազգային օրը երեկ էր, բայց հայ ...

18-11-2017
Շնորհավորել է ուսանողներին՝ միջազգային օրվա առթիվ
Վարչապետ Կարեն Կարապետյանը երեկ մասնակցել է ...

18-11-2017
Փոխգործակցության հնարավորություններ
ՀՀ ՊՆ պատվիրակությունը հյուրընկալվել է ...
USD
EURO
RUR
GEL
Եղանակը Երևանում
գիշերը +3... +5
ցերեկը +14... +16

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO