Հայերեն / English / Русский

Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.09.2017
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


ԵԱՏՄ—ից դուրս գալու հարցն արդիական չէ

Հայաստանն այդ շուկայում գործելու մեծ հնարավորություններ ունի

«Ելք» դաշինքը հանդես է եկել ԵԱՏՄ—ից դուրս գալու նախաձեռնությամբ։ Այդ նախաձեռնությունը, սակայն, ԱԺ—ում շատ կողմնակիցներ չունի։
ԱԺ ՀՅԴ խմբակցության ղեկավար Արմեն Ռուստամյանը համոզված է, որ Եվրասիական տնտեսական միությանն անդամակցելու ժամանակահատվածում Հայաստանը կարողացել է բազմաթիվ մարտահրավերներ հաղթահարել։ Նա նշել է, որ ԵԱՏՄ—ին անդամակցելու որոշումն այդ պահին ամենաճիշտն էր։ «Եվրասիական տնտեսական միությունում ունենք տնտեսական հնարավորությունների մեծ դաշտ, որը լիարժեք չի օգտագործվել։ Դրանում մենք ենք մեղավոր, քանի որ չենք կարողացել մեր տնտեսությունը համապատասխանեցնել նոր իրավիճակին»,–ընդգծել է նա։
Արմեն Ռուստամյանը դրական է գնահատել Հայաստանը ԵԱՏՄ կազմից դուրս բերելու «Ելք» խմբակցության նախաձեռնությունն այն առումով, որ դա լավ հնարավորություն է եւս մեկ անգամ խոսելու ԵԱՏՄ անդամակցության դրական եւ բացասական կողմերի մասին։
Անդրադառնալով ԵՄ—Հայաստան նոր համաձայնագրին՝ պատգամավորը կարծիք է հայտնել, որ այդ փաստաթուղթը Հայաստանին շատ բան է տալու։ Խոսքը, մասնավորապես, այն արժեհամակարգի տեղայնացման մասին է, որն անհրաժեշտ է կառավարման նոր կարգի անցնող երկրին։ Արմեն Ռուստամյանի գնահատմամբ՝ եվրոպական պառլամենտարիզմի փորձը, ձեռքբերումներն ու նվաճումները Հայաստանին շատ են պետք։
ԱԺ նախագահի տեղակալ Միքայել Մելքումյանի խոսքով, ԱԺ «Ծառուկյան» խմբակցությունը պատրաստ է քննարկել Հայաստանը ԵԱՏՄ կազմից դուրս բերելու գործընթաց սկսելու՝ «Ելք» խմբակցության առաջարկը։ «Գործընկեր ցանկացած քաղաքական ուժի առաջ քաշած օրինագիծ արժանի է քննարկման։ «Ելք»—ի ներկայացրած օրինագծի քննարկումների ժամանակ ես մի քանի հարցադրումներ կանեմ։ Արդյոք կա՞ն համարժեք հիմնավորումներ առ այն, թե ինչպիսին են ռիսկերը, եթե Հայաստանը որոշի դուրս գալ ԵԱՏՄ—ից։ Օրինակ՝ քանի՞ հարյուր հազար մարդ է աշխատում ՌԴ—ում, որոնք պրոբլեմներ կունենան անդամակցության կասեցումից հետո։ Հարց է առաջանում նաեւ, թե ի՞նչ կկատարվի ամսական 150—180 միլիոն դոլար տրանսֆերտների հետ։ Նաեւ կան հարցեր մեր անվտանգության համակարգի հետ կապված»,–ասել է Մելքումյանը։
Միեւնույն ժամանակ, Միքայել Մելքումյանը նշել է, որ իրենք պատրաստ են քննարկել այդ օրինագիծը, սակայն դրանից իրենց կարծիքը չի փոխվում ԵԱՏՄ—ին Հայաստանի անդամակցության վերաբերյալ։ «Մենք կողմ ենք քվեարկել Հայաստանի անդամակցությանը ԵԱՏՄ—ին։ Կողմ ենք դրան, որովհետեւ հարցին համալիր պետք է նայել, մինչեւ չտեսնենք՝ ինչպես են գնահատվում ռիսկերը եւ ապագա ռիսկերն ինչպես են կառավարվելու, այդ հարցը դեռեւս արդիականություն չունի»,– հավելել է նա։
ԱԺ «Ծառուկյան» խմբակցության անդամ Վարդան Բոստանջյանը վստահ է՝ այս փուլում Հայաստանի համար ԵԱՏՄ—ից դուրս գալը նպատակահրամար չէ. «Կեղծ գնահատողներին ուզում եմ ասել, որ մեր հաջողությունները կամ մեր անհաջողությունները չպետք է փնտրել ԵԱՏՄ—ում գտնվելու հանգամանքի մեջ»։
Նրա խոսքով՝ ԵԱՏՄ—ն Հայաստանի համար 180 մլն—անոց շուկա է, որտեղ կարող են իրացվել «արտադրական ցածր կուլտուրայով» ստեղծված ապրանքները, որոնք Եվրոպան «ընդհանրապես չի էլ թողնի իր շուկաներ»։
«ԵԱՏՄ անդամ երկրներում ապրում են հայեր, որոնք ստանում են եկամուտներ ու տրանսֆերտների ձեւով ուղարկում են մեր երկիր։ Հիմա ինչ—որ ուժեր առաջարկում են՝ եկեք էդ ծառի ճյուղը կտրենք։ Հասկանո՞ւմ եք։ Է՛հ, կտրեք։ Մենք պետք է մտածենք նաեւ էնտեղ ապրող հայերի մասին, չէ՞»,–ասել է Բոստանջյանը։
Երեկ ԵԱՏՄ—ի վերաբերյալ իր տեսակետն է ներկայացրել նաեւ միջազգայնագետ Սուրեն Սարգսյանը։ Նրա խոսքով, ԵԱՏՄ—ն տարածաշրջանային միակ տնտեսական նախագիծն է, որում Հայաստանը ներգրավված է։
«Մենք Բաքու—Թբիլիսի—Ջեյհանում չկանք, Կարս—Ախալքալաք նախագծում չկանք։ Հայաստանը որեւէ տնտեսական նախագծում չկա, այսինքն՝ շրջանցված է ամբողջապես։ ԵԱՏՄ—ն, փաստորեն, միակ նախագիծն է, որում Հայաստանը ներկայացված է։ Ես չեմ ուզում ասել՝ դրական, թե բացասական է այդ կառույցից դուրս գալը։ Սրա գնահատականը պետք է տան ժամանակը եւ տնտեսագետներն՝ իրենց հաշվարկներով»,–նշել է նա։
Ըստ միջազգայնագետի՝ պետք է հասկանալ, թե ինչ կարող է Հայաստանին տալ ԵԱՏՄ—ից դուրս գալը. «Եթե մենք դուրս ենք գալիս ԵԱՏՄ—ից, հայտնվում ենք մի իրավիճակում, երբ Հայաստանի հարեւանները շտապում են մուտք գործել այդ կառույց։ Թուրքիան արդեն իսկ հայտարարել է, որ դիտարկում է այս հանգամանքը։ Դեռեւս պետք է հետեւել եւ հասկանալ՝ Թուրքիա—ԵՄ հարաբերություններն ինչ ուղղությամբ են գնում։ Այս առումով Հայաստանի դուրս գալուց հետո ԵԱՏՄ—ում են հայտնվելու Թուրքիան եւ Ադբեջանը»։
Ա. Խ.

13-09-2017





 
20-09-2017
Ճանաչումն ԱՄՆ—ի շահերից է բխում
Ուստի կոնգրեսականներն աշխատում են ցեղասպանության ճանաչման ուղղությամբ

Հայկական ...


20-09-2017
Ներդրումները միայն Հայաստանի 3 միլիոնանոց շուկա չեն մտնում
Թեմատիկ քննարկման ժամանակ վարչապետը նաեւ հարցերի պատասխանեց

Տնտեսության ...


 
20-09-2017
Զինված ուժերում ծառայելը մեր բարոյական եւ իրավական պարտականությունն է
Հայաստան—սփյուռք 6—րդ համաժողովի շրջանակներում ՀՀ պաշտպանության նախարարության կողմից կազմակերպվել ...


 
20-09-2017
Կարեւոր է, որ բանակը սիրված է ժողովրդի կողմից
Չիլիի ռազմածովային ուժերի ծովակալ Հերնան Կույումջյանը արդեն երրորդ անգամ ...


 
20-09-2017
Զիջումները՝ միայն ԼՂՀ ճանաչման դեպքում
Փոխզիջումային քաղաքականությանը պետք է շատ խնամքով մոտենալ

Հայաստան—սփյուռք ...


20-09-2017
Նոր ուղղություններ՝ գյուղոլորտում
ՀՀ գյուղատնտեսության նախարարն այցելել է Կոտայքի մարզ

ՀՀ ...


 
20-09-2017
Արտադրել եւ դուրս գալ արտաքին շուկա
Քննարկվեցին ՀՀ տնտեսության զարգացման հեռանկարները

Հայաստան—սփյուռք 6—րդ համաժողովի ...



20-09-2017
Հայ լինելը Թուրքիայում դժվար է
Սակայն անձայն մնալը սխալ է, ...

 
20-09-2017
Բացվել է Արենու քարանձավ հնավայրը
ԱՄՆ—ն աջակցում է հուշարձանի ...

20-09-2017
Վարչապետն ԱՄՆ կոնգրեսականների հետ քննարկել է հայ–ամերիկյան տնտեսական համագործակցության հեռանկարները
Վարչապետ Կարեն Կարապետյանը երեկ ընդունել է ...

20-09-2017
Միասին շարունակենք կառուցել բոլորիս երազած երկիրը
Վարչապետի ելույթը՝ Հայաստան–սփյուռք ...
USD
EURO
RUR
GEL
Եղանակը Երևանում
գիշերը +16... +18
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO