Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

21.02.2018
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Մեկտեղում են ջանքերը ընդդեմ խտրականության

Հայաստանում Գերմանիայի եւ Ֆրանսիայի դեսպանությունների նոր նախաձեռնությունը

Հայաստանում Գերմանիայի եւ Ֆրանսիայի դեսպանությունները առաջին անգամ նախաձեռնում են մրցանակաբաշխություն ընդդեմ խտրականության եւ հանուն հավասար հնարավորությունների։
Համատեղ ասուլիսում այս մասին հայտարարեցին Գերմանիայի եւ Ֆրանսիայի դեսպաններ Մաթիաս Քիսլերը եւ Ժան—Ֆրանսուա Շարպանտիեն։
Ըստ դեսպանների՝ ավելի քան 50 տարի տեւող ֆրանս—գերմանական գործակցությունը պետք է ամրապնդվի համատեղ քայլերով։ «Ֆրանսիայի եւ Գերմանիայի որդեգրած քաղաքականությունը նախեւառաջ շարժիչ ուժ է Եվրամիության համար. այն առնչվում է ամենատարբեր ոլորտների, ինչպիսիք են տնտեսականը, մշակութայինը եւ այլն։ Այս ամենից, իհարկե, չի կարող անմասն մնալ մարդու իրավունքների ոլորտը. մարդու իրավունքը համամարդկային արժեք է, որն ընկալվում է առանց կանխակալ կամ ինչ—որ յուրահատուկ մեկնաբանության։ Մարդու իրավունքների առումով բոլոր հասարակություններում յուրահատուկ ակնկալիք ու սպասում կա»,–ասաց Ժան—Ֆրանսուա Շարպանտիեն։
Գերմանիայի դեսպանն էլ, համամիտ լինելով գործընկերոջ հետ, հավելեց, որ այսպես ցանկանում են ներդրում ունենալ, ինչպես նաեւ երախտիքի խոսքը հայտնել նրանց, ովքեր շարունակական աշխատանք են տանում խտրականության դեմ պայքարի, մարդու իրավունքների ոլորտում։
«Որեւէ հասարակություն կատարյալ չէ. սա վերաբերում է թե Ֆրանսիային, թե Գերմանիային, թե Հայաստանին։ Մեր երկներում էլ կան խոցելի խմբեր։ Օրինակ՝ Գերմանիայում միայն վերջին 40—50 տարիների ընթացքում է, որ կոտրվել են կարծրատիպերը, եւ գերակայում է այն գաղափարը, որ չպետք է սահմանազատել հաշմանդամություն ունեցող անձանց, նրանց ինտեգրել հասարակությանը»,—ընդգծեց Մաթիաս Քիսլերը։
Դեսպանը տեղեկացրեց, որ 1000 եվրո մրցանակային պարգեւը կտրամադրվի այն նախագծին, որն առանձնակի ներդրում է ունեցել Հայաստանում կանանց, երեխաների, հաշմանդամություն ունեցող անձանց, որբերի եւ հասարակության այլ խոցելի խմբերի հավասար հնարավորությունների ստեղծման համար...
Դեսպանները պատասխանեցին նաեւ լրագրողների որոշ հարցերի։
«Ես կարող եմ միայն հաստատել, վերահաստատել, կրկնել դեսպան Պյոտր Սվիտալսկու խոսքերը, որ Եվրամիությունը պատրաստ է նոյեմբերին կնքել Հայաստանի հետ համագործակցության համաձայնագիրը, որեւէ խոչընդոտ ներկայումս գոյություն չունի»,–ասաց Մաթիաս Քիսլերը։
Գերմանացի դիվանագետը նոր համաձայնագիրը մեծ հաջողություն է համարում. «Եթե այն ստորագրվի, բազմաշերտ հնարավորություններ կընձեռի խորացնելու Հայաստան—Եվրամիություն համագործակցությունը»։
Ժան—Ֆրանսուա Շարպանտիեն ասաց, որ համամիտ է դեսպան Մ. Քիսլերի հետ, ապա հավելեց. «Ակնհայտ է, որ չի կարելի միաժամանակ երկու տարբեր գոտիներում գտնվել։ Սա, իհարկե, չի նշանակում, որ անկախ, ինքնիշխան երկիրը չի կարող ընտրել իր համապատասխան գործակցային հարաբերությունները եւ հետագա անելիքները։ Այն օրը, երբ կստորագրվի Հայաստան—Եվրամիություն համաձայնագիր, կարծում եմ, բոլոր նախադրյալները առկա են ու պատրաստ, որ ստորագրվի, Հայաստանը կլինի միակ երկիրը, որը ԵԱՏՄ անդամ լինելով՝ միաժամանակ պայմանագիր կունենա Եվրամիության հետ, որը բավականին հավակնոտ, համարձակ, երկխոսությունների հեռանկարներ բացող, Հայաստանին գործունեության լայն հորիզոններ տրամադրող ծրագիր է»։
Ֆրանսիայի դեսպանը, պատասխանելով հարցին, թե արդյոք Մոսկվայում Համայն Ռուսիո պատրիարքի միջնորդությամբ Հայաստանի եւ Ադրբեջանի հոգեւոր առաջնորդների հանդիպման կազմակերպումը չէ՞ր նշանակում, որ Մոսկվան ցանկանում է ԼՂ հիմնախնդրի կարգավորման նախաձեռնությունը վերցնել իր ձեռքը, ասաց. «Այն ամենը, ինչն ուղղված է երկխոսությանն ամենատարբեր մակարդակներով՝ պետության ղեկավարների, արտաքին գործերի նախարարների կամ շփումներ քաղացիական հասարակության միջեւ, ընդունելի է մեզ համար»։
Նրա խոսքով, Համայն Ռուսիո պատրարքի նախաձեռնությունը փայլուն գաղափար էր, որովհետեւ այն, ինչը տանում է ճիշտ ուղով, կարող է միայն ու միայն նպաստել թնջուկի կարգավորմանը. «Կարեւոր չէ, թե հանդիպումը որ կողմն է նախաձեռնում, կարեւորը որ տեղի ունենան երկխոսություններ։
Շատ կարեւոր միտք արտահայտվեց այդ հանդիպման ժամանակ. երկու հոգեւոր հայրերն էլ միտք հնչեցրին, որ ղարաբաղյան հակամարտությունը կրոնական խնդիր չէ, սա ազգային նշանակություն ունեցող հարց է, պետք է հարթվի, կարգավորվի ոչ թե զենքով, այլ երկխոսությամբ»։

13-09-2017





21-02-2018
Լեզուն մենք ենք
Այսօր Մայրենի լեզվի միջազգային օրն է

Հովհաննես Թումանյանը ...


21-02-2018
Արդյունքը մեկ ամսում չի երեւա
Կոռուպցիայի դեմ պայքարի շրջանակներում 6 գործողություն է իրականացվել



21-02-2018
Բնապահպանությունից մինչեւ գոյապահպանություն
1988—ի փետրվարի կեսերին Արցախում ծավալված ազատագրական ալիքը եւ մայր ...


 
21-02-2018
Չթերագնահատել եւ չգերագնահատել
Արմեն Սարգսյանը կարող է իրականացնել իր գործառույթները

ՀՀ ...


 
21-02-2018
Հայ—լիբանանյան օրակարգ
Լիբանանի նախագահի այցը նոր էջ կբացի երկու երկրների ...


21-02-2018
Նոր տոհմաբուծարաններ՝ նոր մոտեցմամբ
Ինչու է հրամայական դրանց ստեղծումը

Ինչպես արդեն տեղեկացրել ...


21-02-2018
Տարիքային կենսաթոշակառուների թիվն ավելացել է
Հաշմանդամության կարգի տրամադրման գործընթացում սպասվում են փոփոխություններ

2018 ...



 
21-02-2018
Թուրք գործիչները եւս համամիտ են
Հայ—թուրքական արձանագրությունների ...

21-02-2018
Որակյալ կինոն կարեւոր «զենք» է
Հայաստանի կինեմատոգրաֆիստների միության ...

21-02-2018
Ներդրումները հիմնականում ուղղված են «Դվին» հյուրանոցին
ՀՀ ԿԱ պետական գույքի կառավարման ...

21-02-2018
Բարեփոխումներից մինչեւ երկրատեղեկատվական համակարգ
Կադաստրի պետկոմի նախագահն ամփոփում է ...
USD
EURO
RUR
GEL
Եղանակը Երևանում
գիշերը +1... +3
ցերեկը +10... +12

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO