Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.04.2018
ԱՅԼՔ...


Մշակել համատեղ գործողություններ

Միջազգային եռօրյա համաժողով Երեւանում

Երեկ Աղետների ռիսկի նվազեցման միջազգային օրվան ընդառաջ, Մեսրոպ Մաշտոցի անվան հին ձեռագրերի գիտահետազոտական ինստիտուտ Մատենադարանի դահլիճում մեկնարկեց «Դիմակայունություն հանուն կայուն զարգացման» եռօրյա միջազգային համաժողովը, որի նպատակն է առավել արդյունավետ դարձնել Եվրոպայի եւ ԱՊՀ երկրների միջեւ տարածաշրջանային երկխոսությունն ու համատեղ գործողությունների մշակումը՝ հաշվի առնելով տարածաշրջանում աղետների ռիսկերի նվազեցման (ԱՌՆ) մարտահրավերները։ Համաժողովի կազմակերպիչներն են ՀՀ ԱԻ նախարարությունը, ՄԱԿ—ի զարգացման ծրագիրը (ՄԱԶԾ) եւ «Աղետների ռիսկի նվազեցման ազգային պլատֆորմ» (ԱՌՆԱՊ) հիմնադրամը։
Հայաստանի կողմից առաջարկվող միջազգային այս հարթակը հիանալի հնարավորություն է Եվրոպայի եւ ԱՊՀ տարածաշրջանի բոլոր մասնակիցների համար՝ ներկայացնելու իրենց ազգային քաղաքականությունները, լավագույն փորձը եւ բացահայտված թերությունները։ Համաժողովը նաեւ 2017թ. Մեքսիկայի Կանկուն քաղաքում տեղի ունեցած Գլոբալ պլատֆորմի ընթացքում սկիզբ առած երկխոսության շարունակությունն է։
Համաժողովին մասնակցում էին ազգային օրենսդիր եւ գործադիր իշխանությունների, մարզային եւ քաղաքային կառավարությունների, ԱՌՆ ոլորտում գործող միջազգային եւ տեղական կազմակերպությունների բարձրաստիճան պաշտոնյաներ, Եվրոպայի եւ ԱՊՀ մասնակից երկրների, ՄԱԿ—ի ԱՌՆ մասնագետներ։
Բացման խոսքով հանդես եկավ ՀՀ ԱԻ նախարար Դավիթ Տոնոյանը։ Նախարարը շնորհակալություն հայտնեց համաժողովի մասնակից երկրների եւ կազմակերպությունների ներկայացուցիչներին՝ իրենց գիտելիքն ու փորձը կիսելու պատրաստակամության համար՝ վստահություն հայտնելով, որ միջոցառումը հրաշալի հնարավորություն է՝ ընդլայնելու տարբեր գործընկերների միջեւ համագործակցության դաշտը։
«Մերօրյա ժամանակներում աշխարհում ծավալվող զարգացման գործընթացները եւ դրանց աննախադեպ արագությունը շարունակաբար մեծացնում են խոցելիությունը տարբեր տեսակի բնական եւ տեխնածին վտանգներից՝ ավելացնելով նորանոր ռիսկեր։ Այս պայմաններում կառավարությունները, խորհրդարանները, մասնավոր եւ գործարար հատվածները, գիտահետազոտական կենտրոնները, քաղաքացիական հասարակությունն ու միջազգային դերակատարները պետք է միավորեն իրենց ջանքերը՝ աղետների ռիսկերի նվազեցման ոլորտում համընդհանուր խնդիրների համակարգման, համագործակցության առավել արդյունավետ ձեւաչափերի եւ փոխօգնության մեխանիզմների կազմակերպման նպատակով՝ այս կերպ աջակցելով տարբեր երկրների ազգային անվտանգության ապահովման եւ կայուն զարգացման օրակարգին»,–նշեց նախարարը։
ԱԻ նախարարն իր խոսքում կարեւորեց նաեւ խորհրդարանների եւ պատգամավորների դերը ցանկացած երկրում դիմակայունության մշակույթի ներդրման հարցում՝ նշելով, որ եռօրյա միջոցառումը նշանավորվում է նաեւ Հայաստանի Հանրապետության Ազգային ժողովում թեմատիկ խորհրդարանական լսումների անցկացմամբ։
ՀՀ բնապահպանության նախարար Արծվիկ Մինասյանն էլ իր խոսքում անդրադարձավ տարածաշրջանում աղետների ռիսկի մեծացմանը նպաստող գործոններին եւ այդ ուղղությամբ ձեռնարկվող միջոցառումներին։
«Մենք կարող ենք դիմագրավել աղետներին, եթե համատեղենք մեր ջանքերն ու ծրագրային գործողությունները, եւ որ ամենակարեւորն է՝ այս գործում թիվ 1 աջակիցը դարձնենք հանրությանը»,–նշեց Արծվիկ Մինասյանը
ՄԱԶԾ մշտական ներկայացուցիչ Բրեդլի Բուզետտոն ողջույնի իր խոսքում հատկապես կարեւորեց համաժողովի դերը տարածաշրջանային երկրների միջեւ համագործակցության խորացման հարցում՝ ընդգծելով Հայաստանի՝ տարածաշրջանում ունեցած առաջնորդի դերը։
Հաջորդիվ ելույթներ ունեցան եւ համաժողովի մասնակիցներին ողջունեցին նաեւ ՀՀ արտաքին գործերի փոխնախարար Աշոտ Հովակիմյանը, ՄԱԿ—ի զարգացման ծրագրի Կլիմայի, աղետների, էներգիայի, քաղաքականության եւ ծրագրային աջակցության բյուրոյի մասնագիտական խմբի ղեկավար Ջո Շուոերը, Համաշխարհային բանկի Հայաստանի գրասենյակի տնօրեն Սիլվի Բոսութղոն։
Միջազգային կազմակերպությունների եւ գերատեսչությունների բարձրաստիճան պաշտոնյաներն իրենց ելույթներում ընդգծեցին ռազմավարությունների դերը երկրի դիմակայունության բարձրացման եւ կայուն զարգացման հարցում՝ կարեւորելով նաեւ միջազգային համաժողովի անցկացումը՝ որպես ոլորտի խնդիրների քննարկման արդյունավետ ձեւաչափ։
Համաժողովի առաջին աշխատանքային օրվա հաջորդ երկու նիստերի թեմաներն էին՝ Պետական—մասնավոր ոլորտների գործընկերությանն ուղղված ազգային քաղաքականությունները եւ ռազմավարությունները, գործընկերության լավագույն գործելակերպերը Եվրոպայի եւ ԱՊՀ տարածաշրջանի երկրներում, ինչպես նաեւ՝ դիմակայունության ստեղծման առկա գործիքներն ու գործելակերպերը։
Համաժողովի 3—րդ օրը՝ հոկտեմբերի 13—ին, ՀՀ Ազգային ժողովում կկայանան խորհրդական լսումներ, որոնց արդյունքում կներկայացվի առաջարկությունների փաթեթ։

12-10-2017





27-04-2018
Դրական ցուցանիշները պետք է պահպանվեն
Քննարկված բոլոր հարցերն ընդունվել են

Երեկ տեղի է ...


27-04-2018
Կառուցողական ուղին՝ լավագույն լուծում
Եվ զգույշ վերաբերմունք՝ տեղեկատվության հանդեպ

Նախորդ տարի ընթացիկ ...


27-04-2018
Քաջության օրինակներն անպակաս են
Վարդենուտցիները դրանց մասին լսել են իրենց մեծերից

Շիրաղալա ...


27-04-2018
Առաջին հանրապետության նախերգանքը
Մայիսյան հերոսամարտերի տարեգրություն

—Մայիսի 22—ի բախտորոշ եւ շրջադարձային ...


27-04-2018
Օրինականությունը չպետք է խաթարվի
Հնարավոր լուծումների փնտրտուքը շարունակվում է

Երեկ «Իմ քայլը» ...


27-04-2018
Ցանկացած որոշում պետք է բխի երկրի շահերից
ԱԺ խմբակցությունները շարունակում են քննարկումներն ու խորհրդակցությունները

Ազգային ...


 
27-04-2018
Զբոսաշրջիկներին անհանգստացնում է վիճակը
Տուրիստական ընկերությունները որոշակի ազդեցություն նկատում են

Այս օրերին ...



 
27-04-2018
Այլընտրանքային էներգետիկա
Կուտակիչ կայանների հիմնումը կապահովի ...

27-04-2018
Երկրաբանները ստորգետնյա ջուր են որոնում
«Հայաստան» համահայկական հիմնադրամի նոր ...

27-04-2018
Կտեղադրվի Զորավար Անդրանիկի արձանը
Վանաձորի Զորավար Անդրանիկի խճուղու սկզբնամասում, ...
USD
EURO
RUR
GEL
Եղանակը Երևանում
գիշերը +9... +11
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO