Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

05.06.2020
ՄՇԱԿՈՒՅԹ


Լավ մոռացված հինը

Երեւանում կկայանա գեղարվեստական տպագրության առաջին միջազգային բիենալեն

Աշխարհի 50 երկրի ավելի քան 228 արվեստագետ հոկտեմբերի 25—ին կժամանեն Հայաստան՝ մասնակցելու գեղարվեստական տպագրության առաջին միջազգային բիենալեին։ Միջոցառումը ոլորտում գործող արվեստագետների համար միջազգային մի նոր հարթակ է, որը տալիս է փորձի ու գաղափարների փոխանակման հնարավորություն։ Բիենալեն իրականանում է «Մշակութային երկխոսություն» կազմակերպության նախաձեռնությամբ՝ ՀՀ մշակույթի նախարարության, Նորարար փորձարարական արվեստի կենտրոնի, Հայաստանում Էստոնիայի, Գերմանիայի ու Լեհաստանի դեսպանությունների աջակցությամբ։
«Լեհաստանից մասնակցում է 33 արվեստագետ, Չինաստանից՝ 32, Գերմանիայից՝ 26, ԱՄՆ—ից եւ Հայաստանից՝ 13—ական, Ֆրանսիայից՝ 10։ Նրանցից յուրաքանչյուրը երկու—երեք աշխատանք է ներկայացրել։ Ընդգծեմ, որ այս բիենալեն կազմակերպվում է մեր հիմնադրամի հնգամյակի կապակցությամբ»,–նշեց «Մշակույթների երկխոսություն» կազմակերպության հիմնադիր նախագահ, բիենալեի միջազգային ժյուրիի անդամ Սոնա Հարությունյանը։
Փառատոնի կազմկոմիտեի անդամ, նկարիչ Արթուր Հակոբյանի խոսքերով՝ հետաքրքրությունը արվեստի այս ճյուղի հանդեպ բավականին մեծ է։ Դիմողները շատ են եղել, ընտրություն կատարելը՝ դժվար։ Ընտրվել են լավագույնները։ Ընդհանուր առմամբ ցուցադրվելու է 448 աշխատանք. «Գեղարվեստական տպագրությունը նոր արվեստ չէ։ Բավականին հին է, պարզապես զարգացում չի ունեցել, թեեւ փորձառու գրաֆիկներ շատ են եղել։ Այն այսօր նորովի է ընկալվում ժամանակակից արվեստագետների կողմից։ Ցուցադրվելիք աշխատանքների քանակն ու որակն աննախադեպ են Հայաստանի համար։ Հուսով եմ, որ նկատելի հաջողություններ կունենանք»։
«Մշակութային երկխոսություն» հիմնադրամը նմանատիպ նախաձեռնություններ էր սկսել դեռեւս 2013 թվականից, երբ գեղանկարչության բնագավառում ստեղծագործող հայ նկարիչները հնարավորություն ունեցան աշխատել Գերմանիայի, Իտալիայի եւ Շվեյցարիայի ժամանակակից տեխնիկաներով հագեցած արվեստանոցներում։ «Մեր հիմնադրամը մշտապես հետեւողական գործունեություն է ծավալել գեղարվեստական տպագրության ոլորտում։ Սա արվեստի այն ճյուղն է, որը մյուսների համեմատ շատ քիչ է կիրառվում։ Մեր նպատակն է, որ այն հնարավորինս ուսումնասիրվի ու լայն տարածում գտնի հայկական մշակույթում»,–ասաց հիմնադրամի նախագահ Սոնա Հարությունյանը։
Փառատոնի կազմկոմիտեի մեկ այլ անդամ՝ նկարիչ Արման Վահանյանը, ասաց, որ գեղարվեստական տպագրության միջազգային բիենալեների պատմությունը սկսվում է 20—րդ դարի երկրորդ կեսից։ Ավանդույթները լավ են գործել հատկապես Էստոնիայում, ապա տարածում գտել նաեւ մերձբալթյան երկրներում։ Հայաստանում այն գրեթե չի կիրառվել։ Փոխարենը լայն տարածում են ունեցել գեղանկարչությունն ու կերպարվեստի մյուս ոլորտները։ Արտասահմանյան երկրների գեղարվեստական տպագրության փորձն այստեղ բերելու առաջին քայլն արդեն արված է, նկարիչն այդպես է կարծում. «Մենք ունեցել ենք բավականին հայտնի գրաֆիկներ, որոնք մասնակցել են նմանօրինակ բիենալեների, բայց դա հիմնականում անհատական բնույթ է կրել։ Այս փառատոնով արվեստագետները աշխատելու ավելի լայն հնարավորություն կունենան։ Զարմացած ենք, որ այսքան արվեստագետներ դիմեցին»։
Յուրաքանչյուրը ներկայացնելու է երկուսից երեք աշխատանք։ Միջազգային ժյուրիի որոշմամբ կընտրվի դրանցից լավագույնը։ Որոշ աշխատանքներ կարժանանան պատվոգրերի, իսկ պատվավոր տեղերը զբաղեցրած մասնակիցները կստանան մրցանակներ։
Լիանա ՍԱՐԳՍՅԱՆ

12-10-2017





04-06-2020
Ծաղկուն այգի, բերք ու բարիք պարգեւող հայրենի կենարար հող
Նորաշենցիները հարազատ բնօրրանում իրենց ապահով ու վստահ են ...


04-06-2020
Մշակույթ. պատմական անցյա՞լ, թե՞ ներկա
Թույլ չտալ, որ համաշխարհային մշակույթի զինանոցում այսօր մեր ...


04-06-2020
Հայաստանում հաստատվել է COVID-19-ի 697, մահվան 6 նոր դեպք
Հայաստանում գրանցվել է կորոնավիրուսով վարակման 697 նոր դեպք: Այս ...


04-06-2020
Պատուիր քո հօրը եւ մօրը
Սա է առաջին պատուիրանքը խոստմունքով։ Որ քեզ լաւ ...


04-06-2020
Որեւէ մեկը չի կարող կանխատեսումներ անել
Թե մեկ շաբաթ հետո վարակակիրների ինչ թիվ ենք ...


04-06-2020
Հայագիտական կենտրոնների հիմնումը
Կխթանի աշխարհում հայկականության տարածումը

Ռուսաստանի հայ համայնքի խնդիրների ...


04-06-2020
Հեղափոխությունը դարձնել ինստիտուցիոնալ, ձեռքբերումները՝ անշրջելի
«ՀՀ» օրաթերթը ԱԺ «Իմ քայլը» խմբակցության անդամ, ԱԺ ֆինանսավարկային ...



04-06-2020
Այլընտրանքային էներգետիկա
Կամ՝ երբ հայացքդ ձգտում է դեպի ...

04-06-2020
Ոստիկանության բարեփոխումների գործընթացը թափ է հավաքում
Կփոխվի Հայաստանը ներկայացնող պարեկային ...

04-06-2020
Ինչու է վարակի տարածումն աճում
Պետք է ուժեղացնել երկրի սոցիալական ...

04-06-2020
ՀՖՖ-ն շարունակելու է ֆուտբոլային աջակցությունն Արցախին
Հայաստանի ֆուտբոլի ֆեդերացիան շարունակելու է ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO