Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.10.2018
ԼՂՀ


Ինչ հեռանկարներ ունի Մատաղիսի ձկնաբուծարանը

2018—ին առաջին արտադրանքը կհայտնվի շուկայում

Վերջին շրջանում թեեւ Մատաղիսի ձկնաբուծական տնտեսության մասին քիչ է խոսվում, սակայն դա ամենեւին չի նշանակում, թե Արցախում «կասկածի տակ» է ճյուղի զարգացման հեռանկարը, կամ ծրագրի հեղինակները եւ արտասահմանյան ներդրողները որեւէ «նահանջ» են արձանագրել իրենց ձեռնարկումներում։
Հերքելով 2016թ. ապրիլյան ողբերգական իրադարձություններից հետո շրջանառվող լուրերը, թե իբրեւ «ներդրողները վերանայել են իրենց քայլերը ու այլեւս մտադիր չեն անհարկի գումարներ ծախսել ձկան մսի եւ խավիարի արտադրության մասով, քանի որ զբաղմունքը շահեկան չէ սեփականատերերի համար», ձկնաբուծարանի տնօրեն Արեն Ուլուբաբյանը առաջարկեց ոչ միայն սեփական աչքով տեսնել իրականացվող աշխատանքները, այլեւ համոզիչ տվյալների միջոցով ապացուցեց ճիշտ հակառակը՝ անդրադառնալով տնտեսության զարգացման հնարավորություններին։
Ձկնաբուծարանի տանիքի տակ ավելի քան 300 ջրավազան է կառուցվում, որտեղ լեռնային Թրղե գետից բերված մշտահոս ջրերում խայտում են ձկները։ Տնօրենի խոսքով՝ դրանք մեծամասամբ սիբիրյան եւ ռուսական տեսակի թառափազգիներ են եւ «լավագույնն են համարվում սեւ խավիարի արտադրության համար»։ Ա. Ուլուբաբյանը նշեց, որ դրանք (բեղմնավորված ձկները) Ռուսաստանից եւ Գերմանիայից են ձեռք բերվել ու հասցվել Արցախ։ Որոշ տեղեկություններ հաղորդելով ձկան մսի եւ խավիարի արտադրության փուլերի մասին՝ շեշտեց, թե «նրանք շատ քմահաճ են տեղանքի նկատմամբ» եւ գերզգայուն լինելով հոգատար խնամք ու «բարյացակամ վերաբերմունք են պահանջում»։ Տնօրենը հավաստիացրեց, որ տնտեսությունում բացառապես գործին քաջատեղյակ մասնագետներ եւ բանվորներ են աշխատում, եւ չի եղել դեպք, որ ձկները տուժեն անտարբերությունից։
Վերանվանվել եւ «Ֆիշ—Կ» անվանումն է կրում այսօր Մատաղիս համայնքում գործող ձկնաբուծական ընկերությունը, որը հավակնում է տարեցտարի ընդլայնել արտադրությունը։ Այն հարցին, թե ինչու Մատաղիսն է նախապատվելի դարձել տնտեսության հիմնադրման համար, Արեն Ուլուբաբյանը պատասխանեց, որ մասնագետները հաշվի են առել ինչպես աշխարհագրական դիրքը, այնպես էլ թթվածնով հարուստ մաքուր եւ զուլալ ջուրը, որն ամբողջ տարվա ընթացքում հաստատուն՝ 6—8 ջերմաստիճան է ունենում։ Իսկ դա շատ կարեւոր բաղադրիչ է՝ «առույգ եւ կենսախինդ ձկնկիթներ աճեցնելու համար»։ Նա հավելեց նաեւ, թե «Մատաղիսի պայմանները, ձկնաբուծության եւ սեւ խավիարի արտադրության տեսանկյունից» առավել հարմար են տնտեսապես ու շահավետ։
Ընկերության երիտասարդ ղեկավարը ցավով նշեց, որ ձկների տեղայնացման եւ հարմարվածության գործընթացները նոր էին ավարտվել, երբ սկսվեց ապրիլյան պատերազմը։ Նորաստեղծ ձկնաբուծարանը ոչ քիչ վնասներ կրեց ռազմագործողություններից։ Բայց դժվարությունները լիովին հաղթահարվեցին, ու ներկայումս ընդարձակ ջրավազաններում ամրապինդ ձկներ են աճում։ Նա ավելորդ չհամարեց եւս մեկ անգամ հավաստիացնել, որ զգայուն կենդանիների խնամքն ու կերակրումը գտնվում են հոգատար ձեռքերում, եւ վերահսկվում է աճեցման ողջ գործընթացը։ Աշխատողները հրաշալի են կատարում իրենց պարտականությունները՝ մի քանի հերթափոխով աշխատելով շուրջօրյա ռեժիմով։
Ըստ ձեռնարկության տնօրենի՝ արդեն փորձարկվել է խավիարի արտադրությունը, եւ, ինչպես ասում են, արդյունքները գերազանցել են սպասելիքները։ «Միջազգային շուկայում սեւ խավիարի վաճառքով զբաղվող մասնագետների հավաստմամբ, արցախյան «պրոդուկտն» իր արտակարգ համով եւ որակով հիացրել է բոլորին,— ասաց է Ա. Ուլուբաբյանը։ — Արդեն պայմանավորվածություն է ձեռք բերվել առաջին խմբաքանակի արտահանման վերաբերյալ։ Գալիք տարում «Արտադրված է Արցախում» մակնշմամբ սեւ խավիարը եւ ձկան միսը կհայտնվեն շուկայում»։
Դավիթ ՄԻՔԱՅԵԼՅԱՆ

18-11-2017





13-10-2018
Ձգտել միասնության՝ պահպանելով բազմազանությունը
Ավարտվեց Ֆրանկոֆոնիայի միջազգային կազմակերպության 17-րդ գագաթնաժողովը

Ֆրանկոֆոնիայի միջազգային ...


13-10-2018
«Արմենպրեսը»՝ արդեն հինգ լեզվով
Ներկայացվեց կայքի ֆրանսերեն բաժինը

«Արմենպրես» պետական լրատվական գործակալության ...


13-10-2018
«Մենք այս հրաշալի միջոցառման էջը պատվով կփակենք»
Նիկոլ Փաշինյանը բարձր է գնահատել ՖՄԿ գագաթնաժողովի արդյունքները



13-10-2018
Երկկողմ հանդիպումներ
Ֆրանկոֆոնիայի միջազգային կազմակերպության 17—րդ գագաթնաժողովի շրջանակում հանրապետության նախագահ Արմեն ...


13-10-2018
Հայ–կանադական բարեկամությունը շատ ավելի մեծ ապագայի ներուժ ունի
Հանրապետության նախագահի նստավայրում երեկ կայացել է նախագահ Արմեն Սարգսյանի ...


13-10-2018
ՀՀ վարչապետի հանդիպումները Ֆրանկոֆոնիայի գագաթնաժողովի շրջանակում
Վարչապետ Նիկոլ Փաշինյանը Ֆրանկոֆոնիայի միջազգային կազմակերպության 17—րդ գագաթնաժողովի շրջանակում ...


13-10-2018
Մենք պետք է ապրենք՝ շրջապատված իրական բովանդակությամբ
Վարչապետ Նիկոլ Փաշինյանի անունից՝ ի պատիվ պաշտոնական այցով Հայաստանի ...



13-10-2018
Ջիվան Գասպարյանը դեռ 90 տարեկան է
Երեւանում տեղի կունենա համերգ՝ նվիրված ...

13-10-2018
Ֆրանսերեն լեզվով, բայց հայկական սրտով
Հայերի ներդրումը ֆրանսագիր գրականության ...
USD
EURO
RUR
GEL
Եղանակը Երևանում
գիշերը +7... +9
ցերեկը +21... +23

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO