Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.10.2018
ՄՇԱԿՈՒՅԹ


Տոնական անակնկալ ուսանողներին

Ուսանողության միջազգային օրը երեկ էր, բայց հայ երիտասարդների համար մեկ օրը քիչ է։ Ուստի մի ներքին համաձայնությամբ նոյեմբերի 20–ը եւս տոնական օր է հայտարարվում։ Իսկ հայտարարողը «Մեցցո փրոդաքշն» ընկերությունն է, որը Ուսանողության միջազգային օրվա առիթով երաժշտական անակնկալ է պատրաստել։
Կարեն Դեմիրճյանի անվան մարզահամերգային համալիրում այդ օրը համատեղ համերգով ելույթ կունենան Սերժ Թանգյանի հայտնի պրոդյուսինգային խումբը՝ «Վիզան», Ջիվան Գասպարյան—կրտսերը եւ «Capital cities» հանրահայտ խմբի մեներգիչ, «Գրեմմիի» դափնեկիր Սեբուն (Սեպուհ Սիմոնյան)։
Համերգին ընդառաջ «Մեցցո» ակումբում կայացած ասուլիսի ժամանակ երեկոյի մանրամասները ներկայացրեցին Ջիվան Գասպարյանն ու Սեբուն։ «Ուղեգիր դեպի երաժշտական աշխարհ, որտեղ միաձուլվում են սոցիալականը, հոգեւորն ու մշակութայինը». «Վիզաի» երաժիշտները խմբի գործունեության մասին մեկ արտահայտությամբ այս բնութագրումն են տալիս։ Թեեւ խումբը ռոք է, բայց կատարումները հարուստ են ֆոլկ երաժշտության բազմաթիվ տարրերով, այդ թվում նաեւ հայկական դուդուկի հնչողությամբ։ Ջիվան Գասպարյանը տասը տարի է այս խմբում է նվագում։ Գործընկերները մեկ անգամ արդեն եղել են Հայաստանում։ Ասաց, որ նախորդ ելույթի համեմատությամբ այս անգամ բեմում ավելի երկար են մնալու. «Մոտ 45 րոպե։ Ես հանդես եմ գալու նոր կատարումներով։ Չեմ ուզում կրկնել այն, ինչ արդեն արել են մեր վարպետները։ Իմանալը լավ է, բայց նույն բանը նորից ու նորից նվագելը՝ անիմաստ։ Լսարանը նորն է ուզում։ Սեբուի հետ էլ մի քանի նոր գործ ունենք։ Այդ օրը նվագելու ենք, ինձ թվում է՝ կհավանեք»։
Ե՛վ Ջիվանը, ե՛ւ Սեբուն երաժշտության մեջ ոճական զանազանություն են սիրում։ «Համերգի հիմքում երաժշտական տարբեր ժանրերի համադրությունն է։ Հնչելու են հին ու նոր երգեր։ Հանդիսատեսից խելահեղ բաներ չեմ ակնկալում։ Հուսով եմ միայն, որ երաժշտական այս ձեւաչափը նրանց այնքան դուր կգա, որ կներշնչվեն, ոտքի կելնեն ու կպարեն»,–սա Սեբուի սպասելիքներն են։ Հայաստան է եկել ընտանիքի հետ միասին։ Մի քանի ամիս դեռ այստեղ է լինելու։ Արդեն ծրագրել է՝ երկրորդ որդուն էլ պիտի այստեղ մկրտի. «Իմ սուրբ հողում պիտի մկրտության տանեմ նաեւ փոքր որդուս։ Այս օրերին աշխատելու եմ հայ երաժիշտների հետ։ Տաղանդավոր շատ երիտասարդներ կան, միտք ունեմ նրանց հետ նոր ձայնագրություններ անել»։
Կոմիտասի եւ հայ երաժշտության մասին արմատական ուսումնասիրությունները եւս նրա ծրագրերի մեջ են մտնում. «Ստեղծագործելիս ինձ համար ներշնչանքի աղբյուր են կյանքն ու բնությունը, Հայաստանը, հայ ժողովուրդը, այն սերը, որ կա, ու վերջապես արվեստը։ Երկարատեւ իմ այս այցը հենց այնպես չի ծրագրված։ Նախկինում այստեղ էի գալիս զբոսաշրջիկի կարգավիճակով։ Հիմա նպատակս այլ է. ուզում եմ հաստատվել, արմատներ գցել մայր հայրենիքում»։
Սեբուի անունը հայաստանյան լսարանին առավել հայտնի դարձավ Սիրուշոյի հետ կատարած «Վույ աման» դուետից հետո։ Այլ երաժիշտների հետ առաջիկայում համագործակցելու ծրագրեր դեռեւս չկան։ Գուցե հետո լինեն, ասում է՝ ժամանակը ցույց կտա. «Շատ եմ սիրում Տիգրան Համասյանին։ Ուրախ կլինեմ նրա հետ համագործակցություն ունենալ։ Կապի մեջ ենք, բայց մասնավոր նախագիծ դեռեւս չկա»։

Լիանա ՍԱՐԳՍՅԱՆ

18-11-2017





13-10-2018
Ձգտել միասնության՝ պահպանելով բազմազանությունը
Ավարտվեց Ֆրանկոֆոնիայի միջազգային կազմակերպության 17-րդ գագաթնաժողովը

Ֆրանկոֆոնիայի միջազգային ...


13-10-2018
«Արմենպրեսը»՝ արդեն հինգ լեզվով
Ներկայացվեց կայքի ֆրանսերեն բաժինը

«Արմենպրես» պետական լրատվական գործակալության ...


13-10-2018
«Մենք այս հրաշալի միջոցառման էջը պատվով կփակենք»
Նիկոլ Փաշինյանը բարձր է գնահատել ՖՄԿ գագաթնաժողովի արդյունքները



13-10-2018
Երկկողմ հանդիպումներ
Ֆրանկոֆոնիայի միջազգային կազմակերպության 17—րդ գագաթնաժողովի շրջանակում հանրապետության նախագահ Արմեն ...


13-10-2018
Հայ–կանադական բարեկամությունը շատ ավելի մեծ ապագայի ներուժ ունի
Հանրապետության նախագահի նստավայրում երեկ կայացել է նախագահ Արմեն Սարգսյանի ...


13-10-2018
ՀՀ վարչապետի հանդիպումները Ֆրանկոֆոնիայի գագաթնաժողովի շրջանակում
Վարչապետ Նիկոլ Փաշինյանը Ֆրանկոֆոնիայի միջազգային կազմակերպության 17—րդ գագաթնաժողովի շրջանակում ...


13-10-2018
Մենք պետք է ապրենք՝ շրջապատված իրական բովանդակությամբ
Վարչապետ Նիկոլ Փաշինյանի անունից՝ ի պատիվ պաշտոնական այցով Հայաստանի ...



13-10-2018
Ջիվան Գասպարյանը դեռ 90 տարեկան է
Երեւանում տեղի կունենա համերգ՝ նվիրված ...

13-10-2018
Ֆրանսերեն լեզվով, բայց հայկական սրտով
Հայերի ներդրումը ֆրանսագիր գրականության ...
USD
EURO
RUR
GEL
Եղանակը Երևանում
գիշերը +7... +9
ցերեկը +21... +23

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO