Անհրաժեշտ է կյանքի կոչել պայմանավորվածությունները


Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

19.08.2018
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Անհրաժեշտ է կյանքի կոչել պայմանավորվածությունները

Մինսկի խմբի համանախագահները հայտարարություն են տարածել

ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ստեֆան Վիսկոնտին (Ֆրանսիա) եւ Էնդրյու Շոֆերը (ԱՄՆ) տարածաշրջան կատարած այցի արդյունքներով հայտարարություն են տարածել։
Ինչպես տեղեկացրին ԵԱՀԿ գրասենյակից, հայտարարության մեջ համանախագահները հիշեցրել են, որ փետրվարի 7—ին այցելել են Բաքու՝ հանդիպելով Ադրբեջանի նախագահ Իլհամ Ալիեւի հետ, իսկ փետրվարի 9—ին Երեւան՝ հանդիպելով Հայաստանի նախագահ Սերժ Սարգսյանի հետ։ Համանախագահները հանդիպել են նաեւ երկու երկրների արտաքին գործերի նախարարների հետ, այնուհետեւ փետրվարի 9—11—ն այցելել Լեռնային Ղարաբաղ՝ հանդիպելու դե ֆակտո իշխանությունների հետ, եղել Զանգելանի (Կովսական), Կուբաթլուի, Աղդամի (Ակնա), Լաչինի (Բերձոր) եւ Քելբաջարի (Քարվաճառ) շրջաններում։ Հանդիպումներին ներկա է եղել նաեւ ԵԱՀԿ գործող նախագահի անձնական ներկայացուցիչ Անջեյ Կասպրշիկը։
«Համանախագահներն ընդգծել են 2017 թվականի հոկտեմբերին Ժնեւի, իսկ ավելի վաղ Վիեննայի եւ Սանկտ Պետերբուրգի գագաթնաժողովներում ձեռք բերված բոլոր հանձնառությունների իրականացման կարեւորությունը։
Համանախագահներն արտահայտել են իրենց խորը մտահոգությունը շփման գծում մահվան վերջին դեպքերի առնչությամբ։ Համանախագահները կոչ են անում կողմերին ձեռնարկել հավելյալ քայլեր լարվածության թուլացման նպատակով՝ ինչի վերաբերյալ համաձայնություն է ձեռք բերվել Ժնեւում, ինչպես նաեւ հարգել հրադադարի ռեժիմը»,–ասվում է համանախագահների հայտարարության մեջ։ Նրանք հորդորել են կողմերին զերծ մնալ սադրիչ հայտարարություններից եւ գործողություններից։
Մինսկի խմբի համանախագահները վերահաստատել են իրենց հանձնառությունը՝ օգնելու կողմերին գտնել հակամարտության խաղաղ կարգավորումը՝ հիմնված Հելսինկյան եզրափակիչ ակտի հիմնարար սկզբունքների վրա, որն իր մեջ ներառում է ուժի չկիրառումը, տարածքային ամբողջականությունը եւ ժողովուրդների հավասար իրավունքներն ու ինքնորոշման իրավունքը։
«Համանախագահները ողջունել են կողմերի արտահայտած մտադրությունը՝ շարունակելու ինտենսիվ բանակցությունները՝ հաշվի առնելով ներկայիս ընտրական ժամանակաշրջանը»,–ասվում է հայտարարության եզրափակիչ հատվածում։
Տարածաշրջան կատարած այցի արդյունքներով ԵԱՀԿ Մինսկի խմբի համանախագահների տարածած հայտարարությունը հստակ եւ կարեւոր շեշտադրումներ է պարունակում, սակայն նախընտրելի կլիներ, որ այդ հայտարարության մեջ հավասարության նշանը չլիներ եւ այն ավելի հասցեական լիներ։ «Արմենպրեսի» հետ զրույցում նման կարծիք է հայտնել Ազգային ժողովի փոխնախագահ Էդուարդ Շարմազանովը։ «Հավանաբար, դիվանագիտական կոռեկտությունից ելնելով, համանախագահները հստակ չեն նշել Ադրբեջան անունը, սակայն բոլորի համար պարզ է, որ այդ հայտարարությունն ուղղված էր Ադրբեջանի ապակառուցողական քաղաքականության դեմ»,–նշել է Շարմազանովը։
ՀՀ ԱԺ փոխնախագահն արձանագրում է, որ հայտարարությամբ համանախագահները շեշտում են Վիեննայի, Սանկտ Պետերբուրգի եւ Ժնեւի պայմանավորվածությունների կյանքի կոչման անհրաժեշտությունը։ «Դրան մշտապես կողմ են հանդես եկել Հայաստանը, Արցախը եւ համանախագահները, դեմ՝ Ադրբեջանը։ Համանախագահները եւս մեկ անգամ շեշտում են այդ պայմանավորվածությունները կյանքի կոչելու անհրաժեշտությունը, ինչը շատ կարեւոր է»,–մանրամասնել է Էդուարդ Շարմազանովը։
Նա շեշտել է, որ հայտարարության մեջ չկա մի կետ, որը համահունչ չէ հայկական կողմի դիրքորոշմանը։

13-02-2018





01-08-2018
Փաշինյանը սեպտեմբերին կմեկնի Նյու Յորք
ԱՄՆ նախագահի հետ հանդիպման շուրջ քննարկումներ են ընթանում



01-08-2018
Ջրոռոգման ոլորտում համալիր լուծումներ են անհրաժեշտ
Որպեսզի ամեն տարի հողագործը չհայտնվի «կոտրած տաշտակի» առջեւ



01-08-2018
Քաղաքականությունից մինչեւ մշակութային համագործակցություն
Ավարտվել է Իտալիայի նախագահ Սերջիո Մատարելլայի պետական այցը ...


01-08-2018
Նախագահն ընդունել է Հայաստանում ՄԱԿ—ի մանկական հիմնադրամի ներկայացուցչին
Հանրապետության նախագահ Արմեն Սարգսյանը երեկ ընդունել է Հայաստանում ՄԱԿ—ի ...


01-08-2018
Արդյունավետ համագործակցություն միջխորհրդարանական հարթակներում
ՀՀ Ազգային ժողովի նախագահ Արա Բաբլոյանը երեկ հանդիպել է ...



01-08-2018
Պետք է կարողանալ արվեստի գործը ճիշտ ներկայացնել
Կարծում է լիբանանահայ արվեստաբան, ...

01-08-2018
Երկու դար առաջ Շուշին գրատպության կենտրոն էր
Լավագույն ավանդույթները վերականգնելու ...

01-08-2018
24 մեդալ՝ Եվրոպայի առաջնությունում
Պատանի հայ ծանրորդների փայլուն ...
USD
EURO
RUR
GEL
Եղանակը Երևանում
գիշերը +21... +23
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO