Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

16.06.2019
ԳԻՏՈՒԹՅՈՒՆ


Առաջընթացի եւ բարօրության միտված կյանք

Գիտաժողով ԵՊՀ—ում՝ նվիրված ԻԻՀ հիմնադիր Իմամ Խոմեյնիին

Երեկ Երեւանի պետական համալսարանի արեւելագիտության ֆակուլտետի «Երկանյանների անվան» դահլիճում տեղ ունեցավ Իրանի իսլամական հեղափոխության առաջնորդ, Իրանի Իսլամական Հանրապետության հիմնադիր Իմամ Խոմեյնիի (այաթոլլա Ռուհոլլա Մուսավի Խոմեյնի) մահվան 29—րդ տարելիցին նվիրված «Իմամ Խոմեյնիի կերպարը, գաղափարներն ու տեսակետները» թեմայով գիտաժողով, որը համատեղ կազմակերպել էին Հայաստանում ԻԻՀ դեսպանության մշակույթի կենտրոնը եւ ԵՊՀ իրանագիտության ամբիոնը։
Բացման խոսքով հանդես եկավ ԵՊՀ իրանագիտության ամբիոնի վարիչ Վարդան Ոսկանյանը։ Նա, Իմամ Խոմեյնիին եւ նրա գաղափարները բարձր գնահատելով, նրան համարեց քաղաքական գործիչ, ով ողջ կյանքը նվիրել է իր երկրի առաջընթացին ու բարօրությանը։ Ապա կարեւորեց ԵՊՀ—ի, հանձին իրանագիտության ամբիոնի, դերը երկու երկրների գիտամշակույթային փոխհարաբերությունների հարցում։ Նա շեշտեց նաեւ, որ թերեւս ԱՊՀ երկրներում ու տարածաշրջանում ԵՊՀ—ի իրանագիտության ամբիոնն ավանդաբար եւ այսօր էլ գիտամշակութային կարեւոր կենտրոններից է, եւ պատահական չէ, որ գիտաժողովը հենց իրանագիտության ամբիոնն է կազմակերպում։
Ողջույնի խոսք ասաց Մայր Աթոռ Սուրբ Էջմածնի արտաքին հարաբերությունների եւ արարողակարգի բաժնի տնօրեն Նաթան արքեպիսկոպոս Հովհաննիսյանը՝ մատնանշելով Իրանի իսլմական հեղափոխության առաջնորդի գաղափարները, մասնավորապես սերն առ մանուկներն ու մարդը։ Ապա հավելեց, որ քրիստոնյա Հայաստանի ու մահմեդական Իրանի սերտ բարեկամական փոխհարաբերությունները կարող են օրինակ ծառայել ողջ աշխարհին՝ ընդգծելով, որ Իրանի հայ համայնքն աշխարհում ամենաազատն է կրոնական հարցերում։
ՀՀ—ում ԻԻՀ դեսպանության մշակույթի խորհրդական Սեյեդ Մոհամեդ Հեյդարին Իմամ Խոմեյնիին համարեց 20—րդ դարի ամենաազդեցիկ քաղաքական գործիչներից։ Շեշտեց, որ նա միաժամանակ միստիկ էր, ֆաղիհ, հեղափոխական, ազնիվ ու մեծ քաղաքական գործիչ, դեմ էր կրոնի ու քաղաքականության տարանջատմանը։ Մի ժամանակահատվածում, երբ աշխարհը լիովին բաժանված էր երկու՝ արեւելյան եւ արեւմտյան ճանբարների եւ դրանից դուրս որեւէ երկրի գոյությունը դժվար էր պատկերացնել, հիմնադրեց դրանցից լիովին անկախ Իրանի Իսլամական Հանրապետությունը։
Ելույթ ունեցան գիտաժողովի մասնակից հետազոտողները, որոնք հիմնականում իրանական ամբիոնի դասախոսներն էին։ Նրանք իրենց զեկույցներում անդրադարձան Իմամ Խոմեյնիի գաղափարախոսության հիմնադրույթներին, դրանց ազդեցություններին ու դրսեւորումներին տարբեր երկրներում, տարբեր շարժումների ու հասարակական երեւույթների վրա ու նրա գրական ժառանգությանը։
«Իմամ Խոմեյնին եւ նախահեղափոխական Իրանի քաղաքական դաշտը» թեմայով ելույթ ունեցավ Գագիկ Միսակյանը։ Զեկուցողը, ներկայացնելով նախահեղափոխական Իրանի քաղաքական դաշտը, նշեց, որ շահը 60—ականների վերջին լուծարեց ազգային կողմնորոշմամբ բոլոր կուսակցությունները՝ հիմնելով «Վերածնունդ» կուսակցությունը, ինչի հետեւանքով փաստորեն միակուսակցական դարձավ քաղաքական դաշտը։ Նա անդրադարձավ նաեւ հոգեւորականների եւ մասնավորապես՝ հեղափոխության առաջնորդի խիստ բացասական դիրքորոշմանը՝ ստեղծված իրավիճակի վերաբերյալ։
Իսկ Աշխեն Հովսեփյանի զեկույցի թեման «Իմամ Խոմեյնիի եւ Մահաթմա Գանդիի կերպարների համեմատական վերլուծությունն» էր։ Զեկուցողը նախ անդրադարձավ Իրանում եւ Հնդկաստանում տիրող նախահեղափոխական իրավիճակին, Մահաթմա Գանդիի եւ Իմամ Խոմեյնիի կերպարների համեմատությանը՝ հանգելով հետեւյալ եզրակացությանը. «Թե՛ Իման Խոմեյնին եւ թե՛ Գանդին հակված էին այն համոզմունքին, որ իրենց երկրները պետք է ձգտեն ինքնավստահության»։
Իրանագետ Արմեն Իսրայելյանի զեկույցի թեման էր «Իրանի եւ Տաջիկստանի կրոնական եւ մշակութային կապերի շուրջ. Իմամ Խոմեյնիի անվան հիմնադրամի գործունեությունը»։ «Իրանական ազդեցությունն Աֆղանստանում 1979—1990թթ.» զեկույցով հանդես եկավ Ահարոն Վարդանյանը։ Նա այս առնչությամբ շեշտեց, որ Իսլամական հեղափոխության ազդեցությունն առավել նկատելի էր Աֆղանստանի շիաների վրա։
Լիանա Պետրոսյանը հանդես եկավ «Իմամ Խոմեյնիի գաղափարական ազդեցությունն Իրանի Իսլամական Հանրապետության նախագահների իրականացրած քաղաքականության վրա» զեկույցով՝ ներկայացնելով նախկին նախագահներ Ռաֆսանջանիի, Խաթամիի, Ահմադինեժադի եւ գործող նախագահ Հասան Ռոհանիի քաղաքականությունը։
Էմմա ԲԵԳԻՋԱՆՅԱՆ

05-06-2018





15-06-2019
Հանրային վերահսկողությունը՝ կանխարգելիչ եւս մեկ միջոց
Քաղաքացու արձանագրած ճանապարհային կանոնների խախտումներին կտրվի իրավական գնահատական

Լուսինե ...


15-06-2019
Տավարի մսի մաքսատուրքը 61.5 տոկոսով նվազել է, գառի մսինը՝ սառեցվել
Ինչ կտա ՀՀ-ին ԵԱՏՄ-ԻԻՀ ազատ առեւտրի գոտու ստեղծման ...


15-06-2019
Շների, շնատերերի եւ Ծիծեռնակաբերդի զբոսայգու մասին
Գաղտնիք չէ, որ մեր մայրաքաղաքում վերջերս թափառող շները շատացել ...


15-06-2019
Խորհրդարանական մշակույթի ժողովրդավարացման հիմնախնդիրները՝ արժեբանական չափման ներքո
Հարցազրույց քաղաքական գիտությունների դոկտոր Մարիամ Մարգարյանի հետ

Խորհրդարանական ...


15-06-2019
Կանխարգելե՞լ, թե՞ գնալ հետեւանքները վերացնելու ճանապարհով
Օրինագիծը միտված է սպառողների իրավունքների պաշտպանությանը

Լուսինե ՄԽԻԹԱՐՅԱՆ
l.mkhitaryan@hhpress.am


«Շատ ...


15-06-2019
Դանիիլ Խարմս. «Պատահարներ» շարքից
«Մի պառավ չափազանց հետաքրքրությամբ դուրս նայեց պատուհանից, ցած ընկավ ...


15-06-2019
Հովհաննես Մելքոնյան
Իրեն, ինչպես շատերը, ես նույնպես Ռուբենիչ էի ասում. ու ...



15-06-2019
Նոր շունչ տիկնիկագործությանը
Թբիլիսիում բացվել է հայկական տիկնիկային ...

15-06-2019
Շախմատի արքան
Հունիսի 17-ին Տիգրան Պետրոսյանը կդառնար 90 ...

15-06-2019
Մեծագույն խնդիրը գիրք հրատարակելն է
Ծաղկաձորում քննարկվել են երիտասարդ ...

15-06-2019
Պետական պահպանության կարիք կա
Մարտունի-Եղեգնաձոր ճանապարհն անցնում է Գեղհովիտ ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO