Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

16.06.2019
ԱՅԼՔ...


Հայաստանը՝ ռոբոտների առաջնությունների կենտրոն

Ընդունվում են ռոբոտների 11—րդ առաջնության հայտեր

Ռոբոտների հայաստանյան 11—րդ առաջնությունը, որի շրջանակում կմրցեն արգելքներ հաղթահարող եւ լաբիրինթոսից ելք գտնող ռոբոտներ, ընդունում է մասնակցության հայտեր։ Երեկ կայացած մամուլի ասուլիսի ժամանակ «ԱրմՌոբոտիքս» մրցույթի կազմակերպիչ՝ Ինֆորմացիոն տեխնոլոգիաների ձեռնարկությունների միության (ԻՏՁՄ) գործադիր տնօրեն Կարեն Վարդանյանը նկատեց, որ այս մրցույթը հիմք հանդիսացավ դպրոցներում ռոբոտաշինական խմբակների ստեղծմանն ու կայացմանը։ «Երբ այս մրցույթը սկսվեց, այն ժամանակ «Արմաթի» խմբակները չկային, դրանք ստեղծվեցին 2015—ին, ռոբոտաշինական խմբակները՝ 2013—ին, բայց այս առաջնություններն իրենց դերը խաղացին ու հուշեցին, թե ինչ պետք է անել։ Ծնողները, տատիկ—պապիկները երեխաներին բերում էին մրցույթին ու ասում, որ ուզում են իրենց երեխաները դրանով զբաղվեն, որն էլ հիմք հանդիսացավ «Արմաթ» լաբորատորիաների ստեղծման համար»,—«Արմենպրեսի» հաղորդմամբ՝ ասաց Կարեն Վարդանյանը։
Նրա խոսքով՝ Հայաստանը պետք է դարձնել ռոբոտների առաջնությունների կենտրոն, քանի որ Հայաստանի շատ երեխաներ են տիրապետում ռոբոտաշինության հմտություններին։
Մրցույթի գլխավոր հովանավոր «Ucom» ընկերության տնօրեն Հայկ Եսայանը նկատեց, որ իրենց ընկերության կորպորատիվ սոցիալական պատասխանատվության ռազմավարության մեջ առանցքային նշանակություն ունեն այն բոլոր նախագծերը, որոնք կապված են ինժեներական մտածողության, ծրագրավորման եւ ռոբոտաշինության հմտությունների զարգացման հետ։ «Երեխաների համար, որոնք մասնակցում են այս մրցույթին, մոտիվացիոն հարթակ է, որտեղ նրանք կարողանում են իրենց դրսեւորել։ Մեր խորին համոզմամբ՝ հենց այսպիսի պատանիները կկարողանան լրացնել աշխարհի մակարդակով ՏՀՏ ոլորտում 3 միլիոն մասնագետների պահանջարկը»,—ասաց ընկերության համահիմնադիր եւ գլխավոր տնօրեն Հայկ Եսայանը։
Նրա դիտարկմամբ՝ Հայաստանում առկա մաթեմատիկական ներուժը կարելի է հեշտությամբ արթնացնել երեխաների մեջ, ինչն ապագային ուղղված քայլ է։
Մրցույթի հովանավոր «Վորլդ Վիժն Հայաստանի» տնօրեն Ժիրայր Էդիլյանն էլ շեշտեց, որ իրենց կազմակերպությունը, լինելով երեխայակենտրոն, կարեւորում է երեխաներին ու երիտասարդներին այնպիսի գիտելիքներով ու կարողություններով զինելը, ինչը կապահովի նրանց հետագա կյանքի բարեկեցությունը։ «Ռոբոտաշինությունն ու ավտոմատացման համակարգերի մշակումը կարող են դառնալ մեր երկրում ՏՏ ոլորտի զարգացման հիմնաքարերից մեկը։ Այս պատանիները վաղը փոխելու են մեր կյանքը։ «Վորլդ Վիժն Հայաստանը» տարիներ շարունակ աջակցում է Հայաստանի մարզերում ռոբոտաշինության խմբակների աշխատանքին։ Մենք համոզված ենք, որ գործող խմբակները բացառիկ հնարավորություն են տալու պատանիներին ապագայում ունենալ պահանջված աշխատանք ու արժանավայել կյանք»,–հավելեց Ժիրայր Էդիլյանը։
Նա հիշեցրեց, որ ռոբոտաշինությունն ու ծրագրավորումը առանցքային դաշտ են, որտեղ երեխաները զարգացման մեծ հեռանկարներ ունեն։ «Մենք հնարավորություն ենք ունեցել մինչ այժմ Հայաստանի 37 համայնքներում մասնակցել «Արմաթ» լաբորատորիաների ստեղծմանը։ 2017 թվականին 800—ից ավելի երեխա հեռավոր համայնքներում ներգրավված է եղել ռոբոտաշինության խմբակներում։ Սա ոչ միայն տեխնիկական գիտելիքների ձեռքբերման հնարավորություն է, այլեւ այլ որակներ են զարգացնում՝ սկսած թիմային աշխատանքից վերջացրած առաջնորդման որոշակի կարողություններով»,–նշեց «Վորլդ Վիժն Հայաստանի» տնօրենը։
Արգելքներ հաղթահարող եւ լաբիրինթոսից ելք գտնող ռոբոտների մրցույթի նպատակն է ներգրավել պատանիներին ռոբոտաշինության, ավտոմատացման ու տարբեր IoT (Internet of things) սարքերի ստեղծման գործընթացներում, խրախուսել վերջիններիս, ինչպես նաեւ ներկայացնել հանրությանը ոլորտի զարգացման անհրաժեշտությունն ու համաշխարհային տեխնո տենդենցներին մոտենալու ճանապարհները։
Մրցույթին կարող են մասնակցել 10—18 տարեկան պատանիները՝ ներկայացնելով իրենց ռոբոտների նկարագիրն ու գաղափարները։ Մրցույթի հայտերի ընդունման վերջնաժամկետը հուլիսի 11—ն է։ Եզրափակիչ փուլը կանցկացվի սեպտեմբեր ամսին։ Մրցույթի տեխնիկական առաջադրանքներն ու կանոնակարգը ներկայացված են այստեղ, իսկ գրանցման հայտը հասանելի է այստեղ։
Մասնակիցները իրենց ստեղծած ռոբոտները կներկայացնեն ժյուրիի մասնագիտացված անդամներին, լավագույնները կարժանանան դրամական պարգեւի «Ucom»—ի եւ «Վորլդ Վիժն Հայաստանի» կողմից։
«ԱրմՌոբոտիքս» ռոբոտաշինության զարգացման եւ աջակցման ծրագիրը Հայաստանում իրականացվում է 2008—ից՝ ԻՏՁՄ—ի կողմից։

13-06-2018





15-06-2019
Հանրային վերահսկողությունը՝ կանխարգելիչ եւս մեկ միջոց
Քաղաքացու արձանագրած ճանապարհային կանոնների խախտումներին կտրվի իրավական գնահատական

Լուսինե ...


15-06-2019
Տավարի մսի մաքսատուրքը 61.5 տոկոսով նվազել է, գառի մսինը՝ սառեցվել
Ինչ կտա ՀՀ-ին ԵԱՏՄ-ԻԻՀ ազատ առեւտրի գոտու ստեղծման ...


15-06-2019
Շների, շնատերերի եւ Ծիծեռնակաբերդի զբոսայգու մասին
Գաղտնիք չէ, որ մեր մայրաքաղաքում վերջերս թափառող շները շատացել ...


15-06-2019
Խորհրդարանական մշակույթի ժողովրդավարացման հիմնախնդիրները՝ արժեբանական չափման ներքո
Հարցազրույց քաղաքական գիտությունների դոկտոր Մարիամ Մարգարյանի հետ

Խորհրդարանական ...


15-06-2019
Կանխարգելե՞լ, թե՞ գնալ հետեւանքները վերացնելու ճանապարհով
Օրինագիծը միտված է սպառողների իրավունքների պաշտպանությանը

Լուսինե ՄԽԻԹԱՐՅԱՆ
l.mkhitaryan@hhpress.am


«Շատ ...


15-06-2019
Դանիիլ Խարմս. «Պատահարներ» շարքից
«Մի պառավ չափազանց հետաքրքրությամբ դուրս նայեց պատուհանից, ցած ընկավ ...


15-06-2019
Հովհաննես Մելքոնյան
Իրեն, ինչպես շատերը, ես նույնպես Ռուբենիչ էի ասում. ու ...



15-06-2019
Նոր շունչ տիկնիկագործությանը
Թբիլիսիում բացվել է հայկական տիկնիկային ...

15-06-2019
Շախմատի արքան
Հունիսի 17-ին Տիգրան Պետրոսյանը կդառնար 90 ...

15-06-2019
Մեծագույն խնդիրը գիրք հրատարակելն է
Ծաղկաձորում քննարկվել են երիտասարդ ...

15-06-2019
Պետական պահպանության կարիք կա
Մարտունի-Եղեգնաձոր ճանապարհն անցնում է Գեղհովիտ ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO