Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.11.2018
ԱՌՈՂՋԱՊԱՀՈՒԹՅՈՒՆ


«Լույս հայի աչքերին»

Ակնաբուժական ծառայությունները հասանելի են դառնում նաեւ հեռավոր գյուղերում

Հայաստանի ամենահեռավոր գյուղերում անգամ մարդիկ տեղյակ են Հայկական ակնաբուժության նախագծի (ՀԱՆ) եւ նրա «Լույս հայի աչքերին» ծրագրի մասին։ Գործունեությունը սկսելով պատերազմական եւ Հայաստանի համար տնտեսական դժվարին տարիներին՝ ՀԱՆ—ը անցած քառորդ դարում ակնաբուժական մեծածավալ ծառայություններ է մատուցել Հայաստանի բնակչությանը։
Նախկին փոքրածավալ ծրագիրը տարիներ անց ընդլայնվել է, այսօր արդեն Հայաստանի ողջ տարածքով լայնամասշտաբ բարեգործական սքրինինգներ ու վիրահատություններ են կատարվում։ Ծրագրով նախապես հայտարարվում է, թե որ մարզկենտրոնի, որ քաղաքում է կայանելու շարժական կլինիկան, ըստ որի՝ համայնքի եւ մերձակա գյուղերի բնակիչները կարողանում են օր առաջ հերթագրվել։ «Լույս հայի աչքերին» ծրագիրը նպատակ ունի կանխարգելել ձեռքբերովի կուրությունը՝ Հայաստանի բոլոր համայնքների բնակիչների համար բարձրորակ ակնաբուժական ծառայությունները դարձնելով հասանելի։
Ծրագրի շրջանակներում ՀԱՆ—ի աչքի շարժական հիվանդանոցը մարզերի գյուղական ու քաղաքային համայնքներում առ այսօր իրականացրել է ընդհանուր ակնային զննումներ, խորացված հետազոտություն, վիրահատություն կամ լազերային բուժում Աչքի շարժական հիվանդանոցում (ԱՇՀ)՝ ակնոցի նշանակում, իսկ անապահով խմբերին նաեւ՝ ակնոցի տրամադրում։
Ակնային հիվանդությունները վաղ հայտնաբերելու եւ ժամանակին բուժելու նպատակով հատուկ ուշադրություն է հատկացվում կուրության պատճառ դարձող մի շարք ակնային հիվանդությունների հայտնաբերմանը, ինչպես օրինակ՝ կատարակտի, գլաուկոմայի, շաքարախտային ցանցենախտի, մակուլյար դիստրոֆիայի եւ այլն։
2002թ. ամերիկյան հանգանակությունների շնորհիվ ստեղծվել եւ Հայաստան է բերվել Աչքի շարժական հիվանդանոցը, որն անվճար ակնաբուժական ծառայություններ մատուցելու նպատակով շրջում է Հայաստանի մարզերում։ Ընդհանուր զննումներից հետո հարկ եղած դեպքում բնակիչներն ուղեգրվում են ԱՇՀ՝ խորացված հետազոտության, լազերային կամ վիրահատական բուժման համար։ Հասանելի լինելու նպատակով ՀԱՆ—ը ուղարկում է ԱՇՀ—ն ՀՀ բոլոր մարզերի կենտրոնական քաղաքներ։
Պրոֆեսոր Ս. Վ. Մալայանի եւ ՀԱՆ հիմնադիր—նախագահ Ռոջեր Օհանեսյանի համատեղ ջանքերով նախագծվում էր ստեղծել մի շարժական համակարգ, որը հագեցած կլիներ անհրաժեշտ նվազագույն լազերային եւ հետազոտական սարքավորումներով, ինչպես նաեւ փոքր վիրահատարանով։
«Եվ դրա շնորհիվ արդեն հնարավոր կլիներ այցելություններ կատարել ՀՀ շրջաններ, հատկապես երկրաշարժի գոտի, որտեղ կկարողանայինք ավելի լուրջ վիրահատական միջամտություններ ցուցաբերել տեղի հիվանդներին, որոնք ի վիճակի չէին գալ Երեւան՝ մեզ մոտ։ Տարիների ընթացքում այդ ծրագրի գաղափարը կար, որը, ինչպես նշեցի, բարերարների աջակցությամբ վերջնականապես իրագործվեց 2002 թվականին։ Եվ հենց այդ թվականի հունիսից մենք արդեն սկսեցինք աշխատել, առաջին տարին նախապատրաստական փուլն էր, եւ ամբողջ Հայաստանով կատարում էինք շրջայցեր։ Ընդ որում, որոշ մարզեր երկու—երեք անգամ ենք այցելել, իսկ, օրինակ, Գեղարքունիքի մարզում Ամերիկյան համալսարանի ծրագրով կլինիկա բացվեց, որից հետո, բնականաբար, այնտեղ մեր կողմից ավելի քիչ այցելություններ կատարվեցին»,— նշեց ծրագրում ընդգրկված ակնաբույժ Ասատուր Հովսեփյանը։
Ծրագրի հիմնական ուղղություններն են՝ բուժօգնությունը, տվյալների հավաքագրումը եւ հետազոտական աշխատանքները, բժշկական ուսուցումը եւ վերապատրաստումը, հանրային ուսուցումը եւ իրազեկումը, կարողությունների զարգացումը։ Ժամանակակից սարքավորումներով հագեցած Աչքի շարժական հիվանդանոցը (ԱՇՀ) շրջում է Հայաստանի մարզերում՝ բնակչությանը տրամադրելով բարձրորակ ակնաբուժական ծառայություններ։
2010թ. ՀԱՆ—ն իրականացնում է «Անհասության ռետինոպաթիայի» (ԱՌ) ակնային զննումների եւ բուժման ազգային ծրագիրը, որը 2012 թ. շարունակվեց ՀԱՆ—ն ԱՄՆ ՄԶԳ եւ ՀՀ առողջապահության նախարարության աջակցությամբ «Մանկական կուրության կանխարգելման գերազանցության կենտրոն» եռամյա ծրագրի շրջանակներում։
391.460 մարդ (ներառյալ 158.451 երեխա) ՀԱՆ—ի կողմից ակնային զննում է անցել իր կամ մոտակա համայնքում։
Ծրագրի գործունեության արդյունքում մինչեւ 2016թ. աչքի շարժական հիվանդանոցում խորացված հետազոտություն է անցել 44.779 մարդ, վիրահատվել՝ 16.733 —ը։ Լազերային բուժում է ստացել 6.246 մարդ, ակնոց է տրամադրվել 68.885 հոգու։ Միայն նախորդ տարվա ընթացքում, ըստ Ասատուր Հովսեփյանի, 2000 մարդ է վիրահատվել։
Նա վստահեցնում է, որ նորագույն սարքավորումներով հագեցած վիրահատարանը եւ ակնային զննումների սենյակները հնարավորություն են տալիս մատուցելու ակնային առողջության պահպանման համալիր ծառայություններ։ Նրա գնահատմամբ այսօր ակնաբուժությունը Հայաստանում եւ ակնաբույժների մասնագիտական որակավորումը թույլ են տալիս իրականացնել միջազգային չափանիշներին համապատասխան ախտորոշիչ, բուժիչ եւ գիտահետազոտական գործունեություն։ Այս ամենը հնարավոր է դարձնում կատարելու աշխարհում առկա գրեթե բոլոր վիրահատական միջամտությունները։
Աչքի հիվանդությունների դեմ պայքարի հիմնական միջոցը բնակչության համատարած հետազոտումն ու ախտահարված հիվանդների հայտնաբերումն է։ Ակնաբույժի խոսքերով, իրենք այսօր փորձում են ուշադիր հետեւել համաշխարհային զարգացող գիտությանը, նորարարություններին, նորագույն տեխնոլոգիաների կիրառմանն ու մեթոդներին եւ դրանք ներդնել մեր երկրում։ Ինչ վերաբերում է ոլորտի նորարարություններին, ապա, ակնաբույժի վստահեցմամբ, նորարարություններ կան, բայց դրանք զուտ նեղ մասնագիտական են. «Ես, օրինակ, մեծ գոհունակությամբ կասեմ, որ հիմա դիաբետի նկատմամբ ավելի լուրջ մոտեցում կլինի, մասնագետներն ավելի շատ կվերապատրաստվեն, շրջանների կլինիկաները հագեցած կլինեն տեխնիկայով եւ կկարողանան աչքի ցանցաթաղանթի հետազոտում կատարել առանց ակնաբույժների մասնակցության։ Իհարկե, որպեսզի հայտնաբերված ախտահարումները չխորանան, անհրաժեշտ է լազերային միջամտություն։ Եվ պատահական չէ, որ ծրագրով նախատեսված հաջորդ նախապատրաստական քայլը շրջաններում լազերային սարքերի ձեռքբերումն է, որով կթեթեւանա սպասարկման ծանրաբեռնվածությունը Երեւանում։ Շարժական կլինիկան էլ չի հասցնում արձագանքել շաքարային դիաբետի այդ հոսքին, եւ տեղերում լազերային սարք ունենալը կթեթեւացնի ծանրաբեռնվածությունը»։
Շարժական կլինիկան շուտով ուղեւորվելու է Արագածոտնի, այնուհետեւ Արարատի, Վայոց ձորի, Արմավիր մարզեր, նաեւ Արցախ։
Լուսինե ՆԱԶԱՐՅԱՆ

19-06-2018





20-11-2018
Որ ուժն է իրական ընդդիմությունը
Արհեստական հարցադրում կամ նախընտրական տեխնոլոգիա

ԱԺ հերթական ճեպազրույցների ...


20-11-2018
Արտագնա աշխատանքի մեկնածների եկամուտները չեն հարկվի
Տարածվող լուրերը իրականության հետ որեւէ աղերս չունեն

Հայաստանի ...


20-11-2018
Հերթականությունը որոշվեց
ԱԺ արտահերթ ընտրություններին կմասնակցի 11 քաղաքական ուժ

Կենտրոնական ...


 
20-11-2018
«Հայ մշակույթի հինգերորդ դարը. նվաճումները եւ համաշխարհային նշանակությունը»
Գիտական նստաշրջանին մասնակցել է երեքուկես տասնյակ հայագետ տարբեր ...


 
20-11-2018
Քրիստոսի լույսի ու սիրո համադրությամբ
Արձակագիր Սամվել Մհերյանն օրերս ընթերցողի սեղանին դրեց մի գիրք՝ ...


20-11-2018
Մեծարվեց ազգագրական երգի նահապետը
Օրերս Ա. Բաբաջանյանի անվան համերգասրահում նշվեց «Ակունք» ազգագրական համույթի ...


20-11-2018
Տեղի է ունեցել ՀՀ կառավարության արտահերթ նիստ
Երեկ տեղի է ունեցել ՀՀ կառավարության արտահերթ նիստ, որը ...



20-11-2018
Անակնկալ այցելություն, ստուգում, վերահսկողություն
Մանկապարտեզները քաղաքապետարանի ...

20-11-2018
«Բերքառատ Արցախի» ընթացիկ տարվա բերքը
Որ փուլում են «Հայաստան» համահայկական ...

20-11-2018
Երեւանում եռյակ է լույս աշխարհ եկել
27 տարի երեխաներ ունենալն ընտանիքի կյանքի ...

20-11-2018
Մանուկների խնդիրները՝ քննարկման թեմա
Հանդիպումներ բարեգործական ...
USD
EURO
RUR
GEL
Եղանակը Երևանում
գիշերը +2... +4
ցերեկը +13... +15

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO