Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.04.2019
ՊՆ


Ինչպես են տեղավորում նորակոչիկներին

Պարզաբանումներ է ներկայացրել ՊՆ խոսնակ Արծրուն Հովհաննիսյանը

ՀՀ պաշտպանության նախարարի հրամանի պահանջների համաձայն, զորակոչի նախապատրաստական եւ իրագործման փուլում զորամասերի հրամանատարների հրամանով անձնակազմի հետ աշխատելու փորձ եւ մանկավարժական ունակություններ ունեցող սպաներից նորակոչիկների ընդունման, տեղավորման եւ ուսումնական գործընթացի կազմակերպման նպատակով ձեւավորվում են խմբեր։ «Արմենպրեսի» հաղորդմամբ՝ ՀՀ պաշտպանության նախարարության մամուլի խոսնակ Արծրուն Հովհաննիսյանը «Ֆեյսբուքի» իր էջում գրել է, որ նշված խմբերը դիմավորում են զորամաս ժամանած նորակոչիկներին, ողջույնի խոսք ուղղում, կարճ տեղեկություններ հաղորդում զորամասի առօրյայի վերաբերյալ, որից հետո սկսում են իրականացնել համապատասխան աշխատանքներ։
Առաջին օրը բոլոր նորակոչիկների հետ անցկացվում է ծանոթական զրույց, որի արդյունքների վերաբերյալ համապատասխան գրառում է կատարվում նորակոչիկների «Հայրենիքի պաշտպանի անհատական գրքույկներում», հեռախոսակապ է հաստատվում նորակոչիկների ծնողների հետ եւ նրանց տեղեկություն տրամադրվում իրենց որդու զինվորական ծառայությունը տվյալ զորամասում անցնելու վերաբերյալ։ «Անց է կացվում նորակոչիկների բուժզննում եւ արդյունքները գրանցվում համապատասխան մատյաններում եւ նորակոչիկների բժշկական գրքույկներում, նորակոչիկները ուսուցանվում են համազգեստի եւ կոշիկների կրման, անկողնու հարդարման կանոններին, նորակոչիկներին ծանոթացնում են զորամասի տարածքին եւ օրվա կարգացուցակի հետ, զորամասի հրամանատարության կողմից պատրաստվում է նամակ նորակոչիկների ծնողներին, որտեղ նշվում է զորամասի ուղորդվածությունը, որդիներին այցելությունների կարգը»,–գրել է նա։
Երկրորդ օրը նորակոչիկներին ծանոթացնում են զորամասի կազմավորման պատմությանը եւ անցած մարտական ուղու հետ, զինծառայողների ընդհանուր իրավունքներին ու պարտականություններին, զինվորական ծառայության օրենսդրական եւ ենթաօրենսդրական հիմքերին, ՀՀ ԶՈւ կանոնադրություններին, զինծառայողների անհատական եւ հասարակական հիգիենայի պահպանման կանոններին, պարենային, իրային եւ դրամական ապահովման նորմերի հետ, զինվորական ծառայության անվտանգության ապահովման կանոնների հետ։ «Երրորդ օրվանից նորակոչիկներն անցնում են երիտասարդ մարտիկի պատրաստության պարապմունքներին՝ մինչեւ 20 ուսումնական օր տեւողությամբ, որի ավարտին տալիս են զինվորական երդում։ Մինչեւ զինվորական երդում ընդունելն արգելվում է նորակոչիկներին տեսակցելն ու նրանց ազատ արձակում չի տրամադրվում։
Զինվորական երդման արարողությունները կազմակերպվում են զինվորական փառքի կամ պատմամշակութային վայրերում՝ հանդիսավոր կերպով։ Երդման արարողության օրվա եւ վայրի վերաբերյալ զորամասի հրամանատարությունը նախօրոք տեղեկացնում է նորակոչիկներին ու նրանց ծնողներին։ Երդման արարողությունից հետո նորակոչիկներին տվյալ կայազորի տարածքում հատկացվում է մինչեւ 6 ժամ տեւողությամբ ազատ արձակում։
Երդման արարողությանը հաջորդում է 5—ամսյա ուսումնական փուլը։ Նշված ժամանակահատվածում, համաձայն հաստատված գրաֆիկի, շաբաթ եւ կիրակի օրերին զինծառայողներին՝ այդ թվում նորակոչիկներին, կայազորի տարածքում տրվում են ազատ արձակումներ»,–նշված է գերատեսչության խոսնակի հայտարարության մեջ։
Յուրաքանչյուր ամսվա վերջին կիրակի օրը զորամասերում հայտարարվում է «Բաց դռների օր», որի ժամանակ ծնողներին հնարավորություն է տրվում այցելել զորամաս ու ծանոթանալ իրենց որդիների ծառայության վայրին, կենցաղային եւ սանիտարահիգիենիկ պայմաններին, մատուցվող սննդի որակին։
Շարքային կազմի պարտադիր զինծառայողներին, ոչ պակաս 5 ամսվա օրացուցային ծառայության դեպքում, զորամասի հրամանատարի կողմից, օրացուցային տարվա համար սահմանված արձակուրդների տրման ժամանակացույցի համաձայն, տրվում է հիմնական արձակուրդ՝ 10 օր տեւողությամբ։ «Բացի այդ պարտադիր ժամկետային զինծառայողներին տրվում է լրացուցիչ արձակուրդ՝ 5 օրացուցային օր տեւողությամբ.
ա) զինվորական ուսման կամ ծառայության բարձր ցուցանիշների համար՝ խրախուսման կարգով,
բ) ընտանեկան պայմաններից ելնելով՝ զինծառայողին երեխա ծնվելու կամ նրա ընտանիքի անդամի (կին, երեխա, հայր, մայր, քույր, եղբայր, տատ, պապ) ամուսնության, ծանր հիվանդության կամ մահվան դեպքերում»,–գրել է Հովհաննիսյանը։
Նա նշել է, որ այս զորակոչից բոլոր նորակոչիկներին կենտրոնական հավաքակայանում տրվում են «Տեղեկատվական գրքույկներ», որտեղ ներկայացված են պարտադիր զինվորական ծառայության զորակոչի անցկացման դրույթները, զինծառայողների իրավունքներն ու պարտականությունները։

07-07-2018





23-04-2019
«Արցախն իր թիկունքում միշտ ունենալու է ամուր Հայաստան»
Օրակարգում անվտանգության, քաղաքացիական համակարգի պատրաստության խնդիրներն են



23-04-2019
Թուրքական ապացույցներով՝ Թուրքիայի հանցանքի մասին
Թաներ Աքչամի աշխատությունը ծանր հարված է թուրքական ժխտողականությանը



23-04-2019
Վեպը միշտ ինձ է սպասում
Գրիգը բացել է փակագծերը

Արձակագիր Գրիգը, որն ընթերցասերների ...


23-04-2019
Կրթության որակը՝ առաջնահերթություն
Ուսուցչի դերը կրթական բարեփոխումներում դեռ լավ չի գիտակցվում



23-04-2019
Վարչապետը խորհրդակցություն է անցկացրել մարզպետների հետ
Վարչապետ Նիկոլ Փաշինյանի մոտ տեղի է ունեցել խորհրդակցություն, որին ...


23-04-2019
«Քրիստոս յարեաւ ի մեռելոց»
Սուրբ եւ անմահ պատարագ՝ ի նշանավորումն Հիսուս Քրիստոսի ...


23-04-2019
Նոր ավիաընկերությունների սպասելիս
Հարցազրույց քաղավիացիայի կոմիտեի նախագահ Տաթեւիկ Ռեւազյանի հետ

ՀՀ ...



23-04-2019
Անձրեւացման եղանակի «հայկական հետքը»
Ինչ է պատմում խորհրդային տարիներին ...

23-04-2019
ԱՄՆ-ը Իրանից նավթի ներմուծման արտոնությունը չեղարկում է
2018թ. նոյեմբերի 4-ին, երբ ԱՄՆ-ն Իրանի դեմ տնտեսական ...

23-04-2019
Հոգեւոր կյանքի վերանորոգման առիթ
Արցախում նշել են Հիսուս Քրիստոսի ...

23-04-2019
«Բանանցը» հրաժարվեց. ի՞նչ սպասել հաջորդիվ
Խորը հիասթափություն էր սպասում այն մի քանի տասնյակ ...
USD
EURO
RUR
GEL
Եղանակը Երևանում
գիշերը +4... +6
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO