Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

19.02.2019
ՄԱՐԶԵՐ


Ներդրումների ու արտահանման նոր հնարավորություններ

Տավուշում 10 ծրագրի շուրջ քննարկումները գործնական փուլ են մտել

ՀՀ վարչապետ Նիկոլ Փաշինյանը հայտարարել էր այն մասին, որ Հայաստանում տեղի է ունեցել մթնոլորտի փոփոխություն, մարդիկ պետք է այդ փոփոխությունները տեսնեն իրենց համայնքներում, սկսած համայնքի ղեկավարի գործունեությունից՝ հավելելով, որ մարզերում տնտեսությունը պետք է շղթայական ռեակցիայով զարգանա։
Օտարերկրյա ներդրումներ իրականացնող մեկուկես տասնյակ կազմակերպություններ ու անհատներ, Տավուշի մարզում գործող փոքր ու միջին ձեռնարկատերեր, կառավարության ներկայացուցիչներ, մասնակցելով «Բիզնես Արմենիայի» եւ «Քմյունիթի սենթր ֆոր դիվելոփմենթ» տարածաշրջանային համագործակցության ՀԿ—ի՝ ԵՄ եւ ՀՀ կառավարության համաֆինանսավորմամբ մեկնարկած ֆորումին, ներկայացրել են իրենց բիզնես ծրագրերը՝ ակնկալելով Տավուշում ապահովել մինչեւ 10 ներդրումային ծրագրի մեկնարկ։ Նախապես մշակված 15 ներդրումային ծրագրերից, 10—ի շուրջ քննարկումները գործնական փուլ են մտել։
«Քմյունիթի սենթր ֆոր դիվելոփմենթ» տարածաշրջանային համագործակցության ՀԿ նախագահ Հասմիկ Ազիբեկյանի խոսքով՝ որոշ ներդրողներ ունեն հստակ ներդրումային ծրագրեր։
Ծրագրային թիմը նախնական ուսումնասիրության արդյունքում գտել եւ հրավիրել է այնպիսի ներդրողների, որոնք հետաքրքրված են Տավուշում արտադրվող ապրանքների արտահանմամբ կամ այստեղի ձեռնարկություններում ներդրումներով։
Հասմիկ Ազիբեկյանը, ով նաեւ «Տավուշի մարզի ինտեգրված եւ հավասարակշռված տնտեսական զարգացում» ծրագրի ղեկավարն է, վստահեցրեց, որ ծրագիրը ուղղված է Տավուշի համայնքների միջեւ առավել հավասարակշռված սոցիալ—տնտեսական զարգացմանը եւ աղքատության կրճատմանը։ Ակնկալվում է, որ այս ներդրումային ծրագրերը կնպաստեն բնակչության համար նոր տնտեսական հնարավորությունների եւ աշխատատեղերի ստեղծմանը եւ մարզի տնտեսության դիվերսիֆիկացմանը, ֆերմերային տնտեսությունների, ՓՄՁ մրցունակության աճին։
Տավուշի մարզում ներդրողների հետաքրքրությանն են արժանացել հետեւյալ 10 ոլորտին վերաբերող ծրագրերը՝ պահածոյագործություն, ջերմոցային տնտեսությունների հիմնում (վարդերի աճեցում, ելակի աճեցում), խաղողագործություն, գինեգործություն, աղբի վերամշակում, այլընտրանքային էներգառեսուրսի օգտագործում, այծաբուծություն, սպանդանոցի հիմնում եւ մսամթերքի մշակում, տնկիների եւ բույսերի վերականգնման լաբորատորիայի, ագրոտուրիզմի խոշոր կենտրոնի հիմնում։
Առաջիկա 1—2 տարում ակնկալվում է շուրջ 1000 նոր աշխատատեղ ստեղծել։
Հավանության արժանացած ծրագրերից մեկը Իջեւանի մեխանիկական գործարանը ներդրումների միջոցով վերապրոֆիլավորելու եւ գյուղատնտեսական տեխնիկայի արտադրություն հիմնելու գաղափարն է։
Լիբանանցի գործարար, «Գարդենիա Գրեյն դը Բոր» ընկերության սեփականատեր Նիկոլաս Աբու Ֆեյսալը, որը Հայաստանում իրականացնում է ներդրումային ծրագիր, առանձնացնում է օտարերկրյա գործարարների համար Հայաստանում ներդրում կատարելու 10 պատճառ. դրանցից հատկապես ուշագրավ են երկրի գյուղատնտեսական հնարավորությունները՝ հողը, ջուրը, աշխատուժը, մարդկային ռեսուրսները եւ այլն։ Բացի այդ, Հայաստանի աշխարհագրական դիրքը շատ նպաստավոր է աշխարհի բոլոր շուկաներին արտադրանք մատակարարելու տեսանկյունից։
Բերդավանի գինու գործարանի տնօրեն Գագիկ Աղաբաբյանը այդ ներդրման ծրագրերից մեկի շահառուն է, զբաղվում է խաղողի ու պտղահատապտղային գինիների, կոնյակի եւ օղու, ինչպես նաեւ պահածոների արտադրությամբ։ Ներկայացել է երկու ծրագրով՝ ներդրումային եւ գրանտային։
Ծրագրերից առաջինը ենթադրում է «Այս վայնի» (ice wine)՝ սառեցված խաղողից գինու արտադրություն։ Կատարվում է խաղողի ուշ բերքահավաք՝ 7—10 աստիճան ցրտի պայմաններում, երբ բերքի վրա նստում է բնական ձյուն։ Նման պայմաններում հավաքված խաղողից հատուկ տեխնոլոգիայով պատրաստվում է գինի, որը միջազգային հանրության մեջ հայտնի է որպես «ice wine», հայերեն թարգմանությամբ՝ «սառցե գինի»։ Շատ թանկարժեք գինի է, որի արտադրության համար մեր գործարանում կան համապատասխան պայմաններ, մանրամասնում է Գագիկ Աղաբաբյանը։ Նրա երկրորդ ծրագիրը վերաբերում է պտղահատապտղային օղիների պատրաստմանը եւ դրանց հետագա հնեցմանը, այն գիտական նորույթ է, որի հեղինակները առաջարկում են ստեղծել վակուումային թորման ունիվերսալ ապարատ, որի շնորհիվ պտղահատապտղային հումքից արոմատիկ նյութերը ստացվում են առավելագույն չափով, ինչն էլ օղիների որակի առաջնային ցուցանիշ է։
Լուսինե ՆԱԶԱՐՅԱՆ

13-07-2018





19-02-2019
Հայաստանը՝ գիտական կենտրոն
ՀՀ նախագահի հանդիպումները Մյունխենում

Աշխատանքային այցով Գերմանիայի Դաշնային ...


19-02-2019
Ես եղել եմ, կա՛մ, կլինեմ հար ու հավետ, ի՛նչ կա որ
Թումանյանը շարունակելու է ապրել ամբողջ հայության համար

Այսօր ...


19-02-2019
Թումանյանը եւ մանուկների աշխարհը
Հովհաննես Թումանյանը հայ դասական մանկագրության անսպառ լուսատուն է, որ ...


19-02-2019
Տիեզերքի Ճամփորդը
Համազգային տոն է այսօր։ Ազգովի հոբելյան ամենամեծի, ամենից ազգայինի, ...


19-02-2019
Ամենահզոր զենքը բանաստեղծական տաղանդն ու գրիչն են
Թումանյանի հասարակական գործունեությունը եւ նրա նկատմամբ քաղաքական հետապնդումները



19-02-2019
Շռայլ նվերի դիմաց՝ էժան փոխհատուցում
Ինչպես ենք մոտակա 2 տարում մեր երկրում պայքարելու ...


19-02-2019
Ծաղկեպսակ՝ բանաստեղծի արձանին
Հ. Թումանյանի ծննդյան 150-ամյակի կապակցությամբ գրողի՝ Ազատության հրապարակում գտնվող ...



19-02-2019
Հայաստանը կարող է դառնալ ժողովրդավարության կղզյակ
Ընտրական օրենսգրքի փոփոխությունների ...

19-02-2019
Բնավորության հիմնարար գիծը ճշմարտասիրությունն էր
Արթուր Մկրտչյանն այսօր կդառնար 60 ...

19-02-2019
Սիրիայում քրդերը հայտնվել են երկընտրանքի առջեւ
Օրերս Սոչիում Սիրիայի հիմնահարցին նվիրված եռակողմ՝ ...

19-02-2019
Երկու ամիս անց այս ցուցանիշները չեն բավարարի
Հայաստանի ծանրամարտի առաջնության արդյունքները ...
USD
EURO
RUR
GEL
Եղանակը Երևանում
գիշերը 0... -2
ցերեկը +2... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO