Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.04.2019
ԵՐԵՎԱՆ


Բարեկարգվում է Կոմիտասի անվան զբոսայգին

Այս զբոսայգու պարագայում միանգամայն տեղին կիլինի «վերջապես» արտահայտության կիրառումը։ Երկար ժամանակ անուշադրության մատնվածի դերում էր գտնվում։ Տարիներ առաջ առանձնացվեց Հայոց մեծերի պանթեոնի տարածքը, այնտեղ անհամեմատ նորմալ պայմաններ ստեղծվեցին, իսկ մնացած մասը մի տեսակ «անտեր» մնաց։ Այդպիսի տպավորություն էր ստանում մտնողը։ Նույնիսկ ոռոգման ջուրը չէր հասնում։ Հանգստի գոտու, այն էլ մշակութային հրաշալի անցյալ ունեցող Կոմիտասի անվան զբոսայգու այս տարօրինակ վիճակը առիթ տվեց, որ հարեւանությամբ գտնվող մասնավոր տների որոշ բնակիչներ այն դիտեն որպես իրենց «ոտքատեղի» ընդարձակման հնարավորություն տվող տարածք։ Հրազդան գետի կողմից «նշմարվեցին» առանձին տների ուրվագծեր։ Այսօր դժվար է հստակ տեսնել այգու եւ մասնավոր տնատիրությունների սահմանը, բայց նախկին շինությունների ավերակներն օգնում են համոզվել, որ առանձին հատվածներում այն խախտվել է։ Ինչեւէ, պիտի հուսանք, որ այս բարեկարգումը կխոչընդոտի նոր ոտնձգության հնարավորությունը։
Ի՞նչ է արվելու։ Երեւանի քաղաքապետարանի շինբարեկարգման վարչության ծրագրավորման եւ նախագծային փաստաթղթերի հետ աշխատանքի բաժնի պետ Էդվարդ Շաքարյանից տեղեկացանք, որ բարեկարգման ենթակա է 18570 քմ մակերեսով, այսինքն՝ 1,8 հա—ից քիչ ավելի մի հատված։ Ճեմուղիներն են վերակառուցվելու. 2300 գմ ընդհանուր երկարությամբ բազալտե նոր եզրաքարեր են տեղադրվելու, 5350 քմ մակերեսով նոր սալիկապատում է կատարվելու։ Կառուցվելու է ջրավազան՝ ջուրը շարժման մեջ դնող պոմպակայանով։ Երկու զրուցատաղավար է կառուցվելու, տեղադրվելու են ութսուն նստարան, տասնյակ աղբամաններ։ 1125 գմ երկարությամբ նոր ոռոգման ցանց է անցկացվելու, ճեմուղիների արտաքին լուսավորությունը կազմակերպվելու է նորատիպ էներգախնայողական տեխնոլոգիայով՝ ԼԷՊ տիպի լամպերով։ Ընդ որում, տարածքը լուսավորվելու է վաթսուներկու կետից։ Այգում գործելու է հասարակական սանհանգույց (այն կառուցվում է պանթեոնի տարածքում գտնվող նախկին սանհանգույցի տեղում)։ Նորոգվելու է Արշակունյաց պողոտայի կողմից զբոսայգու կենտրոնական մուտքի բազալտակուռ շինությունը, որը ժամանակին առանձնահատուկ պաթոս է հաղորդել այգուն եւ այսօր էլ ճարտարապետական առումով չի կորցրել իր քաղաքաշինական նշանակությունը։ Նորոգվելու է նաեւ պողոտայի կողմում գտնվող չուգունե ցանկապատը։ Նշենք, որ ժամանակի ընթացքում մարդկանց անփույթ վերաբերմունքի պատճառով դասական ոճ ունեցող ցանկապատի առանձին հատվածներ ճաղազրկվել են։ Դրանք վերականգնվելու են։ Ավելորդ չենք համարի նշել, որ Կոմիտասի անվան զբոսայգու ցանկապատը միայն այս կառույցին չէ, որ վեհություն է հաղորդում։ Դա ամբողջ քաղաքի համար պատմական որոշակի մի հատվածի՝ անցյալ դարի 40—50—ականների հայ ճարտարապետության ինքնատիպ ոճի վկայականի դեր ունի։ Հետեւաբար անչափ կարեւոր է վնասվածը նույնությանբ վերականգնելը։
Կարեւոր է նաեւ այն, որ բարեկարգման նախագծում տեղ է գտել 42 գմ երկարությամբ քարե պարսպի կառուցումը զբոսայգու եւ մասնավոր տնատիրությունների սահմանագծին։ Թե ցանկապատն ինչ չափով կվերականգնի խախտված սահմանը, չենք կարող ասել։ Բայց որ այն անհրաժեշտ է հետագա ոտնձգությունը կանխելու համար, պարզից էլ պարզ է։
Շինարարությունն իրականացնում է մրցույթը շահած «Արալպլաստ» ՍՊԸ—ն։ Ըստ առաջարկի, քաղաքապետարանը համայնքային բյուջեից վճարելու է 150 մլն դրամ։ Աշխատանքների ավարտ է սահմանվել օգոստոսի վերջը։
Ընթերցողն, անշուշտ, նկատեց, որ բարեկարգվող հատվածի վերոնշյալ չափը՝ 18570 քմ, չի համապատասխանում զբոսայգու իրական չափին։ Իրականն ավելի մեծ է։ Այդ դեպքում ինչո՞ւ չի բարեկարգվում ամբողջ տարածքը։ Բանն այն է, որ տարիներ առաջ Երեւանի քաղաքապետարանը զբոսայգու վերջնամասից մի հատված հատկացրել է Հայաստանյայց առաքելական եկեղեցուն՝ եկեղեցի եւ թանգարան կառուցելու համար։ Հայտնի է նաեւ, որ զբոսայգու նախկին տարածքից մի ճանապարհաշերտի չափ տարածք էլ պիտի հատկացվի Լենինգրադյան փողոցից Իսակովի պողոտա հասած, այսօր գործող Մոնթե Մելքոնյան ավտոմայրուղու շարունակության համար (կառուցվելիք ճանապարհահատվածը կամրջով անցնելու է Հրազդան գետի վրայով եւ Արշակունյաց պողոտա է հասնելու հենց այս հատվածով)։
Էդվարդ Շաքարյանից տեղեկացանք, որ եկեղեցու եւ թանգարանի նախագծերը նույնպես պատրաստ են, եւ իրենք զբոսայգու բարեկարգումն ավելի վաղ չեն ձեռնարկել այն նկատառումով, որ շինարարությունը միաժամանակ կատարվի։ Սակայն եկեղեցու շինարարությունը ֆինանսական պատճառներով ուշանում է, հետեւաբար քաղաքապետարանը որոշել է այլեւս չսպասել։

Պետրոս ՍԱՐՈՒԽԱՆՅԱՆ
Լուսանկարը՝ հեղինակի

18-07-2018





23-04-2019
«Արցախն իր թիկունքում միշտ ունենալու է ամուր Հայաստան»
Օրակարգում անվտանգության, քաղաքացիական համակարգի պատրաստության խնդիրներն են



23-04-2019
Թուրքական ապացույցներով՝ Թուրքիայի հանցանքի մասին
Թաներ Աքչամի աշխատությունը ծանր հարված է թուրքական ժխտողականությանը



23-04-2019
Վեպը միշտ ինձ է սպասում
Գրիգը բացել է փակագծերը

Արձակագիր Գրիգը, որն ընթերցասերների ...


23-04-2019
Կրթության որակը՝ առաջնահերթություն
Ուսուցչի դերը կրթական բարեփոխումներում դեռ լավ չի գիտակցվում



23-04-2019
Վարչապետը խորհրդակցություն է անցկացրել մարզպետների հետ
Վարչապետ Նիկոլ Փաշինյանի մոտ տեղի է ունեցել խորհրդակցություն, որին ...


23-04-2019
«Քրիստոս յարեաւ ի մեռելոց»
Սուրբ եւ անմահ պատարագ՝ ի նշանավորումն Հիսուս Քրիստոսի ...


23-04-2019
Նոր ավիաընկերությունների սպասելիս
Հարցազրույց քաղավիացիայի կոմիտեի նախագահ Տաթեւիկ Ռեւազյանի հետ

ՀՀ ...



23-04-2019
Անձրեւացման եղանակի «հայկական հետքը»
Ինչ է պատմում խորհրդային տարիներին ...

23-04-2019
ԱՄՆ-ը Իրանից նավթի ներմուծման արտոնությունը չեղարկում է
2018թ. նոյեմբերի 4-ին, երբ ԱՄՆ-ն Իրանի դեմ տնտեսական ...

23-04-2019
Հոգեւոր կյանքի վերանորոգման առիթ
Արցախում նշել են Հիսուս Քրիստոսի ...

23-04-2019
«Բանանցը» հրաժարվեց. ի՞նչ սպասել հաջորդիվ
Խորը հիասթափություն էր սպասում այն մի քանի տասնյակ ...
USD
EURO
RUR
GEL
Եղանակը Երևանում
գիշերը +4... +6
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO