Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

21.09.2018
ՆԵՐՔԻՆ ԿՅԱՆՔ


Կլինի փոխհամաձայնեցված տարբերակ

ԱԺ աշխատանքային խումբը քննարկել է ընտրական համակարգի վերաբերյալ առաջարկները

ՀՀ ընտրական օրենսդրության բարեփոխումների նպատակով ստեղծված խորհրդարանական աշխատանքային խումբը երեկ գումարել է հերթական նիստը, որը վարել է ՀՀ ԱԺ «Ծառուկյան» խմբակցության ներկայացուցիչ Նաիրա Զոհրաբյանը, հայտնում են ՀՀ ԱԺ լրատվության եւ հանրության հետ կապերի վարչությունից։
Նիստին մասնակցել են նաեւ ՀՀ վարչապետին առընթեր գործող ընտրական օրենսդրության բարեփոխումների հանձնաժողովի քարտուղար Դանիել Իոաննիսյանը, հանձնաժողովի անդամներ Վահագն Հովակիմյանն ու Աղասի Եսայանը։ ՀՀ ԱԺ խմբակցությունները եւ կառավարության ներկայացուցիչները ներկայացրել են իրենց պատկերացումներն ընտրական համակարգի վերաբերյալ։
Նաիրա Զոհրաբյանը նշել է, որ իրենց խմբակցությունը կողմ է փակ համամասնական ընտրակարգին, սակայն պատրաստ է քննարկել որոշակի մոդել, որը մարզային թեկնածուների ներգրավվածությունն ապահովելու հնարավորություն կտա։ Ըստ նրա՝ գործող մոդելն ապաքաղաքականացրեց ընտրությունը եւ գաղափարական պայքարը վերածեց ռեսուրսների միջեւ պայքարի։
ՀՀԿ խմբակցության ներկայացուցիչ Դավիթ Հարությունյանն առաջարկել է քննարկման առարկա դարձնել 4 մոդել։ ՀՀԿ խմբակցությունն առաջին մոդելով առաջարկում է ունենալ բաց ցուցակներ՝ խոշորացված ընտրատարածքներով։ Հաջորդ առաջարկով ընտրողը ձայնը տալու է տարածքային ցուցակին, սակայն կուսակցությունն է որոշելու հաջորդականությունը։ Երրորդ մոդելով յուրաքանչյուր ընտրատարածքում կուսակցություններն ի սկզբանե նշանակելու են հնարավոր մեկական թեկնածուի, սակայն ժողովուրդը քվեարկելու է ոչ թե թեկնածուի, այլ այս կամ այն կուսակցության օգտին։ Չորրորդ տարբերակով երկու քվեաթերթիկ է առաջարկվում ունենալ։ «Սա կոմբինացված մոդել է։ Ընտրողը կարող է ձայն տալ անձին մի կուսակցությունից, բայց կուսակցական քվեաթերթիկում այլ կուսակցության ընտրել»,—ասել է Դավիթ Հարությունյանը։
Ըստ ՀՀԿ խմբակցության ներկայացուցչի՝ չորրորդ տարբերակն առավել նախընտրելի է եւ զերծ է առկա թերություններից։
ՀՀ ԱԺ ՀՅԴ խմբակցության ներկայացուցիչ Արմեն Ռուստամյանը վերահաստատել է, որ իրենք կողմ են բաց համամասնական ցուցակներով քվեարկությունն անցկացնելուն՝ հնարավորություն տալով ընտրողին որոշելու, թե կուսակցության ներսում մանդատներն ինչպես պետք է բաշխվեն։ Ըստ նրա՝ հիմնական խնդիրը կուսակցության ներսում մանդատների բաշխումն է, եւ իրենց առաջարկած մոդելի առավելությունն այն է, որ դա իրականացվում է ժողովրդի մասնակցությամբ։ Արմեն Ռուստամյանն անդրադարձել է նաեւ քվոտաների եւ պարզեցված ընտրակարգի խնդիրներին։
ՀՀ ԱԺ «Ելք» խմբակցության ներկայացուցիչ Էդմոն Մարուքյանը նշել է, որ իրենց եւ ՀՀ վարչապետին առընթեր գործող ընտրական օրենսդրության բարեփոխումների հանձնաժողովի առաջարկները նույնն են։ Ըստ նրա՝ գործող համակարգը գաղափարական պայքարի իրականացման հնարավորություն չի ընձեռել։ Առաջարկվում է անցում կատարել 100 տոկոսանոց համամասնական ընտրակարգի։ Նշվել է, որ կուսակցությունները պետք է ցուցակներն այնպես կազմեն, որ մարզային ներկայացվածություն ապահովեն։
Որոշվել է, որ խմբակցությունները մինչ հաջորդ նիստը գրավոր ներկայացնեն ընտրակարգի վերաբերյալ իրենց տարբերակները, որոնք կքննարկվեն աշխատանքային խմբի հաջորդ նիստում։ Փոխհամաձայնեցված տարբերակը՝ որպես այլընտրանք, կուղարկվի կառավարության համապատասխան հանձնաժողով։
Կառավարության ներկայացուցիչ Դանիել Իոաննիսյանը համագործակցելու եւ առավել նախընտրելի մոդելների շուրջ քննարկումներ ծավալելու պատրաստակամություն է հայտնել։
Աշխատանքային խմբի հաջորդ նիստը տեղի կունենա հուլիսի 20—ին, ժամը 12։00—ին։ Նիստը կնախագահի ՀՀ ԱԺ «Ելք» խմբակցության ներկայացուցիչը։

18-07-2018





20-09-2018
Գրքի փառատոն՝ Անկախության տոնին ընդառաջ
Այսօր Երեւանի կենդանաբանական այգում ընթերցասերները կենդանասերներից շատ կլինեն



20-09-2018
«Սպիտակ» ֆիլմը հրաշքի մասին է
Երկրաշարժի 30—րդ տարելիցին նվիրված ֆիլմը կբարձրանա մեծ էկրան



20-09-2018
«Սարյանը եւ Ֆրանսիան»
Ցուցահանդես վարպետի տուն–թանգարանում

Ֆրանկոֆոնիայի միջոցառումների շրջանակում Մարտիրոս Սարյանի ...


20-09-2018
Հնի ու նորի յուրօրինակ համադրություն Սարյանի պուրակում
Դաշնամուրի շնորհիվ երեւանցիները կարող են լիցքավորել հեռախոսները, օգտվել ...


20-09-2018
Հանձնել է հավատարմագրերը
Հանրապետության նախագահ Արմեն Սարգսյանին երեկ իր հավատարմագրերն է հանձնել ...


20-09-2018
Արա Բաբլոյանն ընդունել է ԵԽ մարդու իրավունքների հանձնակատարին
ՀՀ Ազգային ժողովի նախագահ Արա Բաբլոյանը երեկ ընդունել է ...


20-09-2018
Գերմանիայի հայ գործարարների միության անդամները՝ Մայր Աթոռում
Երեկ Ն.Ս.Օ.Տ.Տ. Գարեգին Երկրորդ Ծայրագույն պատրիարք եւ Ամենայն հայոց ...



20-09-2018
Ադրբեջանը ցեղասպան պետություն է
Գիտաժողով՝ նվիրված Բաքվի հայերի ջարդերի ...

20-09-2018
Անկախությունը մեր ժողովրդի երազանքն էր
Միջոցառում՝ նվիրված գրող, ազատամարտիկ ...

20-09-2018
Աղբահանության խնդիրը կարելի է լուծել մի քանի տարբերակով
Թե որն է ավելի արդյունավետ՝ ներկայացված ...

19-09-2018
Բացառիկ մարզական իրադարձություն Հայաստանում
Երեւանն ընդունելու է գեղասահքի աշխարհի ...
USD
EURO
RUR
GEL
Եղանակը Երևանում
գիշերը +18... +20
ցերեկը +34... +35

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO