Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

21.09.2018
ԱՌՈՂՋԱՊԱՀՈՒԹՅՈՒՆ


Պոլիկլինիկաները պետք է վերանորոգվեն

Արսեն Թորոսյանն այցելել է կենտրոնական հավաքակայան

Ցանկացած մարդ, լինի բժիշկ կամ այլ մասնագետ, եթե ներգրավված է հակաիրավական պրոցեսների մեջ, պետք է պատժվի օրենքի ամբողջ խստությամբ։ Կենտրոնական հավաքակայանում լրագրողների հետ հանդիպմանն այս մասին նշել է ՀՀ առողջապահության նախարար Արսեն Թորոսյանը՝ անդրադառնալով ԱԱԾ—ի կոռուպցիոն բացահայտումներին, որոնցում ներգրավված են պաշտոնատար անձինք, բժիշկներ, զինկոմիսարիատի աշխատակիցներ։
«Տեղյակ եմ, հուսով եմ՝ խրատ կլինի հակաօրինական պրոցեսների մեջ ներգրավված բժիշկներին եւ ոչ միայն նրանց։ Նախկինում էլ այդպիսի դեպք բացահայտվել է, բայց ինձ զայրացնում է այն, որ նույնիսկ այս փոփոխություններից հետո, երբ կատաղի պայքար է գնում նման բարքերի, գումարով բանակից ազատելու երեւույթների դեմ, էլի հայտնվում են մարդիկ՝ բժիշկներ, որոնք մտնում են այդ պրոցեսների մեջ։ Դա է հիմնականում զարմանալին։ Կոչ եմ անում որեւէ բուժաշխատողի նման պրոցեսի մեջ չներգրավվել։ Եթե նման քայլ կա, ապա պետք է պատժվի օրենքի ամբողջ խստությամբ»,–«Արմենպրեսի» հաղորդմամբ, ասել է Արսեն Թորոսյանը։
Հայաստանում ամառային զորակոչին իրականացվում է պիլոտային ծրագիր՝ կապված զինկոմիսարիատի բժշկական հանձնաժողովի հետ։ Արսեն Թորոսյանը նշել է, որ պաշտպանության նախարարության ռազմաբժշկական վարչության իր կոլեգաների հետ խոսել է զորակոչի շրջանում հանդիպող խնդիրների, դրանց լուծման ուղիների մասին։ Քննարկվել է նաեւ արդեն իրականացվող պիլոտային ծրագրի ընթացքը, որը փորձարկման է դրվել Նոր Նորքի զինկոմիսարիատում։
«Այդ ծրագիրը ենթադրում է հետեւյալը, զինկոմիսարիատի բժշկական հանձնաժողով, որպես այդպիսին, չկա։ Դրա փոխարեն այդ գործառույթները կատարում է 3 պոլիկլինիկա, փաստացի՝ զինկոմիսարիատի հանձնաժողովը տեղակայված է լինում այդ 3 պոլիկլինիկայում։ Դա դրել ենք որպես փորձ՝ հասկանալու համար, եթե լավ աշխատի, ապա տարածենք նաեւ մյուս զինկոմիսարիատների վրա։ Իհարկե, պոլիկլինիկաների անձնակազմի անփորձության պատճառով արձանագրվել են որոշ թերություններ, որոնց մի մասը տեղում արագ շտկել ենք, մի մասին էլ ընթացքում ենք անդրադառնում»,–ասել է նախարարը։
2018 թվականի ամառային զորակոչի ընթացքում ավելացած նոր զինծառայության ձեւաչափի՝ թերքաշայինների, գերքաշայինների, գիշերամիզություն եւ բարձր ու ցածր հեմոգլոբին ունեցողների ծառայության անցնելու հարցում ՀՀ առողջապահության նախարարը խնդիր չի տեսնում։
«Այն թերությունները, որոնք ի սկզբանե կային, շտկվել են։ Կարծում եմ, եթե բժշկական անձնակազմն ու փորձագետները վստահ են, որ, օրինակ, թերքաշայինների դեպքում 45 կգ—ն կարելի է իջեցնել մինչեւ 43—ի, ես դրանում խնդիր չեմ տեսնում։ Միանշանակ, իմ կարծիքը չի կարող ավելի գերակշիռ լինել, քան մասնագետինը»,–շեշտել է Արսեն Թորոսյանը։
Նախարարը հավաստիացրել է, որ նման չափանիշները միշտ են վերանայվել, վերանայվում են ու կարիք լինելու դեպքում կրկին կվերանայվեն։
Հայաստանի Հանրապետության ողջ տարածքում առկա պոլիկլինիկաներում անհրաժեշտության դեպքում կապիտալ շինարարություն կիրականացվի։
«Կան քաղաքներ, որտեղ գտնվող պոլիկլինիկաները չունեն ոչ մի խնդիր՝ սկսած շենքի հարմարություններից, սարքավորումներից եւ կադրերից, բայց կան նաեւ պոլիկլինիկաներ, որտեղ խնդիրները բազմաթիվ են։ Ողջ Հայաստանում գրեթե բոլոր պոլիկլինիկաներում եղել եմ, բացի Կոտայքի, Տավուշի եւ Արագածոտնի մարզերից»,–նշել է Թորոսյանը։
Նա ընդգծել է, որ ապագա ծրագրերում պետք է պոլիկլինիկաների կապիտալ շինարարությունն ընդգրկել։ Նախարարը դեռեւս չհստակեցրեց՝ դրանք կլինեն դոնոր կազմակերպությունների, թե պետական բյուջեի հաշվին։
Նախարարը մինչ ճեպազրույցը շրջել է բժշկական մասում՝ հիվանդասենյակներում, վիրաբույժների, ատամնաբույժի եւ այլ սենյակներով, ծանոթացել բժշկական խնդիրներին, առաջարկներին եւ վստահեցրել, որ դրանք ժամանակի ընթացքում անպայման կստանան իրենց լուծումները։

18-07-2018





20-09-2018
Գրքի փառատոն՝ Անկախության տոնին ընդառաջ
Այսօր Երեւանի կենդանաբանական այգում ընթերցասերները կենդանասերներից շատ կլինեն



20-09-2018
«Սպիտակ» ֆիլմը հրաշքի մասին է
Երկրաշարժի 30—րդ տարելիցին նվիրված ֆիլմը կբարձրանա մեծ էկրան



20-09-2018
«Սարյանը եւ Ֆրանսիան»
Ցուցահանդես վարպետի տուն–թանգարանում

Ֆրանկոֆոնիայի միջոցառումների շրջանակում Մարտիրոս Սարյանի ...


20-09-2018
Հնի ու նորի յուրօրինակ համադրություն Սարյանի պուրակում
Դաշնամուրի շնորհիվ երեւանցիները կարող են լիցքավորել հեռախոսները, օգտվել ...


20-09-2018
Հանձնել է հավատարմագրերը
Հանրապետության նախագահ Արմեն Սարգսյանին երեկ իր հավատարմագրերն է հանձնել ...


20-09-2018
Արա Բաբլոյանն ընդունել է ԵԽ մարդու իրավունքների հանձնակատարին
ՀՀ Ազգային ժողովի նախագահ Արա Բաբլոյանը երեկ ընդունել է ...


20-09-2018
Գերմանիայի հայ գործարարների միության անդամները՝ Մայր Աթոռում
Երեկ Ն.Ս.Օ.Տ.Տ. Գարեգին Երկրորդ Ծայրագույն պատրիարք եւ Ամենայն հայոց ...



20-09-2018
Ադրբեջանը ցեղասպան պետություն է
Գիտաժողով՝ նվիրված Բաքվի հայերի ջարդերի ...

20-09-2018
Անկախությունը մեր ժողովրդի երազանքն էր
Միջոցառում՝ նվիրված գրող, ազատամարտիկ ...

20-09-2018
Աղբահանության խնդիրը կարելի է լուծել մի քանի տարբերակով
Թե որն է ավելի արդյունավետ՝ ներկայացված ...

19-09-2018
Բացառիկ մարզական իրադարձություն Հայաստանում
Երեւանն ընդունելու է գեղասահքի աշխարհի ...
USD
EURO
RUR
GEL
Եղանակը Երևանում
գիշերը +18... +20
ցերեկը +34... +35

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO