Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.10.2019
ՆԵՐՔԻՆ ԿՅԱՆՔ


Որ մոդելն է նախընտրելի

Շարունակվել են ՀՀ ընտրական օրենսդրության բարեփոխումների քննարկումները

Երեկ ՀՀ ընտրական օրենսդրության բարեփոխումների նպատակով ստեղծված խորհրդարանական աշխատանքային խումբը գումարել է հերթական նիստը, որը վարել է ՀՀ ԱԺ «Ելք» խմբակցության անդամ Էդմոն Մարուքյանը, հայտնում են ՀՀ ԱԺ լրատվության եւ հանրության հետ կապերի վարչությունից։
ՀՀ ԱԺ խմբակցությունները ներկայացրել են իրենց համար առավել ընդունելի ընտրական համակարգերը։
ՀՀ ԱԺ «Ծառուկյան» խմբակցությունը հայտարարել է, որ իրենց համար ընդունելի է փակ համամասնական ընտրակարգը, սակայն, ինչպես նշել է խմբակցության անդամ Նաիրա Զոհրաբյանը, իրենք պատրաստ են քննարկելու նաեւ այլ մոդելներ։
ՀՀԿ խմբակցությունն առաջարկել էր քննարկել 4 մոդել. առաջինը ենթադրում է ունենալ բաց ցուցակներ՝ խոշորացված ընտրատարածքներով։ Երկրորդի դեպքում ընտրողն իր ձայնը տալու է տարածքային ցուցակին, սակայն կուսակցությունն է որոշելու թեկնածուների հաջորդականությունը։ Երրորդ մոդելով յուրաքանչյուր ընտրատարածքում կուսակցություններն ի սկզբանե նշանակելու են հնարավոր մեկական թեկնածուի, սակայն ընտրողը քվեարկելու է ոչ թե թեկնածուի, այլ այս կամ այն կուսակցության օգտին։ Չորրորդ տարբերակով առաջարկվում է երկու քվեաթերթիկ ունենալ՝ մեկում ներառված կլինեն առաջադրված կուսակցությունները, երկրորդում՝ քաղաքական ուժերի տարածքային թեկնածուները։
ՀՀ ԱԺ ՀՅԴ խմբակցությունը կողմ է բաց համամասնական ցուցակներով քվեարկություն անցկացնելուն, ինչը հնարավորություն կտա ընտրողին որոշելու, թե կուսակցության ներսում մանդատներն ինչպես պետք է բաշխվեն։ Այս մոդելը գործում է 31 երկրում եւ, ըստ խմբակցության ղեկավար Արմեն Ռուստամյանի՝ հնարավորություն է ընձեռում կուսակցությունների ներսում զարգացնել ժողովրդավարությունը։
Էդմոն Մարուքյանը, ներկայացնելով «Ելքի» տեսակետը, նշել է, որ իրենց խմբակցության եւ ՀՀ վարչապետին առընթեր գործող ընտրական օրենսդրության բարեփոխումների հանձնաժողովի առաջարկը նույնն է՝ անցնել 100 տոկոս համամասնական դասական ընտրակարգի։
Քննարկման ընթացքում խմբակցությունները չեկան համախոհության, եւ չընտրվեց բոլորի համար ընդունելի ընտրական մոդելը։
Մասնավորապես՝ ՀՀ ԱԺ «Ելք», ՀՅԴ եւ «Ծառուկյան» խմբակցություններն անընդունելի են համարել ՀՀԿ խմբակցության առաջարկները, իսկ ՀՀԿ խմբակցությունը մերժել է «Ելք» եւ «Ծառուկյան» խմբակցությունների առաջարկը։ ՀՀԿ խմբակցության համար, իրենց առաջարկներից հետո, նախընտրելին ՀՅԴ առաջարկն է, քանի որ այն, ի տարբերություն մյուսների՝ ունի մեկ թերություն՝ թեկնածուների ստացած ձայների հաշվարկման մեխանիզմը։
ՀՅԴ խմբակցության առաջարկի վերաբերյալ նման տեսակետ ուներ նաեւ ՀՀ ԱԺ «Ծառուկյան» խմբակցությունը։ Ըստ Նաիրա Զոհրաբյանի՝ ՀՅԴ առաջարկը ռացիոնալ է, լուծումը՝ ռիսկային։ Նա առաջարկում է գտնել այնպիսի մեխանիզմ, որը կբացառի ձայների հաշվարկման ընթացքում մարդկային գործոնը։ Խմբակցության անդամներից Սերգեյ Բագրատյանն առավել ընդունելի է համարում «Ելք» խմբակցության եւ ՀՀ կառավարության առաջարկը։
ՀՀ ԱԺ «Ելք» խմբակցության անդամների համար նախընտրելին իրենց առաջարկի ընդունումն է, սակայն քննարկելի է նաեւ ՀՅԴ առաջարկը։ Խմբակցության անդամների համար խնդրահարույց եւ մտահոգիչ է թեկնածուների ստացած ձայների հաշվարկման մեխանիզմը։
Քննարկման արդյունքում ՀՀ ԱԺ ՀՅԴ խմբակցության ղեկավար Արմեն Ռուստամյանը գործընկերներին հորդորել է ուսումնասիրել այլ երկրների փորձը եւ համոզվել, որ իրենց ներկայացրած մոդելը լավագույններից է։ Նա առաջարկել է նաեւ անցնել կիսաբաց եւ կիսափակ համամասնական ընտրակարգի։
Աշխատանքային խմբի հաջորդ նիստը տեղի կունենա հուլիսի 24—ին՝ ժամը 12։00—ին։
Նիստը կվարի ՀՀ ԱԺ ՀՅԴ խմբակցության ներկայացուցիչը։ Կհրավիրվի ՀՀ ԱԺ պատգամավոր Խոսրով Հարությունյանը. նախատեսվում է քննարկել նրա առաջարկը՝ կապված նախընտրական բանավեճերի անցկացման հետ։

21-07-2018





12-10-2019
Արցախի բարեկամները՝ Ստեփանակերտում
Պետականաշինության տեսլականը եւ արտաքին քաղաքական հրամայականները

Դավիթ ՄԻՔԱՅԵԼՅԱՆ
d.miqayelyan@hhpress.am


Ստեփանակերտում ...


12-10-2019
Պաշտպանե՛լ Սիրիան՝ հաջորդող պատերազմները կանխելու համար
Այլապես Թուրքիայի ախորժակը անհնար կլինի զսպել

Արմենուհի ՄԵԼՔՈՆՅԱՆ
a.melqonyan@hhpress.am


Մենք՝ ...


12-10-2019
Վարչապետի հանդիպումները Թուրքմենստանում
Մեկնարկել է վարչապետ Նիկոլ Փաշինյանի աշխատանքային այցը Թուրքմենստան, հայտնում ...


12-10-2019
«Պետք է կարողանանք գտնել մեր ժողովուրդների միջեւ երկխոսության, փոխադարձ զիջման, վստահության եւ հարգանքի ուղիներ»
Վարչապետը մասնակցել է ԱՊՀ մասնակից պետությունների ղեկավարների խորհրդի ...


12-10-2019
«Սեւան» ՄՀԿ
Աշտարակի մանկապատանեկան մարզադպրոցի գործունեությունը Արագածոտն մարզում

«Սեւան» գյուղական ...


12-10-2019
Արտասահմանյան երկրների, միջազգային կազմակերպությունների հետ համագործակցությունը
Արագածոտնի մարզպետարանը գործընկերային հարաբերություններ ունի տարբեր միջազգային կառույցների (ՄԱԿ, ...


12-10-2019
Պատմական ակնարկ
Արագածոտնի մարզը հիմնադրվել է 1996 թ.։ Մարզի տարածքը 2753 ...



12-10-2019
Կարեւոր է հասկանալ՝ ինչ դասեր է քաղում Ադրբեջանը
Իսկ Փաշինյանի նվերը Պուտինին ...

12-10-2019
Կենսական պահանջ եւ ոչ թե նպատակ
Շմավոն Շմավոնյանը նկարի պատմություն չի ...

12-10-2019
Յուրաքանչյուր հայ պետք է կարողանա սեփական քրտինքով սեփական հացը վաստակել
Ճանաչված բարերար ու գործարար Հրաչյա ...

12-10-2019
Հաղթեցին, բայց չտպավորեցին
Մինչեւ 21 տարեկան ֆուտբոլիստների Հայաստանի ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO