Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.10.2018
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Երկիրը հետ տանելու իրավունք չունենք

«ԵՄ–Հայաստան. աջակցություն էլեկտրոնային կառավարմանը»

Երեկ տեղի ունեցավ «ԵՄ—ն Հայաստանին. աջակցություն էլ—կառավարմանը» ծրագրի պաշտոնական բացման միջոցառումը։
Եվրոպական միության անունից ծրագրի պաշտոնական մեկնարկը տրվեց Հայաստանում ԵՄ պատվիրակության ղեկավար դեսպան Պյոտր Անտոնի Սվիտալսկիի եւ Եվրոպական հանձնաժողովի Հարեւանության եւ ընդլայնման բանակցությունների հարցերով գլխավոր տնօրինության գլխավոր տնօրենի տեղակալ Կատարինա Մաթերնովայի կողմից։ ՀՀ կառավարության անունից ողջույնի խոսքով հանդես եկավ ՀՀ փոխվարչապետ Տիգրան Ավինյանը՝ շեշտելով ծրագրի կարեւորությունը Հայաստանի տնտեսության եւ քաղաքացիների համար։
Ծրագիրը ֆինանսավորվում է Եվրոպական միության կողմից եւ նպատակ ունի նպաստելու Հայաստանում հանրային ծառայությունների արդյունավետության, որակի, մատչելիության եւ թափանցիկության բարձրացմանը։ Ծրագրի շրջանակներում իրականացվում է Հայաստանի կառավարության համար «Մեկ կանգառ, մեկ պատուհան» համակարգի ստեղծման լայնածավալ նախագիծը, որի համակարգումը ՀՀ կառավարության անունից իրականացնում է «Թվային Հայաստան» հիմնադրամը։
Միջոցառման ընթացքում խոսքով հանդես եկավ «Թվային Հայաստան» հիմնադրամի» գործադիր տնօրեն Տիգրան Ճորոխյանը՝ ներկայացնելով ՀՀ կառավարության տեսլականը՝ Հայաստանի թվային փոխակերպման վերաբերյալ, ինչպես նաեւ Հայաստանում իրականացված ծրագրերն ու դրանց արդյունքները։ Միջազգային փորձագետն ամփոփ ներկայացրեց էլեկտրոնային կառավարման ոլորտի զարգացման համաշխարհային միտումներն ու նորարար լուծումները։ Ծրագիրն իրականացնող կոնսորցիումի մաս կազմող ընկերությունների ներկայացուցիչները ներկայացրին ծրագրի էությունը, դրա իրականացման մանրամասները եւ ակնկալվող արդյունքները։
«Օրեցoր փոփոխվող աշխարհում հապաղել կամ նույնը մնալ՝ կնշանակի հետ գնալ։ Իսկ կառավարությունը երկիրը հետ տանելու իրավունք չունի։ Մեզ համար կարեւոր է կառավարման ոլորտի թվայնացումը՝ մասնավորապես ԵՄ հետ էլեկտրոնային կառավարման ծրագրի իրականացումը։ Համոզված եմ, որ նորագույն տեխնոլոգիաների կիրառումը կառավարման համակարգում կբարձրացնի կառավարման արդյունավետությունը, կխնայվի գումար, ժամանակ։ Ժամանակ Հայաստանն ու քաղաքացիները կորցրել են, եւ շարունակել նույն քաղաքականությունը՝ մեծ շռայլություն կլինի»,–նշեց Տիգրան Ավինյանը։
Փոխվարչապետն ասաց, որ պետություն—քաղաքացի հարաբերությունների բոլոր հնարավոր ոլորտներում պետք է ներդնել «մեկ պատուհան» սկզբունքը։
«Սա խնայված ժամանակի, գումարի, բարեխղճության, զրո կոռուպցիայի ծրագիր է, քաղաքացուն ծառայող կառավարության ծրագիր»,–նշեց Ավինյանը։
Վարչապետի տեղակալի խոսքով՝ միայն էլեկտրոնային կառավարումը հրաշքներ չի գործի։
«Կարելի՞ է արդյոք ունենալ լավ մաքսատուն առանց էլեկտրոնային կառավարման համակարգի։ Դա իրատեսական չէ։ Ռեֆորմներ ու ավտոմատացում՝ սրանով է կարելի բուժել համակարգը։ Կառավարությունն ունի կոռուպցիան արմատախիլ անելու քաղաքական կամք, իսկ ԵՄ—ն՝ աջակցելու ցանկություն։ Սրա համար շնորհակալ ենք»,–հավելեց Տիգրան Ավինյանը։
«Այսօր քննարկում ենք, թե ինչպես են հայ գործընկերները պատկերացնում ԵՄ աջակցությունը։ Նոր ծրագրի մեկնարկը շատ կարեւոր է, հնարավորություն է խոսել այն մասին, թե ինչպես է ԵՄ—ն նպաստում էլեկտրոնային կառավարմանը։ Մենք մի քանի միլիոն դոլար ենք ներդրել եւ պատրաստ ենք շարունակել այդ ներդրումները։ Սա Հայաստանի հետ համագործակցության փիլիսոփայությունն է։ Մեր նպատակն է դարձնել հայերի կյանքը ավելի հեշտ։ Մենք փորձում ենք բոլոր վարչական պրոցեսները հեշտացնել հայերի համար»,–ասաց Հայաստանում Եվրամիության պատվիրակության ղեկավար, դեսպան Պյոտր Սվիտալսկին։
Դեսպանի խոսքով՝ տեղեկատվական տեխնոլոգիաների զարգացման շնորհիվ Հայաստանը կարող է զարգացման մի քանի փուլեր ցատկել, դառնալ տեխնոլոգիաների հարցերում առաջատար։

21-07-2018





23-10-2018
Առանձնահատուկ հարաբերություններ, որոնք ավելի կամրապնդվեն
Վարչապետի պաշտոնակատար Նիկոլ Փաշինյանը աշխատանքային այց է ունեցել ...


23-10-2018
Տոնն անկեղծ էր ու մտերմիկ
Այսպիսին տեսա հոկտեմբերի 21—ը Երեւանի փողոցներում

Այսպես չէր ...


 
23-10-2018
Որոշիչը ընտրողի ձայնն է
ՏԻՄ ընտրությունները ընտրողի ազատ կամահայտնության դրսեւորում էին

«Եվրասիական ...


23-10-2018
ՏԻՄ ընտրությունների նախնական արդյունքները հայտնի են
Կիրակի օրը տեղական ինքնակառավարման մարմինների (ՏԻՄ) ընտրություններ անցկացվեցին Արագածոտնի, ...


23-10-2018
Բարեփոխումների փաթեթը չընդունվեց
Սակայն դեկտեմբերին արտահերթ ընտրությունները կկայանան

«Ֆեյսբուք» սոցիալական ցանցի ...


23-10-2018
ԵԱՏՄ ինտեգրացիոն ներուժը մեծ է
Նիկոլ Փաշինյանը մասնակցել է «Եվրասիական շաբաթ» համաժողովի բացմանը



23-10-2018
Ակնկալում են նոր պայմանագրեր
Երեւանում ընթացող «Եվրասիական շաբաթ» միջազգային ցուցահանդեսային համաժողովին, որն արդեն ...



23-10-2018
Շուշին եւ Սենտ Էտիենը եւս բարեկամացան
Ֆրանսիայի եւ Արցախի քույր քաղաքների թիվը ...

23-10-2018
Ռուդոլֆ Ջուլիանին այցելեց Ծիծեռնակաբերդ
Դոնալդ Թրամփի անձնական իրավաբան, Նյու Յորքի նախկին ...

23-10-2018
Երեւանը շուքով նշեց հիմնադրման 2800—ամյակը
Տոնական միջոցառումներն ամփոփվել են ...

23-10-2018
Նռան փառատոն Մարտունի քաղաքում
Արցախում փառաբանվել է մրգերի ...
USD
EURO
RUR
GEL
Եղանակը Երևանում
գիշերը +7... +9
ցերեկը +21... +23

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO