Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.11.2018
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Հնարավոր է Փաշինյան–Թրամփ հանդիպումը

Առաջին փոխվարչապետն անդրադարձել է ամերիկյան այցի արդյունքներին

ՀՀ առաջին փոխվարչապետ Արարատ Միրզոյանը երեկ «Ֆեյսբուք» սոցիալական կայքում տեսաուղերձի միջոցով անդրադարձել է ՀՀ վարչապետ Նիկոլ Փաշինյանի եւ ԱՄՆ նախագահ Դոնալդ Թրամփի հնարավոր հանդիպմանը։
«Առաջիկայում նախատեսվող այցի շրջանակներում վարչապետ Փաշինյանը սեպտեմբերին պետք է մեկնի ՄԱԿ—ի գլխավոր ասամբլեային մասնակցելու, եւ ահա այցի շրջանակներում կոնգրեսականները նպատակահարմար են գտնում կազմակերպել Փաշինյան—Թրամփ հանդիպումը, ինչի մասին կոնգրեսում ստորագրահավաք են սկսել եւ նամակ են հղում նախագահ Թրամփին։ Հարցը բարձրացվեց կոնգրեսականների կողմից, եւ մենք հավաստեցինք, որ քննարկվում է, հնարավոր է հանդիպումը»,–նշեց առաջին փոխվարչապետը։
Նա անդրադարձել է նաեւ «Հազարամյակի մարտահրավերներ» ծրագրից Հայաստանի դուրս մնալու հանգամանքներին։ «Մեր այցից բավական ժամանակ առաջ Համաշխարհային բանկը փոխել է Հայաստանի ռեյթինգը ցածր միջին եկամուտներ ունեցող երկրից բարձր միջինի, իսկ «Հազարամյակի մարտահրավերներ» ծրագրի չափանիշներով կարող են հնարավոր գործընկեր համարվել այն պետությունները, որոնք բավարարում են մի շարք չափանիշների, այդ թվում եւ՝ չեն հասել բարձր միջինի։ Դասակարգման փոփոխության հետեւանքով մեխանիկորեն Հայաստանը դարձել է այս ծրագրին չհամապատասխանող երկիր, որը զարմանք է առաջացրել նաեւ հենց «Հազարամյակի մարտահրավերների» գրասենյակում։ Հիմա ԱՄՆ որոշ պաշտոնյաներ նույնպես չգիտեն՝ ինչպես վարվել ստեղծված իրավիճակում»,–նշել է Միրզոյանը։
«Արմենպրեսի» փոխանցմամբ՝ փոխվարչապետի խոսքով՝ այժմ հարկավոր է մտածել նոր մեխանիզմ, որով Միացյալ Նահանգները կկարողանա իր աջակցությունը ցուցաբերել Հայաստանի ժողովրդավարությանը։
Առաջին փոխվարչապետ Արարատ Միրզոյանը խոսեց նաեւ ԱՄՆ կատարած այցի նպատակների մասին։ «Առաջնահերթ նպատակը «Կայուն զարգացման հարցերով բարձրաստիճան քաղաքական ֆորումին» մասնակցությունն էր եւ Հայաստանի ազգային կամավոր զեկույցի ներկայացումը։ Այդ միջոցառման շրջանակում նաեւ նախատեսված էին երկու հարակից միջոցառումներ, որոնք Հայաստանը հանձն էր առել իրականացնել»,–նշել է առաջին փոխվաչապետը։
Հայկական պատվիրակությունը հանդիպումներ է ունեցել նաեւ ԱՄՆ տարբեր բարձրաստիճան պաշտոնյաների հետ, որոնց ընթացքում քննարկվել են երկու երկրների հարաբերությունները։
«Հանդիպումներ ունեցանք UNDP—ի ղեկավարի հետ, հանդիպումներ ունեցանք «Հայաստանի մանուկներ» հիմնադրամի հիմնադիր—տնօրեն Գարո Արմենի հետ, ՀԲԸՄ կազմակերպած միջոցառմանը ներկա եղանք, հանդիպումներ ունեցանք ՀԲԸՄ ներկայացուցիչների հետ։ Այնուհետեւ Վաշինգտոնում տեղի ունեցան մի շարք երկկողմ հանդիպումներ բավական ազդեցիկ կոնգրեսականների ու սենատորների հետ, ԱՄՆ պետքարտուղարի տեղակալ Վես Միտչելի հետ, այլ պաշտոնատար անձանց հետ, եւ այդ հանդիպումների ընթացքում ներկայացրեցինք Հայաստանի նոր քաղաքական առաջնորդությունը, ներկայացրեցինք Հայաստանում վերջին զարգացումները, հեղափոխությունը, այն արժեքները, որոնք ընկած են հեղափոխության հիմքում, եւ, այսպես ասած, միով բանիվ ամերիկյան վարչակազմին ներկայացրեցինք նոր իրավիճակը Հայաստանում։ Նաեւ շատ լուրջ քննարկումներ ենք ունեցել Հայաստանի եւ ԱՄՆ միջեւ հարաբերությունների խորացման վերաբերյալ, մասնավորապես, ԱՄՆ—ի կողմից Հայաստանին ցույց տրվող աջակցությունը քննարկվեց, առեւտրային կապերի խորացումը, ուղղակի ներդրումների մեծացման հնարավորությունը եւ Հայաստանի համար շահավետ այլ հարցեր»,–նշեց Միրզոյանը։
Նրա խոսքով՝ վարչապետի աշխատակազմի համար ԱՄՆ կատարած այցը արժեցել է 4.5 մլն դրամ, սակայն պատվիրակության կազմում եղել են նաեւ տարբեր նախարարությունների ներկայացուցիչներ, որոնց ծախսերը կատարվել են տվյալ նախարարությունների բյուջեներից։ Պատվիրակության հետ ԱՄՆ—ում է եղել նաեւ Հայաստանի հանրային հեռուստաընկերության ներկայացուցիչը, ում ուղեւորության ծախսերը հոգացել է հեռուստաընկերությունը։

25-07-2018





15-11-2018
Լավագույն ընտրությունների ակնկալիքով
Կառավարության ղեկավարի վստահեցմամբ՝ կլինի աննախադեպ ընտրական գործընթաց

Երեկ ...


15-11-2018
Առաջնայինը հասարակության վստահությունն է
Միջազգային հանրությունն աջակցում է ՀՀ ժողովրդավարական ընտրական գործընթացներին



15-11-2018
Համայնքների խոշորացումն անհրաժեշտություն է
Առկախված գործընթացը կվերսկսվի 2019 թվականին

Հայաստանում համայնքների խոշորացման ...


15-11-2018
Նոր շուկաներ դուրս գալու եւս մեկ հիանալի հնարավորություն
Հայկական 10 ընկերություն մասնակցում է «ProWine China 2018» ...


15-11-2018
Քանդակների վարպետը
Արշամ Շահինյանը երկխոսում էր հայ մշակույթի երախտավորների հետ



15-11-2018
Հանրային շահը՝ գերակա
Շարունակվել է պետբյուջեի մասին օրենքի նախագծի քննարկումը

Երեկ ...


15-11-2018
Ի նպաստ ազգային միասնության զորացման
Նիկոլ Փաշինյանը հանդիպել է Ն.Ս.Օ.Տ.Տ. Գարեգին Բ Ծայրագույն ...



15-11-2018
Վարչական ռեսուրսի կիրառումը կբացառվի
Իսկ Նիկոլ Փաշինյանը կլինի «Իմ քայլի» ...

15-11-2018
Ծանրորդները անցնող տարում նվաճել են 73 մեդալ
Գլխավոր մարզիչն ամփոփեց 2018 թվականը եւ ...

15-11-2018
Աննա Հակոբյանը հանդիպել է Միխայիլ Շվիդկոյի հետ
ՀՀ վարչապետի պաշտոնակատարի տիկին Աննա Հակոբյանն իր ...
USD
EURO
RUR
GEL
Եղանակը Երևանում
գիշերը +2... +4
ցերեկը +13... +15

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO