Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.09.2018
ԱՇԽԱՐՀ


Իրաքը նոր ճգնաժամի շեմի՞ն

2018թ. մայիսի 12—ին Իրաքում տեղի ունեցան հետդաիշական առաջին եւ հետսադամյան խորհրդարանի 4—րդ գումարման ընտրությունները, որոնք թե արդյունքների առումով եւ թե մասնակցության՝ անակնկալներ արձանագրեցին։ Ընտրություններին ընտրելու իրավունք ունեցող 24 միլիոնից մասնակցել է ընդամենը 44,5 տոկոսը, ինչը փորձագետները բացատրում են որպես երկրում տիրող իրավիճակից դժգոհության նշան։ Ինչ վերաբերում է արդյունքներին, որոնք բավական ուշացումով հայտարարվեցին, անակնկալը շիա ազդեցիկ հոգեւորական Մոքթադա Սադրի ջանքերով ու հովանավորությամբ կոմունիստական, ինչպես նաեւ ազատական, ժողովրդավարական մի քանի այլ կուսակցությունների մասնակցությամբ ձեւավորած «Սաերուն» (Դեպի բարեփոխումեր գնացող) կոալիցայի 54 ձայնով հաղթանակը՝ առաջին տեղն զբաղեցնելն էր։
Նկատի ունենալով ընտրություների արդյունքները՝ ձայների բաշխվածությունը, ինչպես արդեն նշել էինք, կառավարության ձեւավորումը դժվար կլինի, եւ փաստորեն առ այսօր տարբեր կուսակցությունների ու կոալիցիաների միջեւ բանակցությունները՝ մեծամասնության կոալիցիա կազմելու շուրջ, շոշափելի արդյունք չեն արձանագրել։ Փորձագետներից ոմանց կարծիքով Իրաքում առկա խնդիրները լուծելու ճիշտ ուղին բանիմաց տեխնոկրատներից կազմված կառավարության ձեւավորումն է, ինչի շուրջ քաղաքական ուժերը պետք է կոնսենսուսի հանգեն։
Կառավարության գործունեությունից եւ սոցիալ—տնտեսական ծանր վիճակից դժգոհ բնակչությունը բողոքի ցույցեր սկսեց երկրի հարավային նահանգներում, որոնք տարածվեցին նաեւ այլ քաղաքներում, այդ թվում՝ Բաղդադում։ Ցույցերը ճնշելու նպատակով կառավարական ուժերը խիստ միջոցներ են կիրառել, ինչի հետեւանքով կան զոհեր։ Ցույցերի մասնակիցների գլխավոր պահանջներն էին էլեկտրաէներգիայի, ջրի ծառայությունների եւ կենցաղային ծանր վիճակի բարելավումը եւ աշխատատեղերի ստեղծումը։ Հուլիսի 8—ին առաջին խաղաղ ցուցարարի զոհվելը լուրջ թափ հաղորդեց ցույցերին, ինչը խիստ մտահոգություն առաջացրեց քաղաքական ուժերի շրջանակներում, որոնք կառավարությանը հորդորեցին օր առաջ բավարարել ցուցարարների պահանջները։ Թեեւ կառավարությունը 3 միլիարդ դոլար է հատկացրել Բասրայի նահանգին, բայց դա չի գոհացրել ցուցարարներին։ Ավելին, ինչպես սովորաբար տեղի է ունենում, ցուցարարները ներկայացրել են նաեւ քաղաքական պահանջներ, այդ թվում՝ տեղական ղեկավարների, ինչպես, օրինակ, Ալ Նասերիայի քաղաքապետի ու որոշ նահանգապետերի հրաժարականը։ Ցուցարարների քայլերթերը դեպի այդ ղեկավարների նստավայր անվտանգության ուժերը դաժանորեն ճնշել են, ինչն արժանացել է իրավապաշտպանների խիստ քննադատությանը։ Իրաքի մարդու իրավունքների կոմիսարիատը հայտնել է, որ առ այսօր զոհվել է 13 մարդ, 729—ը՝ վիրավորվել, ընդ որում՝ 460—ը անվտանգության ուժերից։ Ավելի քան 750 մարդ ձերբակալվել է, որոնք հետագայում հերթով ազատ են արձակվել։ Վնասվել են շուրջ 91 պետական եւ մասնավոր շենքեր։ Վարչապետ Ալ Աբադին, խաղաղ ցույցերը քաղաքացիների իրավունքը համարելով, «ծախվածներին» մեղադրել է բողոքի ցույցերն ի շահ իրենց նպատակների օգտագործելու համար։ Ինչ վերաբերում է ցույցերի դրդապատճառներին, ապա իշխանությունների ոչ արդյունավետ գործելակերպից զատ, դրանք են՝ քաղաքական ուժերի միջեւ առկա պայքարը, ինչպես նաեւ գերտերությունների շահերի բախումը հանուն այդ երկրում իրենց ազդեցության մեծացման։
Թեեւ ցուցարարներն օրեր առաջ համաձայնել էին դադարեցնել ցույցերը, սակայն երեկ Բասրայում կրկին նոր թափով վերսկսվել են, որոնց շրջանակներում նավթահանքերի ավելի քան հազար աշխատող գործադուլ է սկսել։ Ցուցարարները հայտարարել են, որ մինչեւ գործազրկության հարցի վերջնական լուծումը գործադուլն ու ցույցերը շարունակվելու են։ Այլ կերպ ասած՝ նոր Իրաքը կրկին ընկղմվում է անորոշության գիրկը, ինչը հղի է լուրջ վտանգներով. դա են վկայում վերջին ահաբեկչական գործողությունները Բաղդադում եւ այլուր։

Էմմա ԲԵԳԻՋԱՆՅԱՆ

28-07-2018





20-09-2018
Գրքի փառատոն՝ Անկախության տոնին ընդառաջ
Այսօր Երեւանի կենդանաբանական այգում ընթերցասերները կենդանասերներից շատ կլինեն



20-09-2018
«Սպիտակ» ֆիլմը հրաշքի մասին է
Երկրաշարժի 30—րդ տարելիցին նվիրված ֆիլմը կբարձրանա մեծ էկրան



20-09-2018
«Սարյանը եւ Ֆրանսիան»
Ցուցահանդես վարպետի տուն–թանգարանում

Ֆրանկոֆոնիայի միջոցառումների շրջանակում Մարտիրոս Սարյանի ...


20-09-2018
Հնի ու նորի յուրօրինակ համադրություն Սարյանի պուրակում
Դաշնամուրի շնորհիվ երեւանցիները կարող են լիցքավորել հեռախոսները, օգտվել ...


20-09-2018
Հանձնել է հավատարմագրերը
Հանրապետության նախագահ Արմեն Սարգսյանին երեկ իր հավատարմագրերն է հանձնել ...


20-09-2018
Արա Բաբլոյանն ընդունել է ԵԽ մարդու իրավունքների հանձնակատարին
ՀՀ Ազգային ժողովի նախագահ Արա Բաբլոյանը երեկ ընդունել է ...


20-09-2018
Գերմանիայի հայ գործարարների միության անդամները՝ Մայր Աթոռում
Երեկ Ն.Ս.Օ.Տ.Տ. Գարեգին Երկրորդ Ծայրագույն պատրիարք եւ Ամենայն հայոց ...



20-09-2018
Ադրբեջանը ցեղասպան պետություն է
Գիտաժողով՝ նվիրված Բաքվի հայերի ջարդերի ...

20-09-2018
Անկախությունը մեր ժողովրդի երազանքն էր
Միջոցառում՝ նվիրված գրող, ազատամարտիկ ...

20-09-2018
Աղբահանության խնդիրը կարելի է լուծել մի քանի տարբերակով
Թե որն է ավելի արդյունավետ՝ ներկայացված ...

19-09-2018
Բացառիկ մարզական իրադարձություն Հայաստանում
Երեւանն ընդունելու է գեղասահքի աշխարհի ...
USD
EURO
RUR
GEL
Եղանակը Երևանում
գիշերը +18... +20
ցերեկը +34... +35

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO