Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.09.2018
ԶԱՆԱԶԱՆ


Առանց ընկերության կյանքը ոչինչ է

Դիտարկումներ ընկերության միջազգային օրվա՝ հուլիսի 30—ի առիթով

«Մի երիտասարդ որոշեց ամուսնանալ։ Մեկ շաբաթ վազվզում էր՝ պատրաստվելով հարսանիքին։ Մի երեկո նա դիմեց հորը.
—Հայրիկ, ես մի խնդրանք ունեմ քեզ։ Չեմ հասցնում ամեն ինչ մենակ անել, դրա համար ահա քեզ ընկերներիս ցուցակը։ Զանգահարիր նրանց եւ հրավիրիր իմ հարսանիքին։
—Շատ լավ, տղաս,–համաձայնեց հայրը։
Հարսանիքի օրը տղան մոտեցավ հորը եւ զայրույթը զսպելով՝ դիմեց նրան.
—Հայրիկ, չէ՞ որ խնդրեցի զանգահարել իմ բոլոր ընկերներին։
—Ես այդպես էլ արեցի։
—Բայց ցուցակում հիսուն մարդ կար, իսկ ես այստեղ տեսնում եմ նրանցից միայն մեկին։
—Տղա՛ս, ես զանգահարեցի բոլորին, բոլոր հիսունին։ Նրանցից յուրաքանչյուրին ասացի, որ զանգում եմ քո խնդրանքով, որ դու հիմա պրոբլեմներ ունես, եւ քեզ պետք է ընկերներիդ օգնությունը։ Խնդրեցի նրանց բոլորին՝ գալ այս վայրը, այս օրը, այս ժամին։ Այնպես որ, մի՛ վշտացիր, տղաս։ Բոլոր քո ընկերները հիմա այստեղ են…»։
Սա ընկերության մասին, թերեւս, ամենաիմաստուն առակներից մեկն է։ Ընկեր բառը բոլորի շուրթերին է, սակայն, դժբախտաբար, ճշմարիտ ընկերությունը հազվադեպ է։ Այսօր առավել եւս, երբ ավելի շատ են անհավատարիմ ընկերները, ովքեր, իմաստունի խոսքերով ասած, արեւային ժամացույցներ են, որոնք օգտակար են միայն այնքան ժամանակ, քանի դեռ լուսավորում է արեւը։ Որքան էլ անցանկալի լինի, չենք կարող, այնուհանդերձ, չընդունել, որ շատ հաճախ ընկերություն փնտրում են միայն այնտեղ, որտեղ այն օգուտ կամ շահ է խոստանում։
Ուստիեւ, եթե բախտն, ասենք, առանձնապես բարեհաճ է մարդու նկատմամբ եւ ուզում է շնորհել նրան աշխարհում մեծագույն երջանկությունը, ապա նրան հավատարիմ ընկերներ է տալիս։ Դա, իրոք, մեծագույն բախտավորություն է, քանզի ընկերությունը, իր իմաստով, կյանքի գեղեցկագույն մարգարիտն է։
Ընդսմին, հետաքրքիր է իմանալ, թե որքան ընկեր պետք է ունենա մարդը երջանիկ ու հաջողակ լինելու համար։ Մասնագետները գտնում են, որ եթե ցանկանում ես երջանիկ լինել, ապա պետք է լավ շփվես ընդամենը հինգ հոգու հետ։ Նման եզրակացության են հանգել ԱՄՆ—ի հոգեբանները։ Հարցումը ցույց է տվել, որ մարդը հինգ կամ ավելի ընկեր ունենալու դեպքում իրեն առավել երջանիկ կզգա։ Իսկ եթե նրանց խոսք ու զրույցը կյանքի խնդիրների շուրջ է, ապա 60 տոկոսով ավելի ուրախ ու երջանիկ կլինեն։
Հոգեբանները պնդում են, որ ընկերները կյանքն ավելի լավն են դարձնում, քանզի միայնակ մարդու մոտ ընկճախտ է սկսվում։ Երբ մարդը շփվում է, աջակցություն է ստանում, իրեն ավելի լավ է զգում եւ զարգանալու ցանկությամբ համակվում։ Իսկ դա նշանակում է, որ որքան մարդն ավելի շատ ընկերներ ունի, այնքան ավելի լավ վիճակում է…
Ընկերություն անելը եւ լավ ընկեր գտնելն իրականում այնքան էլ հեշտ չեն, միայն կյանքի թոհուբոհում թրծված եւ այդ ամենից ամրացած ընկերությունն է իսկականը։ Այս առումով հայ ազգն, իրոք, բացառիկ է, մեր ազգը միշտ էլ աչքի է ընկել իր ընկերասիրությամբ՝ ընկերն ընտանիքի անդամ է համարվել, ընկերությունը սրբացվել։ Ուրախալի է, որ այսօր էլ այս մոտեցումը հիմնականում պահպանվում է, քանի որ ընկերասիրությունը խոսում է մարդու, այս դեպքում՝ ազգի բարոյական որակների եւ մարդկային բարձր հատկանիշների մասին։
Գնահատե՛նք եւ պահպանե՛նք ընկերությունը, ինչպես հայտնի աֆորիզմն է ասում. «Նա, ով ունի հավատարիմ ընկեր, կարող է հաշվել, որ ինքն արդեն երկու հոգի է»։
Ընկերության միջազգային օրվա առթիվ մեր այս հրապարակման ավարտին եւս մի իմաստասիրական զրույց—մեջբերում. «Արաբական մի գեղեցիկ լեգենդում պատմվում է, որ երկու ընկեր ճամփորդում էին անապատով եւ ճանապարհի մի կետում սկսում են վիճել։ Ընկերներից մեկը, մյուսից նեղացած, գրում է ավազին. «Այսօր իմ լավագույն ընկերը ապտակել է դեմքիս»։ Շարունակում են ճանապարհը եւ հասնում են մի օազիսի, որտեղ որոշում են լողանալ։ Այն ընկերը, ում ապտակել եւ վիրավորել էր մյուսը, սկսում է խեղդվել։ Նրան փրկում է ընկերը։ Ուշքի գալով, նա դանակի շեղբով փորագրում է քարին. «Այսօր իմ լավագույն ընկերը փրկել է կյանքս»։ Մյուս ընկերը հետաքրքրված հարցնում է.
—Ինչո՞ւ երբ քեզ վիրավորեցի, դու գրեցիր ավազի վրա, իսկ հիմա գրում ես քարին։
Ընկերը ժպտալով պատասխանում է.
—Երբ լավ ընկերը վիրավորում է, այդ մասին պետք է ավազին գրել, որպեսզի մոռացության քամին ջնջի ու մաքրի այն, իսկ երբ լավություն է անում, պետք է փորագրել քարի վրա՝ հիշողության սրտում, որտեղ ոչ մի քամի չի կարող ջնջել այն»։
Պատրաստեց
Վաչագան ՍԱՐԳՍՅԱՆԸ

28-07-2018





20-09-2018
Գրքի փառատոն՝ Անկախության տոնին ընդառաջ
Այսօր Երեւանի կենդանաբանական այգում ընթերցասերները կենդանասերներից շատ կլինեն



20-09-2018
«Սպիտակ» ֆիլմը հրաշքի մասին է
Երկրաշարժի 30—րդ տարելիցին նվիրված ֆիլմը կբարձրանա մեծ էկրան



20-09-2018
«Սարյանը եւ Ֆրանսիան»
Ցուցահանդես վարպետի տուն–թանգարանում

Ֆրանկոֆոնիայի միջոցառումների շրջանակում Մարտիրոս Սարյանի ...


20-09-2018
Հնի ու նորի յուրօրինակ համադրություն Սարյանի պուրակում
Դաշնամուրի շնորհիվ երեւանցիները կարող են լիցքավորել հեռախոսները, օգտվել ...


20-09-2018
Հանձնել է հավատարմագրերը
Հանրապետության նախագահ Արմեն Սարգսյանին երեկ իր հավատարմագրերն է հանձնել ...


20-09-2018
Արա Բաբլոյանն ընդունել է ԵԽ մարդու իրավունքների հանձնակատարին
ՀՀ Ազգային ժողովի նախագահ Արա Բաբլոյանը երեկ ընդունել է ...


20-09-2018
Գերմանիայի հայ գործարարների միության անդամները՝ Մայր Աթոռում
Երեկ Ն.Ս.Օ.Տ.Տ. Գարեգին Երկրորդ Ծայրագույն պատրիարք եւ Ամենայն հայոց ...



20-09-2018
Ադրբեջանը ցեղասպան պետություն է
Գիտաժողով՝ նվիրված Բաքվի հայերի ջարդերի ...

20-09-2018
Անկախությունը մեր ժողովրդի երազանքն էր
Միջոցառում՝ նվիրված գրող, ազատամարտիկ ...

20-09-2018
Աղբահանության խնդիրը կարելի է լուծել մի քանի տարբերակով
Թե որն է ավելի արդյունավետ՝ ներկայացված ...

19-09-2018
Բացառիկ մարզական իրադարձություն Հայաստանում
Երեւանն ընդունելու է գեղասահքի աշխարհի ...
USD
EURO
RUR
GEL
Եղանակը Երևանում
գիշերը +18... +20
ցերեկը +34... +35

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO