Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

25.04.2019
ՄՇԱԿՈՒՅԹ


«Խաղացողը»

Նոր գիրք Քըրք Քըրքորյանի մասին

Քըրք Քըրքորյանի մասին պատմող գիրքը մի քանի օրից հասանելի կլինի ընթերցողներին նաեւ հայերեն թարգմանությամբ։
«Խաղացողը. թե ինչպես անփող, թերուս Քըրք Քըրքորյանը դարձավ կապիտալիստական պատմության խոշորագույն գործարարը» անգլերեն գիրքը լույս է տեսել 2018 թ. հունվարի 23—ին։ Հեղինակը՝ «The Los Angeles Times» թերթի հետաքննող լրագրող Ուիլյամ Ռեմփելն է։ ԱՄՆ—ում լույս տեսած գիրքն արդեն իսկ բեսթսելեր է դարձել։ Փաստագրական այս գրքում բոլոր մեջբերումներն ու նկարագրական տեսարանները հիմնված են ականատեսների հուշերի կամ նախկինում հրատարակված պատմությունների վրա։
Հեղինակին հաջողել է յուրահատուկ, ուշագրավ եւ հետաքրքիր ոճով ներկայացնել փաստագրական նյութը։ Գրքում ներկայացված է Քըրք Քըրքորյանի կյանքի պատմությունը։ Սկզբում նա մի տղա էր, ով ոտաբոբիկ վազվզում էր Կալիֆորնիայի Սան Խոակին հովտի բերքառատ ու փափուկ հողի վրայով, մինչեւ ընտանեկան ֆինանսական քաոսը նրան քաղաքի տղա դարձրեց, որն ստիպված էր պայքարել Լոս Անջելեսի կեղտոտ մայթերին իր տեղը գտնելու համար։ Նա պինդ տղա էր, որ լաց էր լինում հուղարկավորությունների ժամանակ, համեստ մարդ, որ գաղտնի հպարտանում էր իր ձեռքբերումներով, բիզնես հանճար, որ արհամարհում էր MBA—ի խորհրդատուներին, համարձակ օդաչու եւ կինոմագնատ, մոլի խաղացող խաղատներում եւ Ուոլ սթրիթում, որը մի գերբնական հմտությամբ նվազագույն ռիսկերով, ամենահավանական ելքի վրա էր խաղագումարը դնում։
Գրքի հայերեն տարբերակը լույս է ընծայել «Էդիթ Պրինտ» հրատարակչությունը։ Թարգմանչուհի Ալինա Միրզոյանը արդեն շուրջ վեց տարի է՝ համագործակցում է հրատարակչության հետ՝ թարգմանել է 18 ստեղծագործություն, սակայն նա նշում է, որ այս գիրքը առանձնահատուկ է թե՛ իր ոճական շարադրանքի, թե՛ «Ամերիկյան երազանքը» ի կատար ածած մեր հայրենակցի մասին ուշագրավ փաստագրական տեղեկությունների շնորհիվ։
Թարգմանչուհին խոստովանում է, որ որոշակի բարդություն էր ներկայացնում ֆինանսական եւ այլ մասնագիտական հատվածների թարգմանությունը, ինչը, սակայն, հնարավորություն է ընձեռել այդ ոլորտում ուսումնասիրություններ կատարելու եւ ավելի շատ բան սովորելու համար։
«Խաղացողը» գրքի թարգմանական աշխատանքներին մասնակցել է նաեւ Աննա Միրզոյանը։ «Աշխատանքը կատարվել է տեքստը երկու մասի բաժանելով, սակայն շարունակ պահպանելով համագործակցությունն ու համաձայնեցումը նյութի թարգմանության ամբողջ ընթացքում, ապա միասին վերանայելով ու մանրամասն քննարկելով ստեղծագործության յուրաքանչյուր հատվածը»,–պատմում է Միրզոյանը։
Մեզ հետ զրույցում հրատարակչության մարքեթինգի տնօրեն Շավարշ Կարապետյանը նշեց, որ գիրքը հայերեն թարգմանելը անհրաժեշտ էր. «Քըրքորյանը ֆանտաստիկ կերպար է։ Նրա նման հզոր հայերի կարելի է մատների վրա հաշվել։ Պարզապես իր պատմությունը քչերը գիտեն։ Գրքի հայերեն տարբերակը հնարավորություն է ընձեռում հայ ընթերցողներին խորապես ճանաչելու մեր Ազգային հերոսներից մեկին»։
«Էդիթ Պրինտը» նախատեսում է իրականացնել «Քըրք» արշավ, որը մեկնարկելու է օգոստոսի 4—ին, Գյումրիից՝ Քըրք Քըրքորյանի արձանի հարակից տարածքից։ «Քըրք» արշավի մեկնարկը կտրվի հենց այնտեղ եւ հենց «Խաղացողը» գրքի առաջին շնորհանդեսով։ «Այս անգամ որոշեցինք առաջնահերթությունը տալ մարզերին, քանի որ շնորհանդեսները սովորաբար մայրաքաղաքում են լինում։ Գիրքը կներկայացնենք նաեւ այլ մարզերում։ Արշավը կեզրափակենք Երեւանում՝ կազմակերպելով գրքի երեւանյան շնորհանդեսը»,– ասաց Շավարշ Կարապետյանը։
Նա տեղեկացրեց նաեւ, որ հրատաչակչությունում սկսվել են գրքի ռուսերեն թարգմանության աշխատանքները։
Միլենա ՄԿՐՏՉՅԱՆ

28-07-2018





24-04-2019
Երկաթե «մետաքսի ճանապարհ»
Տնտեսակա՞ն, թե՞ աշխարհաքաղաքական ուղի

Իրան-Հայաստան երկաթուղու կառուցման հարցը ...


24-04-2019
Քարանձավի բնակիչները
Խնձորեսկում պատրաստվում են զբոսաշրջային սեզոնին

«Քարանձավային մարդ» արտահայտությունը, ...


24-04-2019
Դեղ գնել դեղատոմսո՞վ, թե՞ առանց դրա
Որն է սպառողի համար շահավետն ու նախընտրելին

Շուրջ ...


 
24-04-2019
Սարգսյանի երկրորդ մեդալը
Ջրացատկորդ Լեւ Սարգսյանը եւս մեկ մեդալ է նվաճել Կիեւում ...


 
24-04-2019
Մխիթարյանը հնարավոր է՝ հեռանա
Բրիտանական մամուլի հաղորդմամբ, Լոնդոնի «Արսենալն» այս ամառ կփորձի բաժանվել ...


24-04-2019
Ցեղասպանության անժամկետ խարանը
Թուրքիան վաղ թե ուշ ճանաչելու է Հայոց ցեղասպանությունը




24-04-2019
Վախճանվել է «Հայաստանի Հանրապետություն» օրաթերթի գլխավոր խմբագիր Տիգրան Ֆարմանյանը
Երկարատեւ ծանր հիվանդությունից հետո ...

24-04-2019
Միջազգային ճնշումը մեծացնելու պատեհ պահն է
Թուրքիայի մերժողական վերաբերմունքի մեջ ...

 
24-04-2019
Միայն պարտություններ
Թենիսի Հայաստանի կանանց հավաքականը միայն ...

24-04-2019
Կրքեր սեւ-սպիտակ խաղատախտակին
Ապրիլյան այս օրերը հագեցած են մեր շախմատիստների ...
USD
EURO
RUR
GEL
Եղանակը Երևանում
գիշերը +4... +6
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO