Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.01.2019
ԱՌՈՂՋԱՊԱՀՈՒԹՅՈՒՆ


Անհրաժեշտ է վերահսկում եւ կանխարգելում

Հայաստանը դասվում է հեպատիտ Բ—ի եւ հեպատիտ Ց—ի առումով միջին տարածվածության երկրների շարքին

Հայաստանի Հանրապետությունում մոտ 40—50 հազար հեպատիտ Բ—ով եւ մոտ 70 հազար հեպատիտ Ց—ով վարակված հիվանդ կա։
«Արմենպրեսի» հաղորդմամբ՝ այս մասին fռողջապահության նախարարությունում լրագրողների հետ հանդիպմանն ասաց ՀՀ ԱՆ գլխավոր հեպատոլոգ Հասմիկ Ղազինյանը։ Նրա խոսքով՝ վարակվածների միայն 10 տոկոսն է իրազեկված իր հիվանդության մասին։
«Հեպատիտ Բ—ն համարվում է կառավարելի, հեպատիտ Ց—ն բուժելի հիվանդություն»,– ասաց Ղազինյանը՝ հորդորելով բնակչությանը զգուշանալ ոչ ապահով բժշկական միջամտություններից, ներառյալ կասկածելի գեղեցկության սրահներ այցելելուց։ «Ներերակային թմրամիջոցների օգտագործումը եւս կարող է հեպատիտի պատճառ դառնալ, ինչպես նաեւ հիվանդությունը փոխանցվում է սեռական ճանապարհով, որը հեպատիտ Բ—ի համար ավելի շատ է գործում, քան հեպատիտ Ց—ի համար»,–ասաց գլխավոր հեպատոլոգը՝ հավելելով, որ հիվանդության բարձր տարածվածության երկրներում կա, այսպես կոչված, վերտիկալ՝ վարակված մորից երեխային անցնելու ճանապարհը։
«Մեզ մոտ այդ ճանապարհը զրոյացված է շնորհիվ վակցինացիայի։ Վակցինացիան մեզ մոտ մեծ արդյունավետություն ունի։ Հայաստանում հեպատիտով հիվանդ 7—10 երեխա կա, որոնց մեծամասնությունը պատվաստված չէ»,–ընդգծեց նա։
Հեպատիտ Բ—ն, ըստ մասնագետի, հետաքրքիր կլինիկական ձեւեր ունի՝ սկսած առողջ վիրուսակրությունից մինչեւ լյարդի ցիռոզի ու առաջնային քաղցկեղի առաջացումը։ «Հայաստանում 90 տոկոսից ավելի հիվանդների մոտ սոսկ վիրուսակրություն է, այսպիսի հիվանդները բուժում չեն պահանջում, դրանք պահանջում են ընդամենը դիսպանսերիզացիա տարին մեկ—երկու անգամ։ Որոշ դեպքերում հեպատիտ Բ—ն կարող է ինքնուրույն անցնել, սակայն դրանով վարակվածները շարունակում են համարվել վիրուսակիր, եւ ամեն դեպքում, եթե ընտանիքի անդամներից մեկը հիվանդ է, ընտանիքի անդամները պետք է պատվաստվեն»,–հավելեց Ղազինյանը։
ՀՀ ԱՆ «Հիվանդությունների վերահսկման եւ կանխարգելման ազգային կենտրոնի» ոչ վարակիչ հիվանդությունների եւ ներհիվանդանոցային վարակների համաճարակաբանության բաժնի պետ Ռոմելա Աբովյանն էլ նշեց, որ Հայաստանի Հանրապետությունում 1999 թվականին ներդրվել են հեպատիտ Բ—ի դեմ կանխարգելիչ պատվաստումները, որից հետո Հայաստանում սկսեց դիտվել վիրուսային հեպատիտ Բ—ով հիվանդացության կտրուկ նվազում։
Եթե մինչեւ հեպատիտ Բ—ի դեմ պատվաստումների իրականացումը ե՛ւ մեծահասակների, ե՛ւ մինչեւ 14 տարեկան երեխաների շրջանում նկատվում էր համաչափ նվազում՝ 2,5%, ապա 1999 թ. պատվաստումների ներդրումից հետո, հատկապես մանկական ազգաբնակչության շրջանում արձանագրվել է հիվանդացության կտրուկ նվազում՝ 140 անգամ։  «Սա վառ ապացույցն է վիրուսային հեպատիտ Բ—ի կանխարգելման գործում պատվաստումների անհրաժեշտության, կարեւորության եւ դրանց արդյունավետության։ Առողջապահության նախարարությունը վիրուսային հեպատիտների կանխարգելումը եւ դրանց դեմ պայքարն առավել համակարգված եւ արդյունավետ դարձնելու նպատակով ներդրել է «Հայաստանի Հանրապետությունում վիրուսային հեպատիտների վերահսկման եւ կանխարգելման 2015—2020 թվականների նպատակային ծրագիրը», որի շրջանակներում Հայաստանի Հանրապետության բժշկական կազմակերպություններում իրականացվում են ռիսկի խմբերում վաղ հայտնաբերման, վիրուսային հեպատիտների համաճարակաբանական հսկողության համակարգի, լաբորատոր հսկողության համակարգի, ինչպես նաեւ բուժաշխատողների գիտելիքների շարունակական կատարելագործմանն ուղղված աշխատանքներ»,– հավելեց նա։
Քրոնիկ հեպատիտ Բ—ի եւ հեպատիտ Ց—ի դեպքերը, ինչպես նաեւ հեպատիտ Բ—ի հակածնակիրները եւ հեպատիտ Ց—ի վիրուսի նկատմամբ հակամարմիններ ունեցող անձինք 2016 թվականից ներառվել են պաշտոնական պետական վիճակագրական հաշվետվական ձեւաչափերում։ Արդյունքում՝ Հայաստանի Հանրապետությունում վերջին հինգ տարվա ընթացքում սուր հեպատիտ Ց—ի հիվանդացության ցուցանիշը նվազել է 2.5 անգամ, իսկ սուր Բ—ինը՝ 1.7 անգամ։
ԱՀԿ—ի տվյալներով՝ եվրոպական տարածաշրջանում շուրջ 15 մլն մարդ ապրում է վիրուսային հեպատիտ Բ—ով, 14 մլն—ը՝ հեպատիտ Ց—ով։ Վարակվածների երկու երրորդն ապրում է Կենտրոնական Ասիայում եւ Արեւելյան Եվրոպայում։ Լյարդի քաղցկեղով դեպքերի շուրջ 60%—ը պայմանավորված է հեպատիտ Բ—ի եւ հեպատիտ Ց—ի ուշ հայտնաբերմամբ, ընդ որում՝ հեպատիտ Բ—ով պայմանավորված է քաղցկեղների 43%—ը, հեպատիտ Ց—ով՝ 17%—ը։

28-07-2018





23-01-2019
Հայաստանը կշարունակի մնալ վստահելի գործընկեր
Երկկողմ հանդիպումներ բազմաթիվ երկրների ու ընկերությունների ղեկավարների հետ



23-01-2019
Ադրբեջանին թշնամի է պետք
Որպեսզի իշխանությունը ժողովրդին շեղի իրական խնդիրներից

Ադրբեջանին թշնամի ...


23-01-2019
25500 դրամից ցածր թոշակ չի լինի
Հայաստանում սահմանվում է «նվազագույն աշխատանքային կենսաթոշակ»

Աշխատանքային եւ ...


23-01-2019
Կարեւորն արդյունավետությունն է
Արվեստագետները հակադիր կարծիքներ ունեն օպտիմալացման վերաբերյալ

Հուշարձանագետ Սամվել ...


 
23-01-2019
Դասականի դասերը
Առանց ավանդույթի եւ նորարարության բախման կյանքը կկործանվի։
Հերբերտ ...


23-01-2019
Հանձնել են հավատարմագրերը
Հանրապետության նախագահ Արմեն Սարգսյանին երեկ իր հավատարմագրերն է հանձնել ...


23-01-2019
Ընդունել է ՀՀ-ում Շվեդիայի Թագավորության դեսպանին
ՀՀ Ազգային ժողովի նախագահ Արարատ Միրզոյանը երեկ ընդունել է ...



23-01-2019
Էկոլոգիական անհրաժեշտությո՞ւն, թե՞ ժամանակի պահանջ
Էլեկտրական շարժիչով ավտոմեքենաները ...

23-01-2019
Կապուտիկյանը չէր կարող լռել
Նրա բանաստեղծությունները դարձել են ...

23-01-2019
Որ «Շիրակն» էլ «Էյրբաս» ու «Բոինգ» ընդունի
Միայն կառամատույցը վերանորոգելը 3 մլն ...

23-01-2019
Մեր սահնակն էլ գուցե տեղից շարժվի
Ձմեռային մարզաձեւերը զարգացնելը ...
USD
EURO
RUR
GEL
Եղանակը Երևանում
գիշերը 0... -2
ցերեկը +2... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO