Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

21.09.2018
ԵՐԵՎԱՆ


Կրկնվող հիշեցումներ, չլուծվող խնդիր

Իսկ լուծումը մեծ ջանքեր չի պահանջում

Երեւանի հասարակական տրանսպորտում երբեւէ ցանկալի կարգապահություն կստեղծե՞նք։ Ցանկալի կարգապահություն ասածս պիտի հասկանանք ինչպես երթեւեկության սխեմայի առավել հարմար տարբերակի մշակումը եւ կիրառումը, այնպես էլ կանգառատարածքներում կարգուկանոնի ապահովումը։ Եթե առաջինն ընթացքի մեջ է եւ վաղ թե ուշ կդրվի կիրառության (ըստ այդ սխեմայի՝ կիրառությունից դուրս են գալու միկրոավտոբուսները, լինելու են միայն միջին եւ մեծ տեղատարողությամբ փոխադրամիջոցներ), ինչը չի կարող հնից ավելի լավը չլինել, ապա կանգառատարածքներում կարգուկանոնի ապահովումը ինչ—որ չափով տարակուսանք առաջացնող է։ Ինչո՞ւ։ Որովհետեւ տարիներ շարունակ այդ խնդիրը շոշափվում է, սակայն լուծումը չի գտնվում։ Իսկ եթե մի բան շատ ես կրկնում, բայց գործնական քայլ չես ձեռնարկում, ժամանակի ընթացքում քեզ մոտ զրոյացնում է լուծում գտնելու վստահությունը։
Ամեն գարնան մենք սովոր ենք եղել նորացած տեսնել փողոցների գծանշումները, այդ թվում նաեւ կանգառատարածքները սահմանազատող գծանշումները։ Այս տարի, սակայն, որքան նկատում ենք, կանգառատարածքների առումով աշխատանքները ետ են ընկած։ Կանգառատարածքների գծանշումները չնորացնելը առիթ է տալիս կողմնակի ավտոմեքենաների վարորդներին անտեսել այս տարածքների վերաբերյալ օրենքով սահմանափակումները, ինչն էլ հանգեցնում է այդ տարածքների զավթման։ Բանն այն է, որ նախորդ տարվա գծանշումները գրեթե ջնջվել են, վառ արտահայտվածություն չունեն։ Իսկ դա հարմար առիթ է անձեռնմխելի կանգառատարածքը կայանման հարթակ դարձնելու համար, իբր՝ «գծանշումը չի երեւում»։
Շատ լավ ենք հասկանում, որ այս արարքի պատճառը փողոցում մեքենաների կայանման համար անհրաժեշտ քանակությամբ տեղերի բացակայությունն է։ Որտեղ փողոցներն ազատ են, իսկ մեքենաները՝ քիչ, այնտեղ կանգառատարածքների վրա «գրոհ» չենք տեսնում։ Գլխացավանքը հիմնականում քաղաքի կենտրոնական հատվածներում է։ Փոխադրամիջոցները հաճախ երկրորդ գոտում են կայանում, ինչը ճանապարհային երթեւեկության կանոններով արգելված է եւ համարվում է կոպիտ խախտում։ Առավել եւս կոպիտ խախտում է հասարակական տրանսպորտի կանգառի տարածքում կայանելը։ Ճանապարհային երթեւեկության նորացված կանոնների (ընդունվել է ՀՀ կառավարության 2007թ. հունիսի 28—ի որոշմամբ)՝ 9—րդ գլխի 84—րդ կետի 7. 1.17 ենթակետի համաձայն՝ «կանգառն արգելվում է գծանշմամբ նշված ընդհանուր օգտագործման տրանսպորտային միջոցների կանգառի կետերից կամ, այդ գծանշման բացակայության դեպքում, ընդհանուր օգտագործման տրանսպորտային միջոցների կանգառի կամ տաքսիների կայանման տեղերի ցուցիչներից 15 մետրից մոտ»։ Հասկանալի է, որ այդ տարածությունը նախատեսված է նրա համար, որ ընդհանուր օգտագործման տրանսպորտային միջոցների մուտքն ու ելքը կանգառատարածքներ լինեն առանց խոչընդոտի։ Դա նաեւ անվտանգության համար է։
Բայց տեսնենք, թե ինչ է կատարվում այսօր։ Մոռացվել է ոչ միայն կանգառատարածքի սահմաններից տասնհինգ մետր հեռու կայանելու պահանջը, այլեւ հաճախ հենց բուն կանգառատարածքներն են դառնում կայանման վայր։ Այդպես էլ հնարավոր չեղավ կարգավորել Աբովյան փողոցի՝ բժշկական համալսարանի մոտ գտնվող, Չարենցի փողոցի՝ ԵՊՀ—ի հարեւանությամբ գտնվող, Ագաթանգեղոսի փողոցի՝ նախկին էլեկտրաշարժիչների գործարանի հարեւանությամբ գտնվող, Խանջյան փողոցի՝ Թեքեյան կենտրոնի դիմաց գտնվող, Մաշտոցի պողոտայի՝ Ստ. Շահումյանի անվան դպրոցի մոտ գտնվող կանգառների վիճակը։ Թվարկածներս ամենեւին էլ ամբողջը չեն, խնդիրներ ունեցող կանգառներն ավելի շատ են, նշեցինք միայն ավելի ծանր վիճակում գտնվողները։ Հատկապես հասկանալի չէ բժշկական համալսարանի մոտի (Աբովյան փող.) կանգառում տիրող վիճակը։ Հասարակական տրանսպորտի միջոցները, կանգառի տարածքը թողած, կուտակվում են ընդամենը մի քանի մետր տարածության վրա, ստորգետնյա անցումի մուտքի մոտ։ Նրանց են խառնվում նաեւ այստեղ մշտապես հերթապահող տաքսիները՝ խառնիճաղանջ վիճակ ստեղծելով ոչ միայն անցնող տրանսպորտի, այլեւ գետնանցում մտնող հետիոտնի համար։ Այս եւ վերոնշյալ կանգառներում տիրող վիճակի մասին «ՀՀ»—ն տարիներ շարունակ ահազանգում է, նույնիսկ անհարմար զգալու չափ կրկնում է նույն մտքերը, սակայն՝ անարդյունք։ Ինչո՞ւ, մի՞թե այդքան դժվար է ճանապարհային ոստիկանության միջոցով տրանսպոտային միջոցներով խիստ հագեցած միջավայրերում գտնվող կանգառատարածքների վիճակին պարբերաբար հետեւելը։ Ոչ մի կասկած չունենք՝ մեկ—երկու անգամ զգուշացնելու դեպքում ե՛ւ ընդհանուր օգտագործման տրանսպորտի, ե՛ւ տաքսիների վարորդները, ե՛ւ ուղեւորները կձգվեն, այլեւս չեն կրկնի սխալը։
ՃՈ—ի բացատրական աշխատանքն ամենեւին անտեղի չի լինի, եթե վերջինս փորձի լուծել խնդիրը։ Իսկ խնդիրը լուծել պետք է։ Ոչ մի պատճառաբանություն, այդ թվում նաեւ փողոցներում կայանման տեղերի սղությունը, չի կարող սահմանված կարգի խախտման թույլտվության ուժ ունենալ։ Ինչպե՞ս կարելի է մեղմացուցիչ հանգամանք համարել տեղերի բացակայությունը եւ ներողամտորեն վերաբերվել սահմանված կարգի խախտմանը։
Դժվար չէ նկատել, որ վերջին շրջանում նշյալ կարգախախտման դեպքերն ավելի տեսանելի են դարձել։ Շատացել են նաեւ քաղաքի փողոցներում արագության գերազանցումով երթեւեկող մեքենաները։ Չենք ուզում մտածել, որ այդ երեւույթը պայմանավորված է ՃԵԿ—ի կանոնների խախտման տույժերի համաներման հանգամանքով։ Ներում շնորհվեց քաղաքական իրավիճակի փոփոխության առնչությամբ, եւ հայտարարվեց նոր էջից նոր վարքագիծ սկսելու անհրաժեշտության մասին։ Դա նշանակում է առավել գիտակից եւ կարգապահ վերաբերմունք տրանսպորտային միջոցների գործածությանը, ոլորտ, որում մարդկային կյանքերի նկատմամբ վտանգի մակարդակը ամենաբարձրն է, հավասարը չունի։ Արդարացված կլինի հանրության ընդհանուր ուժերով այս խնդրի մասին մտածելը։
Երեւանը մեր երկրի սիրտն է, երկրի հայելին ու դեմքը։ Ասել է թե՝ բոլորիս դեմքը։ Մի՞թե կա մեկը, որին չի հետաքրքրում այդ դեմքի վրա ինչ—որ մեկի շպրտած աղտը։ Որքան հաճելի է մեկմեկու նկատմամբ ուշադիր եւ հոգատար լինելը։ Մեզ տրվել է այդպիսին լինելու հնարավորությունը։ Ինչու չլինենք...
Պետրոս ՍԱՐՈՒԽԱՆՅԱՆ
Լուսանկարը՝ հեղինակի

31-07-2018





20-09-2018
Գրքի փառատոն՝ Անկախության տոնին ընդառաջ
Այսօր Երեւանի կենդանաբանական այգում ընթերցասերները կենդանասերներից շատ կլինեն



20-09-2018
«Սպիտակ» ֆիլմը հրաշքի մասին է
Երկրաշարժի 30—րդ տարելիցին նվիրված ֆիլմը կբարձրանա մեծ էկրան



20-09-2018
«Սարյանը եւ Ֆրանսիան»
Ցուցահանդես վարպետի տուն–թանգարանում

Ֆրանկոֆոնիայի միջոցառումների շրջանակում Մարտիրոս Սարյանի ...


20-09-2018
Հնի ու նորի յուրօրինակ համադրություն Սարյանի պուրակում
Դաշնամուրի շնորհիվ երեւանցիները կարող են լիցքավորել հեռախոսները, օգտվել ...


20-09-2018
Հանձնել է հավատարմագրերը
Հանրապետության նախագահ Արմեն Սարգսյանին երեկ իր հավատարմագրերն է հանձնել ...


20-09-2018
Արա Բաբլոյանն ընդունել է ԵԽ մարդու իրավունքների հանձնակատարին
ՀՀ Ազգային ժողովի նախագահ Արա Բաբլոյանը երեկ ընդունել է ...


20-09-2018
Գերմանիայի հայ գործարարների միության անդամները՝ Մայր Աթոռում
Երեկ Ն.Ս.Օ.Տ.Տ. Գարեգին Երկրորդ Ծայրագույն պատրիարք եւ Ամենայն հայոց ...



20-09-2018
Ադրբեջանը ցեղասպան պետություն է
Գիտաժողով՝ նվիրված Բաքվի հայերի ջարդերի ...

20-09-2018
Անկախությունը մեր ժողովրդի երազանքն էր
Միջոցառում՝ նվիրված գրող, ազատամարտիկ ...

20-09-2018
Աղբահանության խնդիրը կարելի է լուծել մի քանի տարբերակով
Թե որն է ավելի արդյունավետ՝ ներկայացված ...

19-09-2018
Բացառիկ մարզական իրադարձություն Հայաստանում
Երեւանն ընդունելու է գեղասահքի աշխարհի ...
USD
EURO
RUR
GEL
Եղանակը Երևանում
գիշերը +18... +20
ցերեկը +34... +35

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO