Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

21.09.2018
ԵՐԵՎԱՆ


Երեւանի ավագանու արտահերթ ընտրություններ

Դրանց մասնակցելու հայտ է ներկայացրել 13 քաղաքական ուժ

Երեւանի ավագանու ընտրություններին մասնակցելու ցանկություն հայտնած կուսակցություններն ու դաշինքները երեկ ՀՀ Կենտրոնական ընտրական հանձնաժողով ներկայացրին գրանցման համար անհրաժեշտ փաստաթղթերը։ Ավագանու արտահերթ ընտրություններին մասնակցելու ցանկություն է հայտնել 13 քաղաքական ուժ՝ 4 դաշինք եւ 9 կուսակցություն։ Նրանք սեպտեմբերի 23—ին կպայքարեն Երեւանի ավագանիում տեղ զբաղեցնելու համար։
ՀՀ վարչապետ Նիկոլ Փաշինյանի ղեկավարած «Քաղաքացիական պայմանագիր» կուսակցությունը արտահերթ ընտրություններին կմասնակցի «Իմ քայլը» դաշինքի կազմում։
«Իմ քայլը» կուսակցությունների դաշինքի մեջ են մտնում ՔՊ—ն, «Առաքելություն» կուսակցությունը, ինչպես նաեւ հեղափոխությանը մասնակցած անհատներ»,–ասաց ՔՊ խոսնակ Վահան Կոստանյանը։
Դաշինքի ցուցակը կգլխավորի ՔՊ անդամ, դերասան եւ պրոդյուսեր Հայկ Մարությանը, ում Երեւանի ավագանու արտահերթ ընտրություններին մասնակցելու հայտ ներկայացրած «Ժառանգություն» կուսակցությունը բարեկամ—մրցակից է համարում։ Ժառանգության ցուցակն ընտրություններում կգլխավորի կուսակցության հիմնադիր Րաֆֆի Հովհաննիսյանը։
«Մենք քաղաքացիների դատին ենք ներկայացնելու ոչ միայն մեր ծրագիրը, այլեւ մեր կուսակցության անցած ուղին։ Մենք բաց ճակատով ենք նայում քաղաքացիներին։ «ժառանգությունն» այն սակավաթիվ քաղաքական կուսակցություններից էր, որ չտրվեց իշխանության գայթակղություններին»,–ասաց կուսակցության նախագահ Արմեն Մարտիրոսյանը։
Իրեն հեղափոխության մաս է համարում նաեւ «Ժողովրդավարական ուղի» կուսակցությունը, որի ցուցակը Երեւանի ավագանու արտահերթ ընտրություններում կգլխավորի Մանուել Գասպարյանը։
«Մեր կուսակցությունն իրեն համարում է տեղի ունեցած հեղափոխության մի մաս։ ՀՀ—ում իշխանությունը պատկանում է ժողովրդին, այդ պատճառով որոշել ենք մասնակցել այս եւ նաեւ մյուս ընտրություններին։ Կարծում ենք, որ պետք է իշխանություններն ապահովեն ազատ, արդար եւ թափանցիկ ընտրություններ»,– նշեց կուսակցության անդամ Արթուր Գասպարյանը։
Արդար եւ թափանցիկ ընտրություններ է ակնկալում նաեւ «Երեւանի հանրություն» դաշինքը։ Այն գլխավորող Անահիտ Թարխանյանը, սակայն, պահանջում է նաեւ ԿԸՀ ներկայիս նախագահ Տիգրան Մուկուչյանի հրաժարականը։ Դաշինքի ցուցակի երկրորդ համար Արմեն Հովհաննիսյանի խոսքով՝ իրենք հավատում են արդար ընտրությունների անցկացմանը, բայց չեն ուզում տեսնել ԿԸՀ նախագահի պաշտոնում մարդու, ով տարիներ շարունակ ներգրավված է եղել այլ տեսակի ընտրություններում։
Երեւանի ավագանու արտահերթ ընտրություններին մասնակցելու համար հայտ են ներկայացրել նաեւ ՀՅԴ, ԲՀԿ, «Օրինաց երկիր», «Երկիր ծիրանի», ՀՀՇ, Հայկազուններ, ՀԺԱՄ եւ «Ռեֆորմիստների» կուսակցությունները, ինչպես նաեւ «Երեւանցիներ» դաշինքը։
Կենտրոնական ընտրական հանձնաժողովը մինչեւ սեպտեմբերի 3—ը կուսումնասիրի հայտերը եւ կկայացնի համապատասխան որոշումներ։ Սեպտեմբերի 3—ին, ժամը 18։00—ին կիմանանք, թե որ ուժերն են իրավունք ստացել մասնակցելու Երեւանի ավագանու արտահերթ ընտրություններին։
Նորայր ՇՈՂԻԿՅԱՆ

30-08-2018





20-09-2018
Գրքի փառատոն՝ Անկախության տոնին ընդառաջ
Այսօր Երեւանի կենդանաբանական այգում ընթերցասերները կենդանասերներից շատ կլինեն



20-09-2018
«Սպիտակ» ֆիլմը հրաշքի մասին է
Երկրաշարժի 30—րդ տարելիցին նվիրված ֆիլմը կբարձրանա մեծ էկրան



20-09-2018
«Սարյանը եւ Ֆրանսիան»
Ցուցահանդես վարպետի տուն–թանգարանում

Ֆրանկոֆոնիայի միջոցառումների շրջանակում Մարտիրոս Սարյանի ...


20-09-2018
Հնի ու նորի յուրօրինակ համադրություն Սարյանի պուրակում
Դաշնամուրի շնորհիվ երեւանցիները կարող են լիցքավորել հեռախոսները, օգտվել ...


20-09-2018
Հանձնել է հավատարմագրերը
Հանրապետության նախագահ Արմեն Սարգսյանին երեկ իր հավատարմագրերն է հանձնել ...


20-09-2018
Արա Բաբլոյանն ընդունել է ԵԽ մարդու իրավունքների հանձնակատարին
ՀՀ Ազգային ժողովի նախագահ Արա Բաբլոյանը երեկ ընդունել է ...


20-09-2018
Գերմանիայի հայ գործարարների միության անդամները՝ Մայր Աթոռում
Երեկ Ն.Ս.Օ.Տ.Տ. Գարեգին Երկրորդ Ծայրագույն պատրիարք եւ Ամենայն հայոց ...



20-09-2018
Ադրբեջանը ցեղասպան պետություն է
Գիտաժողով՝ նվիրված Բաքվի հայերի ջարդերի ...

20-09-2018
Անկախությունը մեր ժողովրդի երազանքն էր
Միջոցառում՝ նվիրված գրող, ազատամարտիկ ...

20-09-2018
Աղբահանության խնդիրը կարելի է լուծել մի քանի տարբերակով
Թե որն է ավելի արդյունավետ՝ ներկայացված ...

19-09-2018
Բացառիկ մարզական իրադարձություն Հայաստանում
Երեւանն ընդունելու է գեղասահքի աշխարհի ...
USD
EURO
RUR
GEL
Եղանակը Երևանում
գիշերը +18... +20
ցերեկը +34... +35

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO