Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

21.09.2018
ԿՐԹՈՒԹՅՈՒՆ


Բովանդակային եւ կազմակերպչական փոփոխություններ

Առաջին անգամ սահմանվել է դասարաններում աշակերտների թվի առավելագույն շեմ

Ավագ եւ հիմնական դպրոցներում այս ուսումնական տարվան ընդառաջ իրականացվել եւ դեռ նախատեսվում են բովանդակային ու մի շարք այլ փոփոխություններ։ Առաջին անգամ սահմանվել է դասարաններում աշակերտների առավելագույն թիվ, ստեղծվել են աշխատանքային խմբեր, որոնք աստիճանաբար փոխելու են առարկայական ծրագրերը, պարտադիր առարկայացանկը։ «ՀՀ»—ն այս թեմայով զրուցել է ՀՀ կրթության եւ գիտության նախարարության հանրակրթության վարչության պետ Աշոտ Արշակյանի հետ։
«Առաջին անգամ կառավարության որոշումով հաստատվել է դասարանների կազմավորման կարգը։ Սահմանվել են դասարաններում աշակերտների առավելագույն թիվը, միջին բեռնվածությունը եւ առհասարակ դասարանների կոմպլեկտավորման կարգը։ Սանիտարական նորմերի պահպանման դեպքում ավագ դպրոցների դասարաններում աշակերտների առավելագույն թիվը պետք է լինի 30։ Իսկ հիմնական դպրոցների համար առավելագույն շեմ է սահմանվել 35—ը։ Նվազագույն շեմ սահմանված չէ, քանի որ ունենք դպրոցներ, որտեղ աշակերտների թվաքանակը շատ քիչ է, եւ հատկապես սահմանամերձ շրջաններում կան բազամահամակարգ դասարաններ»,—ասաց նա։
Դիտարկմանը, որ մարզային որոշ ավագ դպրոցների աշակերտների թիվը շատ քիչ է, եւ սպասվո՞ւմ է արդյոք դրանց միավորում, նշեց՝ ո՛չ ավագ, ո՛չ էլ հիմնական դպրոցների միավորման հարց դեռ չի քննարկվել։ Փոխարենն իրականացվել եւ դեռ իրականացվում են մի շարք ավագ դպրոցների շենքային պայմանների բարելավում, հիմնանորոգում։ Դրանք շարունակաբար վերանորոգվում են։ Աշոտ Արշակյանը նշեց՝ այս տարի ունեցանք հիմնանորոգված ավագ դպրոցների բացում։
Հարցին՝ հիմնական դպրոցից հետո աշակերտերին ոչ թե միջին մասնագիտական կրթական հաստատություններ, այլ ավագ դպրոցներ ուղղելուն միտված ի՞նչ քայլեր են իրականացրել, նա նկատեց՝ ոչ բոլորն են նախընտրում քոլեջները. «Ավագ դպրոցներում բովանդակային առումով նախատեսում ենք փոփոխություն։ Պետք է վերանայվեն առարկաների ցանկը, պարտադիր առարկայացանկը։ Որոշ առարկաների ծրագրեր եւ չափորոշիչներ պետք է վերանայվեն եւ այլ տեսք ստանան»։
Նախարարության պաշտոնյան նշեց, որ ցանկություն ունեն փոփոխություններ կատարել առհասարակ բոլոր դպրոցների ուսումնական պլաններում։ Բայց քանի որ դա շատ աշխատատար գործընթաց է՝ դասագրքերի, ծրագրերի չափորոշիչների փոփոխութուն, ապա դրանք կիրականացվեն մյուս տարի։ Հիմա զուգահեռաբար աշխատանքային խմբեր ստեղծվել են։ Այս տարի սկսելու են աստիճանաբար փոփոխել առարկայական ծրագրերն ու չափորոշիչները։
Այս ուսումնական տարում փոխվել է նաեւ թե ավագ, թե հիմնական դպրոցների ուսուցիչների հավաստագրման կարգը։ «Քննություններն այսուհետ կանցկացվեն էլեկտրոնային տարբերակով։ Անհնարինության դեպքում միայն՝ գրավոր։ Եթե նախկինում գործող տնօրենները կարող էին վերապատրաստման արդյունքում ստանալ հավաստագիր, ապա ներկայումս բոլորը պետք է հանձնեն քննություններ»,– ասաց վարչության պետը։
Այս տարի առաջին անգամ հաստատվել է նաեւ հիմնական դպրոցների բազմահամակարգ դասարանների ձեւավորման կարգը։ Հստակ նշվել է, թե որ դասարանը որի հետ կարելի է համալրել։ Այս խնդիրն իհարկե ավագ դպրոցները չունեն։
Ավագ դպրոցների թիվը ներկայումս հանրապետությունում 99—ն է։
Աննա ԳՐԻԳՈՐՅԱՆ

01-09-2018





20-09-2018
Գրքի փառատոն՝ Անկախության տոնին ընդառաջ
Այսօր Երեւանի կենդանաբանական այգում ընթերցասերները կենդանասերներից շատ կլինեն



20-09-2018
«Սպիտակ» ֆիլմը հրաշքի մասին է
Երկրաշարժի 30—րդ տարելիցին նվիրված ֆիլմը կբարձրանա մեծ էկրան



20-09-2018
«Սարյանը եւ Ֆրանսիան»
Ցուցահանդես վարպետի տուն–թանգարանում

Ֆրանկոֆոնիայի միջոցառումների շրջանակում Մարտիրոս Սարյանի ...


20-09-2018
Հնի ու նորի յուրօրինակ համադրություն Սարյանի պուրակում
Դաշնամուրի շնորհիվ երեւանցիները կարող են լիցքավորել հեռախոսները, օգտվել ...


20-09-2018
Հանձնել է հավատարմագրերը
Հանրապետության նախագահ Արմեն Սարգսյանին երեկ իր հավատարմագրերն է հանձնել ...


20-09-2018
Արա Բաբլոյանն ընդունել է ԵԽ մարդու իրավունքների հանձնակատարին
ՀՀ Ազգային ժողովի նախագահ Արա Բաբլոյանը երեկ ընդունել է ...


20-09-2018
Գերմանիայի հայ գործարարների միության անդամները՝ Մայր Աթոռում
Երեկ Ն.Ս.Օ.Տ.Տ. Գարեգին Երկրորդ Ծայրագույն պատրիարք եւ Ամենայն հայոց ...



20-09-2018
Ադրբեջանը ցեղասպան պետություն է
Գիտաժողով՝ նվիրված Բաքվի հայերի ջարդերի ...

20-09-2018
Անկախությունը մեր ժողովրդի երազանքն էր
Միջոցառում՝ նվիրված գրող, ազատամարտիկ ...

20-09-2018
Աղբահանության խնդիրը կարելի է լուծել մի քանի տարբերակով
Թե որն է ավելի արդյունավետ՝ ներկայացված ...

19-09-2018
Բացառիկ մարզական իրադարձություն Հայաստանում
Երեւանն ընդունելու է գեղասահքի աշխարհի ...
USD
EURO
RUR
GEL
Եղանակը Երևանում
գիշերը +18... +20
ցերեկը +34... +35

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO