Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.09.2018
ԱՇԽԱՐՀ


Վերջնական համաձայնությունը դեռ չի ուրվագծվում

Լիբանանում կառավարության ձեւավորման հարցը հայտնվել է փակուղում

Մայիսի 6-ին Լիբանանում 5 տարի ուշացումով տեղի ունեցան խոհրդարանական ընտրություններ։ Վերջին ընտրությունները տեղի էին ունեցել 2009թ., ընտրությունների հետաձգումները պայմանավորում էին Սիրիայի ներքին բախումներով ու ընտրական օրենսգրքի բարեփոխումներով։
Հավելենք նաեւ, որ օրենքի համաձայն՝ 128 անդամ ունեցող խորհրդարանի 64 անդամը պետք է լինի քրիստոնյա, իսկ 64—ը՝ մահմեդական։ Քրիստոնյաների ներկայացուցիչներն իրենց հերթին խորհրդարան են ներկայանում հետեւյալ կազմով. մարոնականները՝ 34, ուղղափառները՝ 14, կաթոլիկները՝ 8, հայ առաքելականները՝ 5, հայ կաթոլիկները՝ 1, ավետարանչականները՝ 1, եւ մեկ ներկայացուցիչ էլ կրոնական այլ համայնքներից։ Իսկ մահմեդականներն ունեն հավասարապես 32—ական ներկայացուցիչ՝ շիաներն ու սունիները։ Բացի այդ, ըստ Սահմանադրության, երկրի նախագահը պետք է լինի մարոնական, վարչապետը՝ իսլամի սունի ուղղության ներկայացուցիչ, իսկ խորհրդարանի նախագահը՝ շիա։
Նորընտիր խորհրդարանը գործնականում աշխատանքները պետք է սկսեր մայիսի 21—ից, քանի որ նախորդ խորհրդարանը գործունեությունը ավարտել էր մայիսի 20—ին։ Այնուհետեւ երկրի նախագահը, նոր կառավարություն ձեւավորելու նպատակով, բանակցություններ է սկսել խորհրդարանի խմբակցությունների հետ, սակայն այդ գործընթացը բավական բարդ ու դժվար է ընթանում։ Հաշվի առնելով նորընտիր խորհրդարանի կազմը, «ՀՀ»—ն նշել էր, թե կառավարության ձեւավորումը բավական բարդ է լինելու, եւ իրականում էլ այդ հարցում քաղաքական ճգնաժամ առաջացավ, ինչը, կարելի է ասել, առ այսօր դեռեւս չի հաղթահարվել, թեեւ մայիսի 24—ին, ինչպես ենթադրվում էր, խորհրդարանը 111 ձայնով վարչապետ է վերընտրել Սաադ Հարիրիին։ Վերջինս, ավելի քան 3 ամիս բանակցելով քաղաքական տարբեր ուժերի հետ, ի վերջո սեպտեմբերի 3—ին նախագահ Միշել Աունին է ներկայացրել նոր կառավարության կազմը։
Ընտրություններին թեեւ 77 ցուցակ էր ներառված, բայց մրցապայքարը գլխավորապես ընթացել է 2005թ. ձեւավորված քաղաքական երկու հոսանքի՝ վարչապետ Սաադ Հարիրիի գլխավորած Մարտի 14—ի եւ Մարտի 8—ի կոալիցիաների միջեւ։ Վերջինս ձեւավորվել է շիա «Հեզբոլահ» եւ «Ամալ» կուսակցությունների գլխավորությամբ, որին անդամակցում են նաեւ նախագահ Միշել Աունի գլխավորած մարոնականների Ազատ հայրենասիրական շարժումը եւ Հայ հեղափոխական դաշնակցությունը։ Իսկ վարչապետ Սաադ Հարիրիի գլխավորած Մարտի 14—ի կոալիցիայի կազմի մեջ մտնում են նրա առաջնորդած «Ալ մոսթակբալ» կուսակցությունը, Սամիր Ջաաջաայի առաջնորդած մարոնական Լիբանանյան ուժեր կուսակցությունը, Վալիդ Ջոմբալատի գլխավորած Առաջադեմ սոցիալիստական կուսակցությունը եւ մի քանի այլ փոքր կուսակցություններ։
«Ալ մոսթակբալը» զգալիորեն զիջում է նախորդ խորհրդարանում ունեցած ձայներին, սակայն Լիբանանյան ուժեր կուսակցությունը 15 պատգամավորով նոր խորհրդարանում կրկնապատկել է ձայները։ Ավելացել են նաեւ Առաջադեմ սոցալիստական կուսակցության տեղերը։ Այսուհանդերձ, Արեւմուտքի եւ Սաուդյան Արաբիայի հովանավորությունը վայելող վարչապետ Հարիրիի գլխավորած կոալիցիան, կարելի է ասել, մայիսի 6—ի ընտրությունների արդյունքներով, խորհրդարանում 50 ձայն ունենալով հանդերձ, պարտություն է կրել Իրանի հովանավորությունը վայելող «Ամալի» եւ «Հեզբոլահի» գլխավորած կոալիցիայի նկատմամբ, որը խորհրդարանում 67 ներկայացուցիչ ունի։ Հանգամանք, որը եւս նշանակալից դեր ունի առաջացած ներքաղաքական ճգնաժամի հարցում։ Մանավանդ որ «Ամալին» ու «Հեզբոլահին» հաջողվել է իրենց օգտին գրանցել խորհրդարանում շիաներին հատկացված բոլոր 32 ձայները։
Մարտի 8—ի կոալիցիայի անդամ պարտված միակ կուսակցությունը թերեւս նախագահ Աունի Ազատ հայրենասիրական շարժումն է։ Բայց եւ այնպես, վերջինս դարձյալ մարոնական խոշորագույն խմբակցությունն է խորհրդարանում, ուստի պահպանել է նախագահի պաշտոնը։ Շիաների լուրջ հաջողություններն ընտրություններում ապահովեց «Ամալի» անդամ՝ նախորդ խորհրդարանի նախագահ Նաբիհ Բերիի վերընտրվելու հնարավորությունը։ Նա այդ պաշտոնը զբաղեցրել է 1992—ից ի վեր։
Ըստ լիբանանյան ԶԼՄ—ների, այդ թվում՝ «Ալ Ջումհուրիա» օրաթերթի, վարչապետի ներկայացրած կառավարության կազմը հետեւյալ պատկերն ունի. այն կազմված է 30 նախարարից, ընդ որում՝ 10—ը Ազատ հայրենասիրական շարժման անդամ է, 4—ը՝ Լիբանանյան ուժեր կուսակցության, 5—ը՝ «Ալ մոսթակբալ» կուսակցության, 3—ը՝ Առաջադեմ սոցալիստական կուսակցության, 3—ը՝ «Ամալ», 3—ն էլ «Հեզբոլահի» եւ 1—ը՝ մարոնական «Ալ Ալմարադա» կուսակցության։ Թեեւ Հարիրին հայտարարել է, որ կառավարության ներկայացրած կազմը լավագույն տարբերակն է, քանի որ դրանում պահպանվել է ուժերի հավասարակշռությունը, բայց հազիվ թե դրանով փակուղուց դուրս գա կառավարության ձեւավորման հարցը։ Միաժամանակ նա ընդգծել է, որ բանակցությունները շարունակվելու են, ինչը նշանակում է, որ վարչապետը եւս վստահ չէ, թե այդ հարցը միանգամից լուծվելու է։ Ավելին, «Ալջոմհուրիան», հենվելով իր բարձրաստիճան ու վստահելի աղբյուրին, շեշտել է, որ նոր կառավարության կազմի վերաբերյալ նախագիծը «մեռելածին» է եւ ընդամենը մի քանի րոպեի կյանք է ունեցել, այն ավարտվել է նախագահ Աունին հանձնելուց ու խորհրդակցությունն ավարտելուց հետո։ Քանի որ Աունը կառավարության ներկայացված կազմը «հուսահատեցնող» է համարել։
Այսուհանդերձ, լիբանանյան OTV հեռուստատեսությունը հայտնել է, որ թեեւ նախագահը լուրջ վերապահումներներ ունի ներկայացված կազմի առնչությամբ, սակայն կարելի է այն ընդունել որպես նախնական տարբերակ եւ բանակցություններ վարել դրա շուրջ։ Այսինքն՝ Լիբանանում կառավարության ձեւավորման հարցում 3 ամիս հետո Հարիրիի ներկայացրած կազմը լավագույն դեպքում կարող է այդ ուղղությամբ առաջին քայլը համարվել։
Էմմա ԲԵԳԻՋԱՆՅԱՆ

05-09-2018





21-09-2018
Պառլամենտարիզմը՝ անկախ պետության կարեւորագույն հայտանիշ
Խորհրդարանի հիմնադրման 100-ամյա հոբելյանին նվիրված միջոցառում Ազգային ժողովում



21-09-2018
Պետության առջեւ պարտավորություններ ունեն ե՛ւ իշխանությունը, ե՛ւ ընդդիմությունը
Պատգամավորները՝ Հայաստանի 27—ամյա անկախության մասին

Հայաստանի Հանրապետությունն անկախության ...


21-09-2018
Կարողանանք գնահատել այն, ինչն այսօր անվանում ենք անկախություն
Անկախ Հայաստանի ընթացքի վերաբերյալ իրենց կարծիքներն են հայտնում ...


21-09-2018
Շուտ չեն հանդիպի
Եվ ինչո՞ւ ՀԱՊԿ—ն դեռ չի արձագանքել

Պուտին-Թրամփ հանդիպում ...


21-09-2018
ԿԳ նախարարը հրաժարական չի տա
Ճի՞շտ են արդյոք շրջանառվող այն լուրերը, թե ԿԳ նախարար ...


21-09-2018
Նախագահ Սարգսյանը հյուրընկալել է Ջին Բլոքին եւ Էրիկ Էսրաիլյանին
Հանրապետության նախագահ Արմեն Սարգսյանը երեկ հյուրընկալել է ԱՄՆ Լոս ...


21-09-2018
Արա Բաբլոյանը հանդիպել է Աշոտ Ղուլյանի հետ
ՀՀ Ազգային ժողովի նախագահ Արա Բաբլոյանը երեկ հանդիպել է ...



21-09-2018
Կոմունալ տնտեսությունը՝ իր ողջ «հմայքով»
Ինչ միջոցներ ու միջոցառումներ են ...

21-09-2018
Պատրաստ ենք մարզական նոր նվաճումների
Անկախության տոնի առթիվ շնորհավորում են ...

21-09-2018
Ե՛վ աղքատությունը, ե՛ւ խաղամոլությունը մերժելի է
Կառավարությունը այս երեւույթները ...

21-09-2018
Վարչապետն ընդունել է Էրիկ Էսրաիլյանին եւ Ջին Բլոքին
Վարչապետ Նիկոլ Փաշինյանը երեկ ընդունել է ...
USD
EURO
RUR
GEL
Եղանակը Երևանում
գիշերը +18... +20
ցերեկը +34... +35

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO