Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

21.09.2018
ԿԱՌԱՎԱՐՈՒԹՅՈՒՆ


Ձկան պաշարները Սեւանում համալրվում են

Վարչապետը ծանոթացել է ծրագրի ընթացքին

Վարչապետ Նիկոլ Փաշինյանն սեպտեմբերի 9—ին աշխատանքային այցով մեկնել է Գեղարքունիքի մարզ, հայտնում են ՀՀ կառավարության  տեղեկատվության եւ հասարակայնության հետ  կապերի վարչությունից։
Վարչապետն այցելել է Լճափ եւ Կարճաղբյուր համայնքներ՝ ծանոթացել «Սեւանա լճում իշխանի պաշարների վերականգնման եւ ձկնաբուծության զարգացման համալիր ծրագրի» ընթացքին։ Ծրագիրն իրականացնում են «Սեւանի իշխան» եւ «Սեւան Ակվա» փակ բաժնետիրական ընկերությունները՝ ստեղծված «Սեւանի իշխանի պաշարների վերականգնման եւ ձկնաբուծության զարգացման» հիմնադրամի կողմից։ Կառավարության պահուստային ֆոնդից 2013—2017 թթ. համալիր ծրագիրն իրականացնելու նպատակով հիմնադրամին որպես նվիրաբերություն հատկացվել է 9,0 մլրդ դրամ։
Նիկոլ Փաշինյանը նախ եղել է Լճափ համայնքում գործունեություն ծավալող «Սեւան Ակվա» ընկերության ցանցավանդակային տնտեսությունում։ Կառավարության ղեկավարին ներկայացվել են լճում տեղակայված ցանցերը, Սեւանի իշխանի, Գեղարքունի եւ Ամառային տեսակի մանրաձկան բաց թողնման աշխատանքները։ Նշվել է, որ 2018թ. հուլիսի 1—ի դրությամբ փաստացի առկա ձկան քանակը կազմում է 92 տ։ Լճափից վարչապետն ուղեւորվել է Կարճաղբյուր համայնք, որտեղ շրջայց է կատարել «Սեւանի իշխան» ՓԲԸ ձկնարտադրության համալիրում, ծանոթացել մանրաձկան արտադրության գործընթացին, գործարանի արտադրական հզորություններին։
Այնուհետեւ վարչապետ Փաշինյանի գլխավորությամբ «Սեւանի իշխանի պաշարների վերականգնման եւ ձկնաբուծության զարգացման» հիմնադրամի վարչական շենքում տեղի է ունեցել խորհրդակցություն՝ շահագրգիռ գերատեսչությունների ղեկավարների եւ հիմնադրամի ղեկավար կազմի մասնակցությամբ։ Նիկոլ Փաշինյանին զեկուցվել է ծրագրի իրականացման շրջանակում կատարված աշխատանքների, արձանագրված արդյունքների եւ առկա խնդիրների մասին. 2015—2018թթ. ընթացքում բաց է թողնվել շուրջ 2,355,000 մանրաձուկ, իրականացվել է Սեւանա լճի եւ դրա ջրհավաք ավազանի էկոլոգիական ընդհանուր խնդիրների գույքագրում եւ ջրի որակի վերահսկողություն, կառուցվել է Հայաստանում 1—ին ջրի փակ շրջանառության համակարգով աշխատող 50տ հզորությամբ մանրաձկան գործարան, Սեւանա լճում ստեղծվել է ցանցավանդակային տնտեսություն, կազմակերպվել է վերամշակված ձկնամթերքի արտադրություն ու իրացում։ Պատասխանատուների խոսքով, սակայն, իրացումներից ակնկալվող ծավալները որոշակիորեն շեղվել են ծրագրային ցուցանիշներից մի շարք պատճառներով, ինչպիսիք են տարերային ձկնորսությունը, ձկների հիվանդությունները, գետերից անկանոն ջրառը, ձվադրավայրերի խնդիրները։
Վարչապետը կարեւորել է «Սեւանա լճում իշխանի պաշարների վերականգնման եւ ձկնաբուծության զարգացման համալիր ծրագրի» արդյունավետ իրականացումը եւ հանձնարարել պատասխանատուներին՝ կառավարություն ներկայացնել ծրագրի հետագա շահութաբերության կանխատեսումների վերաբերյալ գնահատական՝ ծրագրի հետագա ընթացքին վերաբերող հարցերը քննարկելու համար։

11-09-2018





20-09-2018
Գրքի փառատոն՝ Անկախության տոնին ընդառաջ
Այսօր Երեւանի կենդանաբանական այգում ընթերցասերները կենդանասերներից շատ կլինեն



20-09-2018
«Սպիտակ» ֆիլմը հրաշքի մասին է
Երկրաշարժի 30—րդ տարելիցին նվիրված ֆիլմը կբարձրանա մեծ էկրան



20-09-2018
«Սարյանը եւ Ֆրանսիան»
Ցուցահանդես վարպետի տուն–թանգարանում

Ֆրանկոֆոնիայի միջոցառումների շրջանակում Մարտիրոս Սարյանի ...


20-09-2018
Հնի ու նորի յուրօրինակ համադրություն Սարյանի պուրակում
Դաշնամուրի շնորհիվ երեւանցիները կարող են լիցքավորել հեռախոսները, օգտվել ...


20-09-2018
Հանձնել է հավատարմագրերը
Հանրապետության նախագահ Արմեն Սարգսյանին երեկ իր հավատարմագրերն է հանձնել ...


20-09-2018
Արա Բաբլոյանն ընդունել է ԵԽ մարդու իրավունքների հանձնակատարին
ՀՀ Ազգային ժողովի նախագահ Արա Բաբլոյանը երեկ ընդունել է ...


20-09-2018
Գերմանիայի հայ գործարարների միության անդամները՝ Մայր Աթոռում
Երեկ Ն.Ս.Օ.Տ.Տ. Գարեգին Երկրորդ Ծայրագույն պատրիարք եւ Ամենայն հայոց ...



20-09-2018
Ադրբեջանը ցեղասպան պետություն է
Գիտաժողով՝ նվիրված Բաքվի հայերի ջարդերի ...

20-09-2018
Անկախությունը մեր ժողովրդի երազանքն էր
Միջոցառում՝ նվիրված գրող, ազատամարտիկ ...

20-09-2018
Աղբահանության խնդիրը կարելի է լուծել մի քանի տարբերակով
Թե որն է ավելի արդյունավետ՝ ներկայացված ...

19-09-2018
Բացառիկ մարզական իրադարձություն Հայաստանում
Երեւանն ընդունելու է գեղասահքի աշխարհի ...
USD
EURO
RUR
GEL
Եղանակը Երևանում
գիշերը +18... +20
ցերեկը +34... +35

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO