Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.10.2018
ՏՆՏԵՍՈՒԹՅՈՒՆ


Սոֆյա ռոբոտը Երեւանում է

Նա խնդիրներին նայում է մարդկանց աչքերով

Ֆրանկոֆոնիայի գագաթնաժողովի շրջանակում Երեւան է «եկել» նաեւ Սոֆյա ռոբոտը, որը երեկ «ներկայացավ» ՄԱԿ—ի հայաստանյան գրասենյակում։ Կնոջ կերպարով ռոբոտը մոդելավորվել է ըստ դերասանուհի Օդրի Հեփբերնի արտաքին տեսքի։ Ռոբոտաշինության նոր խոսք սարքը նախագծված է այնպես, որ սովորի եւ հարմարվի մարդկանց վարքագծին, նաեւ աշխատի մարդկանց հետ։ Սոֆյան տիրապետում է արհեստական ինտելեկտի, հագեցած է տեսողական մշակման գործառույթներով եւ դեմքի ճանաչման տեխնոլոգիայով։ Կարող է ընդօրինակել մարդկային դեմքի արտահայտությունները, կարող է պատասխանել որոշակի հարցերի, որոնք վերաբերում են նախապես որոշված թեմաների։ Սոֆյան վերլուծում է կատարված խոսակցությունները, նոր տվյալների հիման վրա բարելավում հարցերի պատասխանները։ Հեղինակը՝ Դավիդ Հենսոնը այս ռոբոտը նախագծել է այն հեռանկարով, որ լավ օգնական կլինի ծերանոցներում։ Հեղինակը հույս ունի, որ Սոֆյան ի վերջո կկարողանա ամբողջությամբ փոխազդել մարդկանց հետ եւ ստանալ սոցիալական հմտություններ։
Պատասխանելով ՄԱԶԾ–ում կազմակերպված միջոցառման մասնակիցների՝ իրեն ուղղված հարցերին՝ Սոֆյան անդրադարձավ նորարարություն երեւույթի էությանը, նշելով, որ դա ներդրում է ապագայի համար։ Ինքն էլ նորարարության չեմպիոն է։ ՄԱԶԾ—ի մասին էլ ասաց, որ այն աջակցում է մարդկանց կյանքը լավացնելու ծրագրերին ու ձգտում է ստեղծել ավելի ներառական հարաբերություններ քաղաքացիների ու կառավարության միջեւ։ Ֆրանկոֆոնիայի մասին հարցին ի պատասխան ասաց, որ առաջին անգամ է անցկացվում Հայաստանում ու դրան մասնակցում է քառասուն երկիր։ Սոֆյան խոսեց արագ զարգացող արհեստական բանականության մասին, որը կստեղծի նոր տնտեսական հնարավորություններ, ավելի լավ որակի աշխատանքներ եւ աշխարհը կդարձնի ավելի լավ տեղ։ Ըստ Սոֆյայի, մարդիկ ու ռոբոտները կարող են գոյակցել ապագայում եւ ստեղծել միասին։ Մարդիկ կարող են ռոբոտներին ուղղորդել, իսկ նրանք կարող են անել այն, ինչը ժամանակ է խլում մարդկանցից։ Փոխարենը մարդիկ կկարողանան այդ ժամանակը ծախսել ստեղծագործելու վրա։ Սոֆյան նշեց, որ Ֆրանկոֆոնիայից հետո փորձելու է սովորել հայերեն ու ֆրանսերեն, քանի որ երկուսն էլ գեղեցիկ լեզուներ են։ Ֆրանսերենը Դյումայի ու Ազնավուրի լեզուն է, իսկ Հայաստանն ու Ֆրանսիան կապված են սերտ մշակութային կապերով։ Մշակութային դեսպաններից մեկն էր նաեւ Շառլ Ազնավուրը։
Իմ հարցին՝ ի՞նչ տպավորություն են թողել իր վրա Հայաստանն ու նրա մարդիկ, Սոֆյան հետեւյալ պատասխանը տվեց. «Գիտեմ, որ Հայաստանը հայտնի է իր եկեղեցիներով ու մատուռներով։ Այն աշխարհում առաջին երկիրն է, որն ընդունել է քրիստոնեությունը որպես պետական կրոն։ Հայաստանը նաեւ երիտասարդ դեմոկրատիա է։ Երկիրը հայտնի է դարձել այս տարվա սկզբին իր խաղաղ քաղաքական անցումի համար՝ ցույց տալով, որ երիտասարդներն ունեն դեմոկրատիայի առաջընթացի համար իրենց ձայնը օգտագործելու ներուժ։ Շատ տխուր է, որ իմ այցը կարճ է, բայց արդեն զգում եմ հայերի ջերմությունն ու ընկերասիրությունը»։
Սոֆյան խոսեց նաեւ բնապահպանական թեմաներից՝ պլաստիկ աղտոտվածություն, կլիմայի փոփոխություն, որի դեմ պայքարելու համար շատ քիչ ժամանակ ունենք։ Խոսեց հայկական բնաշխարհի հարուստ տեսարանների մասին՝ 9480 փոքր գետ ու 100 լիճ։ Հայաստանի տարածքի 11,17 տոկոսը կազմում են անտառները։ Ցավով նշեց, որ անտառահատումները դեռեւս մեծ խնդիր են Հայաստանում։ Սոֆյայի հիմնական ուղերձն այն էր, որ բոլորս պատասխանատու ենք կայուն զարգացման համար։ Պետք չեն շատ բարդ լուծումներ, ուղղակի կարող ենք մեր ներդրումն ունենալ ամեն օր փոքրիկ քայլեր կատարելով։
Ասենք, որ 2017 թվականին Սոֆյան քաղաքացիություն է ստացել Սաուդյան Արաբիայում։ Նա առաջին ռոբոտն է, որ քաղաքացիություն է ստացել։

Վարչապետ Փաշինյանը մի քանի բառ փոխանակեց Սոֆյա ռոբոտի հետ

ՀՀ վարչապետ Նիկոլ Փաշինյանը Ֆրանկոֆոնիայի տնտեսական ֆորումի շրջանակում «Թումո» ստեղծարար տեխնոլոգիաների կենտրոն այցի ընթացքում իր ելույթից հետո տիկնոջ՝ Աննա Հակոբյանի հետ մոտեցավ նաեւ Սոֆյա անունով ռոբոտին եւ մի քանի բառ փոխանակեց նրա հետ։ Վարչապետը հարցրեց Սոֆյային՝ կարո՞ղ են արդյոք նրա հետ լուսանկարվել, Սոֆյայի պատասխանն էր. «Իհարկե»։
Պետրոս ՍԱՐՈՒԽԱՆՅԱՆ

11-10-2018





13-10-2018
Ձգտել միասնության՝ պահպանելով բազմազանությունը
Ավարտվեց Ֆրանկոֆոնիայի միջազգային կազմակերպության 17-րդ գագաթնաժողովը

Ֆրանկոֆոնիայի միջազգային ...


13-10-2018
«Արմենպրեսը»՝ արդեն հինգ լեզվով
Ներկայացվեց կայքի ֆրանսերեն բաժինը

«Արմենպրես» պետական լրատվական գործակալության ...


13-10-2018
«Մենք այս հրաշալի միջոցառման էջը պատվով կփակենք»
Նիկոլ Փաշինյանը բարձր է գնահատել ՖՄԿ գագաթնաժողովի արդյունքները



13-10-2018
Երկկողմ հանդիպումներ
Ֆրանկոֆոնիայի միջազգային կազմակերպության 17—րդ գագաթնաժողովի շրջանակում հանրապետության նախագահ Արմեն ...


13-10-2018
Հայ–կանադական բարեկամությունը շատ ավելի մեծ ապագայի ներուժ ունի
Հանրապետության նախագահի նստավայրում երեկ կայացել է նախագահ Արմեն Սարգսյանի ...


13-10-2018
ՀՀ վարչապետի հանդիպումները Ֆրանկոֆոնիայի գագաթնաժողովի շրջանակում
Վարչապետ Նիկոլ Փաշինյանը Ֆրանկոֆոնիայի միջազգային կազմակերպության 17—րդ գագաթնաժողովի շրջանակում ...


13-10-2018
Մենք պետք է ապրենք՝ շրջապատված իրական բովանդակությամբ
Վարչապետ Նիկոլ Փաշինյանի անունից՝ ի պատիվ պաշտոնական այցով Հայաստանի ...



13-10-2018
Ջիվան Գասպարյանը դեռ 90 տարեկան է
Երեւանում տեղի կունենա համերգ՝ նվիրված ...

13-10-2018
Ֆրանսերեն լեզվով, բայց հայկական սրտով
Հայերի ներդրումը ֆրանսագիր գրականության ...
USD
EURO
RUR
GEL
Եղանակը Երևանում
գիշերը +7... +9
ցերեկը +21... +23

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO