Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.10.2018
ՄՇԱԿՈՒՅԹ


Երկու նոր գիրք մանուկների համար

Կայացավ «Թագավորական հեքիաթ» եւ «Արկած+Արկած» գրքերի շնորհանդեսը

Գրողների միությունում հերթական միջոցառումը նվիրված էր «Ծիծեռնակ» ամսագրի հրատարակած «Թագավորական հեքիաթ» (4 հեղինակ՝ Անուշ Վարդանյան, Օլգա Դարյան, Սոնյա Ստրալեցկիենե, Սուսաննա Հովհաննիսյան) եւ արձակագիր, բանաստեղծ Սաթենիկ Ղազարյանի «Արկած+Արկած» գրքերի շնորհանդեսներին։
Սաթենիկ Ղազարյանի վիպակում իրականությունն ու երեւակայությունը միախառնվել են։ Ձկները հարցազրույց են վարում, կատուն մարդուն բնորոշ հատկություններ է ձեռք բերել, արքան գլխիվայր է շրջված, իսկ այլմոլորակայինները կառուցում են եգիպտական բուրգերը։ Հեղինակի մեկնաբանությամբ՝ ընթերցելով գիրքը՝ երեխաներն այս ամենին եւ շատ այլ արկածների կհաղորդակցվեն փոքրիկ հերոսուհու հետ օդապարիկով ճամփորդելով։ Այն նախատեսված է միջին տարիքի դպրոցականների համար։ Վիպակում շոշափվում է երազանքի, հավատարմության, հայրենասիրության, սիրո եւ նվիրումի թեման։ Լինելով տարբեր երկրներում, հերոսուհին միեւնույնն է՝ իր հայրենիքին է ձգտում եւ վերադառնում է տուն, որտեղ իր ծնողներն ու ընկերներն են։ Ստեղծագործությունը նաեւ ծանոթություն է մեր պատմական Հայաստանի եւ տարբեր երկրների հետ։ Փոքրիկ աղջիկը լինում է Անիում, Եգիպտոսում, Չինաստանում, հասնում է Ֆիլիպինյան կղզիներ։ «Հանդիպումների ժամանակ երեխաները ծանոթանալով վերոնշյալ երկրների հետ, բացում էին համացանցն ու կարդում օրինակ՝ Եգիպտոսի փարավոնի մասին, Անիի մասին։ Հաջողվեց ինձ մտահոգող խնդիրը կարգավորել։ Երեխաները ընթերցում են գիրքն ու համատեղում այսօրվա տեխնիկական միջոցների հետ»,– գոհունակությամբ նշեց Ղազարյանը։
«Թագավորական հեքիաթ» ժողովածուն, որում տեղ են գտել 4 հեղինակների մանկական հեքիաթները, պատմվածքներն ու բանաստեղծությունները, «բացվում» են բանաստեղծ, մանկագիր, «Ծիծեռնակ» հրատարակչության գլխավոր խմբագիր Անուշ Վարդանյանի «Թագավորական հեքիաթ Մուխիկի մասին» գրվածքով։ Հեղինակի մեկնաբանությամբ՝ Մուխիկն Ուրուգվայի թագավորի նախատիպն է։ Լինելով երկրի ղեկավար, նա ծաղիկներ է վաճառում եւ այգի մշակում, իսկ իր մեծ չափերի հասնող աշխատավարձը նվիրում մանկատներին։ «Երբ Հայաստանը ունենա այդպիսի առաջնորդ, կլինի բարձունքում։ Իմ հեքիաթում հիմնականում այս գաղափարն է շոշափվում»,– ասաց Վարդանյանը։ Խոսելով հաջորդ հեղինակի՝ Օլգա Դարյանի գրքում տեղ գտած բանաստեղծությունների մասին՝ նշեց, որ թեմաները բազմազան են եւ շարադրված են գեղեցիկ գրական հայերենով։ Սոնյա Ստրալեցկիենեի մանկական գործերը երեխաները հետաքրքրությամբ կկարդան եւ հեշտությամբ անգիր կանեն։ Նա ապրում է Լիտվիայում եւ ստեղծագործելով հայերեն՝ չի «կորցնում» կապը Հայաստանի հետ։ «Նա մշտապես ցանկություն է հայտնում մասնակցել այստեղի գրական անցուդարձին»,–ասաց Վարդանյանը՝ հավելելով, որ գրքի մի մասը լույս է տեսել Ստրալեցկիենեի հովանավորությամբ։
Միջոցառմանը ելույթներ ունեցան նաեւ ՀԳՄ նախագահ Էդվարդ Միլիտոնյանը, բանաստեղծ Սուրեն Մուրադյանը, բանաստեղծ, թարգմանիչ Արտեմ Հարությունյանը, գրականագետ Նորայր Ղազարյանը եւ ՀՀ Կոտայքի մարզի Քաղսիի մանկապարտեզի տնօրեն Զեմֆիրա Մկրտչյանը։ «ՀՀ»—ի, հետ զրույցում մանկական գրականության մասին իր մտահոգությունները հայտնեց Էդվարդ Միլիտոնյանը։ Նա մասնավորապես նշեց, որ այսօր երեխաների համար գրված լավ ստեղծագործություններ քիչ կհանդիպես. «Մանկագիրները ցավոք այսօր շատ չեն։ Սա պայմանավորված է ժանրի բարդությամբ։ Ամեն մարդ ի վիճակի չէ գրել մանկական գործեր։ Դա բնածին պարգեւ է, որ տրվում է եզակի մարդկանց, ինչպես, օրինակ, Հովհաննես Թումանյանին, Ղազարոս Աղայանին...»։ ՀԳՄ նախագահը կարեւորեց նաեւ գրախանութներում վաճառվող վատ բովանդակությամբ մանկական գրքերի հարցը։ Նրա խոսքերով՝ երեխաների ճաշակը աղավաղող տարաբնույթ գրքեր կան դրված վաճառքում։ «Ցավոք, մեր հրատարակիչները չունեն մասնագետ—խմբագիրներ, ովքեր կտարանջատեն լավ գրվածքն անպետքից։ Շատերը կարծում են, թե երեխաների համար մտքներով ինչ անցնի կարող են գրել եւ գրում են, տպագրում ու գեղեցիկ ձեւավորումներով վաճառում են։ Սա մեծագույն խնդիր է սերունդների համար»,–ասաց Միլիտոնյանը։
Լիանա ՍԱՐԳՍՅԱՆ

11-10-2018





13-10-2018
Ձգտել միասնության՝ պահպանելով բազմազանությունը
Ավարտվեց Ֆրանկոֆոնիայի միջազգային կազմակերպության 17-րդ գագաթնաժողովը

Ֆրանկոֆոնիայի միջազգային ...


13-10-2018
«Արմենպրեսը»՝ արդեն հինգ լեզվով
Ներկայացվեց կայքի ֆրանսերեն բաժինը

«Արմենպրես» պետական լրատվական գործակալության ...


13-10-2018
«Մենք այս հրաշալի միջոցառման էջը պատվով կփակենք»
Նիկոլ Փաշինյանը բարձր է գնահատել ՖՄԿ գագաթնաժողովի արդյունքները



13-10-2018
Երկկողմ հանդիպումներ
Ֆրանկոֆոնիայի միջազգային կազմակերպության 17—րդ գագաթնաժողովի շրջանակում հանրապետության նախագահ Արմեն ...


13-10-2018
Հայ–կանադական բարեկամությունը շատ ավելի մեծ ապագայի ներուժ ունի
Հանրապետության նախագահի նստավայրում երեկ կայացել է նախագահ Արմեն Սարգսյանի ...


13-10-2018
ՀՀ վարչապետի հանդիպումները Ֆրանկոֆոնիայի գագաթնաժողովի շրջանակում
Վարչապետ Նիկոլ Փաշինյանը Ֆրանկոֆոնիայի միջազգային կազմակերպության 17—րդ գագաթնաժողովի շրջանակում ...


13-10-2018
Մենք պետք է ապրենք՝ շրջապատված իրական բովանդակությամբ
Վարչապետ Նիկոլ Փաշինյանի անունից՝ ի պատիվ պաշտոնական այցով Հայաստանի ...



13-10-2018
Ջիվան Գասպարյանը դեռ 90 տարեկան է
Երեւանում տեղի կունենա համերգ՝ նվիրված ...

13-10-2018
Ֆրանսերեն լեզվով, բայց հայկական սրտով
Հայերի ներդրումը ֆրանսագիր գրականության ...
USD
EURO
RUR
GEL
Եղանակը Երևանում
գիշերը +7... +9
ցերեկը +21... +23

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO