Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.04.2019
ԼՂՀ


Շուշին եւ Սենտ Էտիենը եւս բարեկամացան

Ֆրանսիայի եւ Արցախի քույր քաղաքների թիվը 12—ի հասավ

Հայոց բերդաքաղաք Շուշիում՝ Ֆրանսիայի Սենտ Էտիեն քաղաքի հետ բարեկամության եւ համագործակցության հռչակագիր ստորագրելուց հետո, երկու երկրների քույր քաղաքների շարքը համալրվեց եւս մեկով։ Ասել է թե՝ Սենտ Էտիեն եւ Շուշին վերջին երեք տարում բարեկամացած 12—րդ քույր քաղաքներն են, որոնք փոխգործակցությունն ամրապնդելու լայն հեռանկարներ ունեն, եւ պատասխանատուները մասնավորապես հավակնում են նպաստել զբոսաշրջության զարգացմանը։
«Ինձ համար մեծ պատիվ է հյուրընկալել Ֆրանսիայի Սենտ Էտիենի քաղաքապետի գլխավորած պատվիրակությանը եւ, գործընկերոջս հետ հանդիսավոր պայմաններում հռչակագիր ստորագրելով, դնել մեր բարեկամության եւ համագործակցության հիմքերը,–պատմական իրադարձություն որակելով հանդիպումը՝ նշեց Շուշիի քաղաքապետ Արծվիկ Սարգսյանը։–Հաշվի առնելով արժեքային համակարգում առկա նմանությունները, ինչպես նաեւ ամենատարբեր ուղղություններում փոխգործակցությունն ակտիվացնելու հնարավորությունները, մենք պայմանավորվեցինք հատկապես սերտ կապեր հաստատել մշակույթի, կրթության, սպորտի եւ զբոսաշրջության բնագավառներում։ Այդ նպատակով հարուստ տեղեկատվություն կփոխանակենք։ Համատեղ ծրագրերի իրագործմանը, անշուշտ, կնպաստեն եւ փոխայցելությունները, որոնք զբոսաշրջությունը խթանելու, միմյանց լավ ճանաչելու եւ բարեկամության կամուրջները ամրապնդելու միտում ունեն»։ Նա հավելեց, որ ֆրանսիացի գործընկերներից եւս սերտ աջակցություն է ակնկալում տեղական ինքնակառավարման մարմիններում՝ կուտակած փորձը շուշեցիներին հասանելի դարձնելու, մասնագիտական հմտությունների փոխանակման խնդրում»։
Շնորհակալություն հայտնելով ջերմ հյուրընկալության համար, Սենտ Էտիենի քաղաքապետ, «Ֆրանսիա—Արցախ» բարեկամության շրջանակի անդամ Գաել Պերդրիոնը իր համար «երջանիկ պահ» համարելով ազատագրված Շուշիում գտնվելը, վստահեցրեց, որ իրենից կախված ամեն ինչ կանի, որ կողմերի միջեւ գործընկերային սերտ հարաբերություններ հաստատվեն, «ինչից կշահեն նաեւ երկու քույր քաղաքների բնակիչները»։ Նրա խոսքով, ընտրությունը պատահական չի կատարվել, եւ ինքը համոզված է, որ «Շուշին, թե աշխարհագրական դիրքի ու թե պատմամշակութային տեսանկյունից, տուրիզմի զարգացման հեռանկարներ ունի», եւ ինքն անձնապես կարող է նպաստել Ֆրանսիայից զբոսաշրջիկների հոսքի աշխուժացմանը։
«Ելնելով այն իրողությունից, որ Արցախի հիմնախնդիրը տակավին մնում է չլուծված, ես հատկապես շատ եմ կարեւորում տարածաշրջանում կայունության եւ խաղաղության, արցախցիների անվտանգության ամրապնդման առաջնահերթությունը եւ, որպես «Ֆրանսիա—Արցախ» բարեկամության շրջանակի անդամ, իմ վաղեմի ընկերոջ՝ Ֆրանսուա Ռոշբլուանի հետ, մեր ամբողջ թիմով այսուհետ եւս ջանքեր կգործադրենք հակամարտող կողմերի միջեւ լարվածության թուլացման, Արցախի անկախության ամրապնդման եւ նրա ժողովրդի իղձերի իրագործման համար»,–ամփոփելով խոսքը՝ ընդգծեց Սենտ Էտիենի քաղաքապետը։
Այցի շրջանակում Գաել Պերդրիոնի գլխավորած պատվիրակությանն ընդունել է Արցախի նախագահ Բակո Սահակյանը։
Դ. ՄԻՔԱՅԵԼՅԱՆ

23-10-2018





23-04-2019
«Արցախն իր թիկունքում միշտ ունենալու է ամուր Հայաստան»
Օրակարգում անվտանգության, քաղաքացիական համակարգի պատրաստության խնդիրներն են



23-04-2019
Թուրքական ապացույցներով՝ Թուրքիայի հանցանքի մասին
Թաներ Աքչամի աշխատությունը ծանր հարված է թուրքական ժխտողականությանը



23-04-2019
Վեպը միշտ ինձ է սպասում
Գրիգը բացել է փակագծերը

Արձակագիր Գրիգը, որն ընթերցասերների ...


23-04-2019
Կրթության որակը՝ առաջնահերթություն
Ուսուցչի դերը կրթական բարեփոխումներում դեռ լավ չի գիտակցվում



23-04-2019
Վարչապետը խորհրդակցություն է անցկացրել մարզպետների հետ
Վարչապետ Նիկոլ Փաշինյանի մոտ տեղի է ունեցել խորհրդակցություն, որին ...


23-04-2019
«Քրիստոս յարեաւ ի մեռելոց»
Սուրբ եւ անմահ պատարագ՝ ի նշանավորումն Հիսուս Քրիստոսի ...


23-04-2019
Նոր ավիաընկերությունների սպասելիս
Հարցազրույց քաղավիացիայի կոմիտեի նախագահ Տաթեւիկ Ռեւազյանի հետ

ՀՀ ...



23-04-2019
Անձրեւացման եղանակի «հայկական հետքը»
Ինչ է պատմում խորհրդային տարիներին ...

23-04-2019
ԱՄՆ-ը Իրանից նավթի ներմուծման արտոնությունը չեղարկում է
2018թ. նոյեմբերի 4-ին, երբ ԱՄՆ-ն Իրանի դեմ տնտեսական ...

23-04-2019
Հոգեւոր կյանքի վերանորոգման առիթ
Արցախում նշել են Հիսուս Քրիստոսի ...

23-04-2019
«Բանանցը» հրաժարվեց. ի՞նչ սպասել հաջորդիվ
Խորը հիասթափություն էր սպասում այն մի քանի տասնյակ ...
USD
EURO
RUR
GEL
Եղանակը Երևանում
գիշերը +4... +6
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO