Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.07.2019
ԱՅԼՔ...


Արդյունավետությունը բարձրացնելու խնդիր է լուծվում

Պետգույքի կոմիտեն անցում է կատարում ամբողջությամբ էլեկտրոնային աճուրդի համակարգի

ՀՀ պետական գույքի կոմիտեն անցում է կատարում ամբողջությամբ էլեկտրոնային աճուրդների համակարգի։ Կոմիտեն նաեւ աշխատանքներ է տանում, որ մյուս գերատեսչություններից, մասնավոր հատվածից եւս գույքի աճուրդները տեղի ունենան այդ համակարգի միջոցով։
Մեզ հետ զրույցում կոմիտեի նախագահ Նարեկ Բաբայանն ամփոփեց իր պաշտոնավարման ընթացքում կառույցի աշխատանքներն ու մատնանշեց առաջիկա փոփոխությունները։ «Աճուրդների էլեկտրոնային համակարգերի համար դեռ նախորդ իշխանության ժամանակ ստեղծվել են հիմքեր։ Հիմա անցում կատարելով ամբողջությամբ էլեկտրոնային աճուրդի համակարգի՝ մարդկային գործոնը լրիվ դուրս կգա, եւ հետեւաբար կբացառվեն կոռուպցիոն ռիսկերը»,–ասաց Բաբայանն ու հավելեց, որ իրենց ուսումնասիրությունները ցույց են տվել, որ նախորդ իշխանության ժամանակ անհասկանալիորեն աճուրդներ տեղի չեն ունեցել։
Չկայացած աճուրդից հետո գույքի գինը նվազում է 20 տոկոսով։ Կոմիտեի նախագահի խոսքով՝ փաստորեն նախկինում եղել են դեպքեր, երբ գույքը վաճառվել է 5 հետաձգված աճուրդից հետո։ Դա նշանակում է, որ գույքի գինը 5 անգամ 20 տոկոսով նվազել է։ «Կասկածներ կան, որ տարբեր մեխանիզմներով շատ դիմորդների թույլ չեն տվել մասնակցել եւ գնել, եւ այն վաճառվել է նախապես պայմանավորված անձի կամ իրավաբանական անձի։ Էլեկտրոնային աճուրդները կբացառեն այդ ամենը»,–նշեց նա։
Կոմիտեն հանրության իրազեկվածությունը բարձրացնելու նպատակով նաեւ գովազդելու է այդ գործիքը՝ էլեկտրոնային աճուրդների կայքը։ Կարծում են, որ փետրվար ամսին համակարգը լիարժեք պատրաստ կլինի։ Մասնավոր հատվածից անհատները կարող են, օրինակ, իրենց մեքենաները եւս վաճառել այս աճուրդով։
Կոմիտեի նախագահն իր պաշտոնավարման ընթացքում ծանոթացել է առկա խնդիրներին։ Ամենամեծ խնդիրը թերեւս համարում է պետական գույքի արդյունավետ կառավարումը։ Նա կարծում է, որ դրա արդյունավետությունը պետք է բարձրացվի, եւ այդ նպատակի համար ամենակարեւորը ամբողջ գույքի հաշվառման եւ գույքագրման բազան է։ «Դեռ նախորդ իշխանության ժամանակից սկսել է էլեկտրոնային ինտեգրացված բազայի ստեղծման գործընթաց։ Մենք պարզեցինք, որ այդ բազայի հետ կապված եւս խնդիրներ կան, կան ուռճացված ծախսեր։ Եվ մենք սկսել ենք բազայի փոփոխման աշխատանքներ, արդյունքում կստանանք շատ ավելի որակյալ եւ արդյունավետ էլեկտրոնային բազա։ Դրա շնորհիվ նաեւ հանրության համար հասանելի կլինի պետական գույքի վիճակը»,–ասաց Բաբայանը։ Համայնքային գույքերը կոմիտեի ենթակայության տակ չեն, սակայն Բաբայանը կարծում է, որ հաջորդ փուլում ճիշտ կլինի, որ այդ բազայում արտացոլվի նաեւ համայնքային պետական գույքը։
Կոմիտեն նաեւ մի շարք փոփոխություններ է նախատեսում կառավարության որոշումներում եւ օրենքներում։ Հայաստանում կա շուրջ 8800 պետական գույք, որոնցից որոշները գտնվում են այլ գերատեսչությունների ենթակայության տակ։ Կոմիտեի նախագահի խոսքով՝ այս պարագայում ունենում են ինֆորմացիոն խզումներ։ «Կարծում ենք՝ ճիշտ կլինի, որ ամբողջը մեկտեղվի։ Եվ սրա հետ կապված առաջարկությամբ ենք հանդես գալու, որ ողջ պետական գույքը գտնվի կոմիտեի ենթակայության տակ»,–ասաց նախագահը։
Այս նախաձեռնությունը Բաբայանը հիմնավորեց հետեւյալ կերպ. իրենց բալանսում գտնվող դպրոցները իրականացնում են իրենց բնականոն գործունեությունը, սակայն կոմիտեն տիրապետում է դրանց հետ կապված ողջ ինֆորմացիային։ «Եթե դպրոցի տարածքում մի հատված տրվում է վարձակալության, ապա մեզ հետ համաձայնեցված է լինում, եւ դա տեղի է ունենում աճուրդով։ Երբ դպրոցը մեր ենթակայության տակ չէ, ունենում ենք ինֆորմացիայի խիստ պակաս, օպերատիվությունը եւս նվազում է։ Մեր խնդիրն է այդ գործընթացներն արագացնել տարբեր մեխանիզմներով»,–ասաց Բաբայանն ու հավելեց՝ թվայնացումը կբարձրացնի արդյունավետությունը։
Աննա ԳՐԻԳՈՐՅԱՆ

06-12-2018





13-07-2019
Կարեւոր ազդակներ Ադրբեջանին ԱՄՆ օրենսդիրներից
Ներկայացուցիչների պալատն ընդունել է հայանպաստ օրենքներ

Լուսինե ՄԽԻԹԱՐՅԱՆ
l.mkhitaryan@hhpress.am


Նախօրեին ...


13-07-2019
Ստամբուլյան կոնվենցիան պաշտոնապես քննարկման առարկա չէ կառավարությունում
Ապրիլյան պատերազմի հարցով ԱԺ հանձնաժողովի եզրակացությունը հանրության համար ...


13-07-2019
«Ամեն մի մարդ ունի կյանքի փիլիսոփայության իր վարքականոնը»
Ջոն Դեւիսոն Ռոքֆելլերը (1839 1937) պատմության մեջ է մտել ...


13-07-2019
«Գիեդանիի պորտը». հարուստի ու աղքատի մշտական հարցը
Լիանա ՍԱՐԳՍՅԱՆ
l.sargsyan@hhpress.am


«Ոսկե ծիրան» 16-րդ միջազգային կինոփառատոնի լիամետրած ֆիլմերի ...


13-07-2019
Հաղթահարելով պատերազմի արհավիրքները
«Լողլողը» ժապավենը երեւանյան մեծ էկրանին է

Լիանա ՍԱՐԳՍՅԱՆ
l.sargsyan@hhpress.am


Լենինգրադ, ...


13-07-2019
«Բժշկական ծառայությունների հասանելիության ապահովումը մեզ համար առաջնահերթություն է»
Վարչապետ Նիկոլ Փաշինյանը շնորհավորել է ԵՊԲՀ շրջանավարտներին

Վարչապետ ...


13-07-2019
Հյուրընկալել է Արմեն Սարգսյանը
Հանրապետության նախագահ Արմեն Սարգսյանը երեկ հյուրընկալել է համաշխարհային ճանաչում ...



13-07-2019
Համամարդկային Չեքիջյանը
Գիտական նստաշրջան՝ նվիրված մաեստրոյի ...

 
13-07-2019
Մշակույթը ճակատագիր է
Հատվածներ Ֆարիդ Զաքարիայի «Ազատության ապագան. ...

13-07-2019
Երեւանում կառուցվում է նոր էլեկտրակայան
Կայացել է կառույցի շինարարական փուլի ...

13-07-2019
Ունենալ տեսլական, ռազմավարություն, գործողությունների ծրագիր. սա է զարգացման ճանապարհը
Նախագահ Արմեն Սարգսյանն ընդունել է ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO