Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

16.12.2018
ՀԱՍԱՐԱԿՈՒԹՅՈՒՆ


«Սպիտակի երկրաշարժը շատ ծանր փորձություն էր ինձ համար»

Ասում է ՌԴ վաստակավոր բժիշկ, ակադեմիկոս Գենադի Օնիշչենկոն

Հայաստանի համար 1988-ի դեկտեմբերյան սարսափելի օրերին ՌԴ Պետդումայի գիտության եւ կրթության հանձնաժողովի փոխնախագահ, վաստակավոր բժիշկ, ակադեմիկոս Գենադի Օնիշչենկոն Սպիտակում էր։ Նա ղեկավարել է հակահամաճարակային միջոցառումները։ Ակադեմիկոսը երեկ Երեւանում հանդիպեց լրագրողների հետ։ «Ինձ համար Սպիտակի երկրաշարժի տարելիցին այստեղ գալը պատվի հարց էր»,–անկեղծացավ բժիշկը։
Նա պատմեց 30 տարվա վաղեմության իր հիշողությունների մասին։ «Երկրաշարժից մի քանի ժամ հետո այստեղ ժամանեց բժիշկներով ինքնաթիռը։ Առաջինն, ինչի հետ բախվեցին գործընկերներս, ոչ սովորական վնասվածքներն էին՝ ճզմված հյուսվածքները։ Հենց բարձրացվում էր այն, ինչը ճզմում էր, մարդը մահանում էր աուտոինտոքսիկացիայից։ Բժիշկները շտապ վերասովորում էին, որպեսզի գնահատելով իրավիճակը՝ տեղում անդամահատում կատարեին։ Այլ կերպ հնարավոր չէր։ Դիալեզի դեղամիջոցների հսկայական պահանջարկ կար։ Այն ժամանակ դրանք այսքան շատ չէին։ Ընդգրկվեց նաեւ միջազգային հասարակայնությունը, արտասահմանից մատակարարումներ եղան, ծանր հիվանդներին մոսկովյան հիվանդանոցներն իրենց մոտ էին վերցնում, մանավանդ որ տուժածների մեծ թվաքանակի պատճառով Հայաստանի առողջապահությունը գլուխ չէր հանում»,–պատմեց Օնիշչենկոն։
Հետո առաջ եկավ օթեւանի խնդիրը, նույնիսկ կատակում էին, թե Լենինականն ավերվել է, մնացել է Ալեքսանդրոպոլը, այսինքն պահպանվել են միայն ցարական ժամանակաշրջանի կառույցները։ Համաճարակի սպառնալիք առաջացավ, առաջին հերթին՝ բացառված չէր ժանտախտի հնարավորությունը, քանի որ Սպիտակը տեղակայված է ժանտախտի բնական օջախում, իսկ երկրաշարժերի ժամանակ այն ակտիվանում է։ «Որոշվեց այնտեղ ուղարկել հատուկ հակահամաճարակային բրիգադներ, որոնք կարող էին առանձին աշխատել։ Առաջինը եկան Սարատովի ինստիտուտի մասնագետները։ Նրանք եկան ուշ գիշերին, տեղավորվեցին Սպիտակի մարզադաշտում»,–շարունակեց Գենադի Գրիգորեւիչը։ Նրա խոսքերով՝ քանի որ մեծ թվով զոհեր կային, ճանապարհների երկայնքով դագաղներ էին դրված։
«Սպիտակում ամբողջովին եւ Գյումրիում մասնավորապես ավերվել էին համապատասխան հակահամաճարակային կառույցները։ Պետք էր նրանց օգնել վերականգնել աշխատանքը։ Եվ պետք էր հասկանալ, որ բոլոր աշխատողները քաղաքների բնակիչներ էին եւ սթրեսի մեջ էին, կորցրել էին ընտանիքի անդամներին եւ տները, եւ անգործունակ էին»,– նշեց Օնիշչենկոն։
Բարեբախտաբար, նշեց նա, համաճարակ չեղավ։ «Բայց հոգեբանական տրավման, որ ստացել էին Հայաստանի բնակիչները, անմոռանալի է։ Ինձ մոտ տրավման մինչեւ հիմա մնացել է։ Թեեւ դրանից հետո ես ունեցել եմ Ֆերգանան եւ չեչենական իրադարձությունները, սակայն Սպիտակի երկրաշարժը շատ ծանր փորձություն էր ինձ համար»,–ընդգծեց նա։
Հետագայում նա բազմիցս եկել է Հայաստան, եղել է Ղարաբաղում։ «1989թ. մեկ անգամ էլ եմ եկել այստեղ, որպեսզի Արցախում, որտեղ կրկին սրվել էր իրավիճակը, զբաղվեմ հեպատիտի բռնկման կանխարգելմամբ։ Հետագայում բազմիցս Հայաստան եմ եկել։ Սակայն ինչ պատճառով էլ գամ, ձգտում եմ լինել Սպիտակում, հանդիպել այն մարդկանց, ում հետ աշխատել եմ։ Այդ իրադարձության հուշը մնում է»,–նշեց Գենադի Օնիշչենկոն։
Այսօր նա կմասնակցի հիշատակի արարողություններին եւ ծաղկեպսակ կդնի ՌԴ Պետդումայի կողմից։
Ն. Ա.

07-12-2018





15-12-2018
Մեր երկիրը մերժել է հանձնել հինգ շրջանները
Լուկաշենկոն պատմել է Նիկոլ Փաշինյանից ներողություն խնդրելու մասին



15-12-2018
«Հայերն ինձ մեծ հույս ներշնչեցին մարդ էակի նկատմամբ»
Վիրխինիա Մենդոսան իր համար բացահայտել է զարմանահրաշ երկիր ...


15-12-2018
ԵԱՏՄ երկրները միջազգային բյուրո են ստեղծում
Ավիացիոն պատահարներն ու լուրջ միջադեպերը քննելու համար

Հայաստանի ...


15-12-2018
Հայաստանի ֆինանսական համակարգը գնահատվել է կայուն
ԿԲ-ն այս տարվա համար մոտ 5 տոկոս տնտեսական ...


15-12-2018
Նվիրատվությունների գումարն ավելացել է
Սակայն ավելի կարեւոր էր «Հայաստան» հիմնադրամի նկատմամբ վստահությունը ...


15-12-2018
Կառավարությունը կաջակցի
Վարչապետի պաշտոնակատար Նիկոլ Փաշինյանն ընդունել է Հայաստանում Չեխիայի արտակարգ ...


15-12-2018
Նիկոլ Փաշինյանը հեռախոսազրույց է ունեցել Ջասթին Թրյուդոյի հետ
Վարչապետի պաշտոնակատար Նիկոլ Փաշինյանը հեռախոսազրույց է ունեցել Կանադայի վարչապետ ...



15-12-2018
Մանուկների աչքերով
«Արմենպրեսը», Խնկո Ապոր գրադարանը եւ ...

15-12-2018
Անցյալից զրկված ժողովուրդն ապագա ունենալ չի կարող
Հովհ. Շարամբեյանի անվան ժողովրդական ...

15-12-2018
Երեւանը պաշտոնապես Գինեսի ռեկորդակիր է
Աշխարհի ամենամեծ գաթայի ռեկորդը ...
USD
EURO
RUR
GEL
Եղանակը Երևանում
գիշերը +2... +4
ցերեկը +13... +15

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO