Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.06.2019
ՄԱՐԶԵՐ


Կունենա՞նք լոգիստիկ ԱՏԳ Գյումրիում

Ծրագիր, որը դեռեւս միայն ներկայացված է փաստաթղթում

Իսրայելական «Լոջիստիք ԷՖ Թի Զի» ՍՊԸ—ն հետաքրքրված է Գյումրիում ներդրումային ծրագիր իրականացնելու հեռանկարով։ Գյումրին ընտրվել է՝ նախ եւ առաջ հաշվի առնելով գործող օդանավակայանի առկայությունը, որտեղից հնարավոր է թռիչքներ իրականացնել դեպի եվրասիական երկրներ։
Շիրակի մարզկենտրոնում առաջիկայում նախատեսվում է կառուցել, շահագործել եւ զարգացնել օդային ուղիներով փոխադրվող ապրանքների համար նախատեսված լոգիստիկ ազատ տնտեսական գոտի։ Գաղափարը իրականության է վերածվել առայժմ միայն հուշագրի տեսքով այս տարեսկզբին, որը իրականություն դառնալու համար դեռ պետք է արժանանա ՀՀ կառավարության հավանությանը։ Եթե հաջողվի ծրագիրը կյանքի կոչել, ապա Գյումրիի գործող օդանավակայանը կշահագործվի եւ կնպաստի եվրասիական շուկա ապրանք արտահանելու գործընթացին։
Ծրագիրն ինքնին գրավիչ է, քանի որ աղետի գոտում 30 տարի անց նոր ներդրումային խոշոր ծրագիր է ենթադրում, որն իր հերթին խոստումնալից է նոր աշխատատեղեր հիմնելու առումով։ Ընկերության նախագծով պետք է կառուցապատվի 330 հա տարածք՝ ապահովելով մոտ 10 հազար աշխատատեղ։ Գյումրիի քաղաքապետարանից տեղեկացանք, թե ինչ ընթացքի մեջ է ծրագիրը։ Այն դեռեւս ՀՀ կառավարության քննարկման տիրույթում է, երբ վերջինս հավանություն տա ծրագրին ու տարածքի շահագործմանը, այդ պահից սկսած կձեռնարկվեն բոլոր գործնական քայլերը՝ կյանքի կոչելու լոգիստիկ ազատ տնտեսական գոտու նախագիծը։
Քաղաքապետ Սամվել Բալասանյանից տեղեկացանք, որ քաղաքապետարանն աջակցում է ընկերության նախաձեռնությանը եւ պատրաստ է համագործակցել վերջինիս հետ լոգիստիկ ԱՏԳ—ի հիմնադրման եւ զարգացման հարցում։
Նորաստեղծ լոգիստիկ ազատ տնտեսական գոտում հարկային արտոնություններով կգործեն մի շարք բրենդային ընկերություններ՝ տեղում ապրանքատնտեսական ծառություններ մատուցելու նպատակով։
Գյումրին կհանդիսանա որպես տարանցիկ գոտի, որտեղից փաթեթավորված ապրանքը օդային ուղիներով կհասնի եվրասիական երկրներ։ «Մեր նպատակն է ստեղծել ազատ տնտեսական գոտի այն ընկերությունների համար, որոնք էլեկտրոնային առեւտրի ոլորտում են գործում, ինչպիսիք են Amazon—ը, eBay—ը, որոնք զբաղվում են բեռների օդային փոխադրումով, իրականացնում են նաեւ դեղերի փաթեթավորում, կենցաղային, էլեկտրոնային սարքավորումների հավաքում, այս գործառույթները նպատակ կա կազմակերպելու Գյումրիում»,–վստահեցնում են ներդրողները։
Ծրագրի իրականացման համար քաղաքապետարանը տրամադրել է Մարմաշենի խճուղու աջ եւ ձախ կողմում գտնվող անօգտագործելի տարածքները, որոնք նախ պետք է մաքրվեն 1990—ականներից մնացած անավարտ շենքերի հիմքերից։ Մաքրման աշխատանքները, ըստ նախագծի, իրականացնելու է «Լոջիստիք Էֆ Թի Զի» ընկերությունը։ Գյումրու քաղաքապետարանն էլ իր հերթին պարտավորվում է իրականացնել օդանավակայանից մինչեւ Մարմաշենի խճուղի 14 կմ ճանապարհի բարեկարգման աշխատանքները։
Ծրագրի մեկնարկային փուլում հրավիրելու են մասնագետների արտերկրից, որոնք աշխատելու են ազատ առեւտրի գոտում եւ իրականացնելու են տեղի աշխատուժի վերապատրաստում։ Ընկերությունը նախատեսում է արտադրական գործընթացի մի մասը կազմակերպել Գյումրիում, որպեսզի կարողանա օգտվել հարկային արտոնություններից։
Եթե կառավարությունը հաստատի ներդրումային ծրագիրը, ապա մյուս տարվա գարնանից կմեկնարկեն աշխատանքները եւ բանակցություններ կծավալվեն կառավարության ձեւավորումից անմիջապես հետո։
Լոգիստիկ կենտրոնի ձեւավորմամբ միջազգային հայտնի ընկերությունները կկարողանան այս տարածքի միջոցով սպասարկել հատկապես եվրասիական տարածաշրջանը։ Այդ ընկերությունները իրականացնում են դեղերի փաթեթավորում, կենցաղային եւ էլեկտրոնային սարքավորումների կոմպլեկտավորում եւ այլն։ Բացի բիզնես նախագծի իրականացումից, ըստ Գյումրու քաղաքապետ Սամվել Բալասանյանի, այն դրական անդրադարձ կունենա նաեւ քաղաքի մաքրության վրա, այսինքն՝ կենտրոնի կառուցմամբ տարածքը կմաքրվի շինարարական աղբից, եւ կկառուցվի նոր ճանապարհ դեպի օդանավակայան։
Լուսինե ՆԱԶԱՐՅԱՆ

13-12-2018





15-06-2019
Հանրային վերահսկողությունը՝ կանխարգելիչ եւս մեկ միջոց
Քաղաքացու արձանագրած ճանապարհային կանոնների խախտումներին կտրվի իրավական գնահատական

Լուսինե ...


15-06-2019
Տավարի մսի մաքսատուրքը 61.5 տոկոսով նվազել է, գառի մսինը՝ սառեցվել
Ինչ կտա ՀՀ-ին ԵԱՏՄ-ԻԻՀ ազատ առեւտրի գոտու ստեղծման ...


15-06-2019
Շների, շնատերերի եւ Ծիծեռնակաբերդի զբոսայգու մասին
Գաղտնիք չէ, որ մեր մայրաքաղաքում վերջերս թափառող շները շատացել ...


15-06-2019
Խորհրդարանական մշակույթի ժողովրդավարացման հիմնախնդիրները՝ արժեբանական չափման ներքո
Հարցազրույց քաղաքական գիտությունների դոկտոր Մարիամ Մարգարյանի հետ

Խորհրդարանական ...


15-06-2019
Կանխարգելե՞լ, թե՞ գնալ հետեւանքները վերացնելու ճանապարհով
Օրինագիծը միտված է սպառողների իրավունքների պաշտպանությանը

Լուսինե ՄԽԻԹԱՐՅԱՆ
l.mkhitaryan@hhpress.am


«Շատ ...


15-06-2019
Դանիիլ Խարմս. «Պատահարներ» շարքից
«Մի պառավ չափազանց հետաքրքրությամբ դուրս նայեց պատուհանից, ցած ընկավ ...


15-06-2019
Հովհաննես Մելքոնյան
Իրեն, ինչպես շատերը, ես նույնպես Ռուբենիչ էի ասում. ու ...



15-06-2019
Նոր շունչ տիկնիկագործությանը
Թբիլիսիում բացվել է հայկական տիկնիկային ...

15-06-2019
Շախմատի արքան
Հունիսի 17-ին Տիգրան Պետրոսյանը կդառնար 90 ...

15-06-2019
Մեծագույն խնդիրը գիրք հրատարակելն է
Ծաղկաձորում քննարկվել են երիտասարդ ...

15-06-2019
Պետական պահպանության կարիք կա
Մարտունի-Եղեգնաձոր ճանապարհն անցնում է Գեղհովիտ ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO