Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

19.01.2019
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Մեր երկիրը մերժել է հանձնել հինգ շրջանները

Լուկաշենկոն պատմել է Նիկոլ Փաշինյանից ներողություն խնդրելու մասին

Բելառուսի նախագահ Ալեքսանդր Լուկաշենկոն երեկ հանդիպել է ռուսական լրատվամիջոցների հետ։ Նա դժգոհել է, որ ռուսական լրատվամիջոցները ոչ օբյեկտիվ են լուսաբանում Բելառուսի հետ կապված իրադարձությունները։
Որպես օրինակ նա բերել է վերջերս Սանկտ Պետերբուրգում կայացած Եվրասիական տնտեսական միության գագաթնաժողովը, երբ իրեն են մոտեցել ռուսական լրատվամիջոցների ներկայացուցիչները։ «Նրանք անպայման իմ ձեռքը բռնում են՝ իմանալով, որ ես բարձրախոսի կողքով հենց այնպես չեմ անցնի, եթե մարդը հարց է տալիս։ Ես հարգում եմ լրագրողներին, պատասխանում եմ նրանց հարցերին, ասում եմ, որ այնտեղ իրավիճակը թեժացել էր այնքան, որ ստիպված էինք միմյանցից ներողություն խնդրել»,–ըստ «Արմենպրեսի», ասել է Լուկաշենկոն։
Նա հավելել է, որ ռուսական լրատվամիջոցները ներկայացրել են ՌԴ նախագահ Վլադիմիր Պուտինի հետ վեճը, իսկ հետո ասել, որ Լուկաշենկոն ստիպված է եղել ներողություն խնդրել Պուտինից՝ նրա հետ խոսակցություն սկսելու համար։ «Աստված ձեզ հետ։ Ես իմ արժանապատվությունից ցածր կհամարեի դրա համար ներողություն խնդրելը։ Ես Նիկոլից (Հայաստանի Հանրապետության վարչապետի պաշտոնակատար Նիկոլ Փաշինյան) եմ ներողություն խնդրել տարբեր առիթներով նրա հասցեին արած հայտարարություններիս համար։ Պուտինը ներողություն է խնդրել բոլորից։ Այնտեղ այնպիսի խառնաշփոթ էր… Նազարբաեւը սկսեց ներողություն խնդրել։ Եվ դա իսկապես եղել է, այդ նիստի ընթացքում մենք միմյանցից ներողություն էինք խնդրում։ Բայց նրանք (ռուսական լրատվամիջոցները) հատուկ այդ տեղեկատվությունն էին տարածում»,–ասել է Բելառուսի նախագահը։
Բելառուսի նախագահն արձագանքել է Ադրբեջանին զենք վաճառելու մասին Փաշինյանի կշտամբանքներին, միայն թե նա իր արարքը բոլորովին այլ կերպ է մեկնաբանել։ «Ադրբեջանցիները խնդրում էին՝ վաճառեք մեզ, իսկ մեզ պետք էր փակել այն վարկը, որ վերցրել էինք դրանից առաջ։ Եվ ես ասացի՝ կվաճառեմ ադրբեջանցիներին ու նույնանման համալիր նաեւ Հայաստանին առաջարկեցի։ Հայերը հրաժարվեցին՝ ասելով, որ ռուսական «Իսկանդեր» ունեն, որը շքերթի ժամանակ ցույց են տվել։ Մենք էլ, ադրբեջանցիների խնդրանքով, համալիրը պատրաստեցինք այնպես, որ հասցնենք, եւ այն ցուցադրվի շքերթում։ Թերեւս, դա է իմ մեղքը, որ շտապել եմ ռազմական շքերթին հասցնել»,–ասել է Բելառուսի նախագահը՝ պնդելով, թե շատ լավ է վերաբերվում բոլոր երկրներին, այդ թվում՝ Հայաստանին ու հայերին։
Ալեքսանդր Լուկաշենկոն պատմել է նաեւ Լեռնային Ղարաբաղի հակամարտության կարգավորման քննարկումներից մի դրվագ։ Նա պատմել է, որ հարցը քննարկվել է 2016թ. Երեւանում կայացած ՀԱՊԿ գագաթնաժողովի ընթացքում։
«Ես եւ Պուտինն առաջարկեցինք հանձնել 5 շրջաններն Ադրբեջանին։ Նա (ՀՀ երրորդ նախագահ Սերժ Սարգսյանը) ասաց՝ եթե հանձնի այդ շրջանները, Ադրբեջանը կկտրի ճանապարհը եւ կօկուպացնի Ղարաբաղը։ Ես եւ Պուտինը խոստացանք, որ կներգրավենք մեր զորքերը եւ թույլ չենք տա անել դա։ Նա մերժեց առաջարկը»,–պատմել է Բելառուսի նախագահը։
Լուկաշենկոյի խոսքով՝ ինքը շփումներ է ունեցել Ադրբեջանի նախագահ Իլհամ Ալիեւի եւ Հայաստանի նախագահ Սերժ Սարգսյանի հետ Հայաստանի տարածքով դեպի Վրաստան ադրբեջանական գազամուղ անցկացնելու հարցով։ «Նրանք (Վրաստանն ու Ադրբեջանը,–խմբ.) խողովակ էին անցկացնում։ Կարծում եմ, որ դա գազատար խողովակ էր, որը շրջանցում էր Հայաստանը»,–նշել է Լուկաշենկոն։
Լուկաշենկոն պատմել է, որ այդ ժամանակ Ադրբեջանի նախագահ Իլհամ Ալիեւն իրեն խնդրեց խոսել Սերժ Սարգսյանի հետ, որ այդ գազամուղն անցնի Հայաստանի տարածքով։ «Ես այցելեցի Հայաստան՝ Սերժ Սարգսյանի հետ խոսելու եւ այդ մեսիջը փոխանցելու համար։ Նա մերժեց»,–ասել է Բելառուսի ղեկավարը։

15-12-2018





19-01-2019
Բնական մեղր, սխտոր, ճարպ եւ լավաշ
Ձմեռային ժամանակահատվածում զինծառայողներին կհատկացվի լրացուցիչ սնունդ

Զինված ուժերի ...


19-01-2019
Բաքվի ջարդերը ցեղասպանություն էին
Դրանք պետք է արժանանան միջազգային հանրության հստակ գնահատականին



19-01-2019
Առջեւում բարեփոխումների երկրորդ փուլն է
ԱԺ նախագահ Արարատ Միրզոյանը երեկ ԱԺ—ում պատասխանել է լրագրողների ...


19-01-2019
Փոփոխությունների անհրաժեշտությունը կարեւոր է
Միջազգային չափանիշների համաձայն՝ պետական կառավարման համակարգում պետք է լինի ...


19-01-2019
ԱՀՀ-ն ուզում է տեր կանգնել իր իրավունքներին
Մեկնարկել է ԱՀՀ-ի խորհրդարանի երկրորդ գումարման առաջին նստաշրջանը



19-01-2019
«Մենք Աստծո ընտրյալ ժողովուրդ ենք եւ հաղթելուց բացի այլ ճանապարհ չունենք»
Նախագահ Արմեն Սարգսյանն Աբու Դաբիում հանդիպել է հայ ...


19-01-2019
ՀՀ Ազգային ժողովի յոթերորդ գումարման խորհրդի անդրանիկ նիստը
Երեկ տեղի է ունեցել ՀՀ Ազգային ժողովի յոթերորդ գումարման ...



19-01-2019
Երրորդ անգամ Դավոսում
ՀՀ վարչապետ Նիկոլ Փաշինյանը կմասնակցի ...

19-01-2019
Հեռացա, որ մնամ
Ա՜խ, ափսո՛ս, որ հիմա այսպես
Լուռ ու ...

19-01-2019
Տրամադրությունների փոփոխություն արաբական աշխարհում
Երբ 2018թ. սկզբներին ԱՄՆ-ը իրականացրեց իր ...

19-01-2019
Սկսվում է ձյուդոյիստների վարկանիշային մրցաշարը
Հայ ձյուդոյիստները մարզումային հագեցած ...
USD
EURO
RUR
GEL
Եղանակը Երևանում
գիշերը 0... -2
ցերեկը +2... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO