Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.06.2019
ՏՆՏԵՍՈՒԹՅՈՒՆ


Հայաստանի ֆինանսական համակարգը գնահատվել է կայուն

ԿԲ-ն այս տարվա համար մոտ 5 տոկոս տնտեսական աճ է կանխատեսում

Հայաստանում ներքաղաքական զարգացումների շրջանում բանկային համակարգի կայունությունը չխաթարվեց։ ՀՀ կենտրոնական բանկի նախագահի տեղակալ Ներսես Երիցյանի կարծիքով, դա երկարատեւ եւ լուրջ աշխատանքի արդյունք է։ Նրա գնահատմամբ՝ 2018—ի տնտեսական աճը բավականին բարձր է՝ 5 տոկոսի շրջանակներում։
Ներսես Երիցյանն այս մասին խոսեց երեկ կայացած «Ֆիչ Ռեյթինգսի» երեւանյան համաժողովի ժամանակ։
«Տնտեսական աճը բավականին բարձր է՝ մեր գնահատականներով 5 տոկոսի շրջանակներում, վերջին եռամսյակի դրությամբ՝ 6.5 տոկոսից ավելի տնտեսական աճ։ Երկարաժամկետ գնահատականներում քննարկում ենք նաեւ պոտենցիալ աճի հնարավորությունները։ Այդ պոտենցիալը մենք տեսնում ենք 5 տոկոսի շրջանակում, եթե բազային գնահատում անենք»,–ասաց նա։
Եթե որպես հիմք ընդունեն այն կառուցվածքային բարեփոխումները, որ կառավարության ծրագրով հրապարակվել են, կարող են ակնկալել ավելի բարձր տնտեսական աճ։ Երիցյանի կարծիքով՝ 2018—ի տնտեսական եւ դրամավարկային քաղաքականության հիմնական նպատակադրումներին մոտ են։
«Տարվա ընթացքում մենք ունեցել ենք բավականին լուրջ շոկի հնարավորություն՝ պայմանավորված քաղաքական զարգացումներով։ Սակայն փոխարժեքը, բանկային, ֆինանսական համակարգը Հայաստանում կայուն են մնում։ Սա երկարատեւ եւ լուրջ աշխատանքի արդյունք է։ Հնարավոր է, որ պրոֆեսիոնալ աշխատանքը արտաքինից չի երեւում։ Երբ համակարգի կապիտալն ավելացնում էինք 2014—ի նավթային ճգնաժամից հետո, մարդիկ տարբեր մեկնաբանություններ էին անում, թե իբր ուզում ենք մրցակցությունը խեղդենք։ Սակայն մենք պարզապես մեր գործն էինք անում, զսպում էինք, որ հետագայում արտաքին շոկերը եւ տարբեր ցնցումները՝ այդ թվում ներքին, չազդեն ֆինանսական կայունության վրա»,–ասաց Երիցյանը։
Կենտրոնական բանկը անկախ է, իրենք դրանով կարողացան իրենց պրոֆեսիոնալ խոսքը տեղ հասցնել, ինչի արդյունքները հիմա տեսանելի են, նկատեց Երիցյանը։ Տարածաշրջանի երկրների համեմատ՝ Հայաստանում ապահովվում է ֆինանսական կայունությունը, գների կայունությունը, նաեւ շուկաներում համեմատական կայունությունը։
Երիցյանի խոսքով՝ պահուստները տարվա ընթացքում եւս շատ բարձր են՝ չնայած որոշակի տատանումներին։ «Մենք զուտ 40—50 մլն դոլարի կարգի գնումներ ենք իրականացրել՝ համալրելով մեր պահուստները, որպեսզի կանխենք նաեւ չարդարացված տատանումները»,–եզրափակեց ԿԲ—ի նախագահի տեղակալը։
Ներսես Երիցյանի խոսքով՝ Հայաստանում գնաճը բավականին ցածր է մնում, 12—ամսյա գնաճը նոյեմբերի դրությամբ կազմել է 1.8 տոկոս. «Մենք հարցումներ ենք իրականացնում հանրության եւ ֆինանսական ինստիտուտների շրջանակում։ Եվ եթե տարվա սկզբին՝ մինչեւ 3—րդ եռամսյակը, կային գնաճի արագացման որոշակի սպասումներ, ապա այսօր այդ սպասումները քիչ են՝ գնաճի զարգացումներից ելնելով։ Գնաճը գտնվում է մեր կանխատեսման շրջանակում։ Եվ տարին կավարտենք մեր թիրախի շրջանակներում»։
Նրա կարծիքով՝ դրամավարկային քաղաքականությունը դեռ պետք է մնա ընդլայնողական, որպեսզի կարողանան գնաճի նպատակներին հասնել։
Երիցյանի խոսքով՝ ընթացիկ հաշիվը նույնպես կայուն է մնում։ Նա սա համարեց կարեւորագույն մակրոտնտեսական ցուցանիշ։ Այս տեսակետից վերջին մի քանի տարիներին ընթացիկ հաշվի դեֆիցիտը բավականին ցածր է։ Երիցյանը հույս հայտնեց, որ արտահանման հետագա զարգացումների եւ աճի, դիվերսիֆիկացման հաշվին այդ միտումները կպահպանվեն։

***
Արժույթի միջազգային հիմնադրամի գործադիր խորհուրդը Հայաստանի ֆինանսական համակարգը գնահատել է կայուն, իսկ բանկային վերահսկողության բազելյան հիմնարար սկզբունքներին համապատասխանությունը՝ բարձր՝ 97%։ ՀՀ կենտրոնական բանկի հասարակայնության հետ կապերի ծառայությունից հայտնում են, որ Արժույթի միջազգային հիմնադրամի զեկույցի համաձայն՝ ֆինանսական համակարգի կայունությունն ամրապնդվել է, իսկ ճկունությունն աճել՝ երաշխիք հանդիսանալով ֆինանսական համակարգի գործունեության անընդհատության պահպանման համար։ Թեեւ տարածաշրջանին բնորոշ արտաքին ռիսկերը մնում են արդիական, այնուամենայնիվ, իրականացված սթրես—թեստերի արդյունքները վկայում են, որ Հայաստանի բանկային համակարգի կողմից ռիսկերի կլանման ճկունությունը պահպանվում է։
ԱՄՀ գործադիր խորհուրդը ողջունել է ֆինանսական համակարգի կայունության եւ զարգացման մասով արձանագրված առաջընթացը։
Ա. Գ.

15-12-2018





15-06-2019
Հանրային վերահսկողությունը՝ կանխարգելիչ եւս մեկ միջոց
Քաղաքացու արձանագրած ճանապարհային կանոնների խախտումներին կտրվի իրավական գնահատական

Լուսինե ...


15-06-2019
Տավարի մսի մաքսատուրքը 61.5 տոկոսով նվազել է, գառի մսինը՝ սառեցվել
Ինչ կտա ՀՀ-ին ԵԱՏՄ-ԻԻՀ ազատ առեւտրի գոտու ստեղծման ...


15-06-2019
Շների, շնատերերի եւ Ծիծեռնակաբերդի զբոսայգու մասին
Գաղտնիք չէ, որ մեր մայրաքաղաքում վերջերս թափառող շները շատացել ...


15-06-2019
Խորհրդարանական մշակույթի ժողովրդավարացման հիմնախնդիրները՝ արժեբանական չափման ներքո
Հարցազրույց քաղաքական գիտությունների դոկտոր Մարիամ Մարգարյանի հետ

Խորհրդարանական ...


15-06-2019
Կանխարգելե՞լ, թե՞ գնալ հետեւանքները վերացնելու ճանապարհով
Օրինագիծը միտված է սպառողների իրավունքների պաշտպանությանը

Լուսինե ՄԽԻԹԱՐՅԱՆ
l.mkhitaryan@hhpress.am


«Շատ ...


15-06-2019
Դանիիլ Խարմս. «Պատահարներ» շարքից
«Մի պառավ չափազանց հետաքրքրությամբ դուրս նայեց պատուհանից, ցած ընկավ ...


15-06-2019
Հովհաննես Մելքոնյան
Իրեն, ինչպես շատերը, ես նույնպես Ռուբենիչ էի ասում. ու ...



15-06-2019
Նոր շունչ տիկնիկագործությանը
Թբիլիսիում բացվել է հայկական տիկնիկային ...

15-06-2019
Շախմատի արքան
Հունիսի 17-ին Տիգրան Պետրոսյանը կդառնար 90 ...

15-06-2019
Մեծագույն խնդիրը գիրք հրատարակելն է
Ծաղկաձորում քննարկվել են երիտասարդ ...

15-06-2019
Պետական պահպանության կարիք կա
Մարտունի-Եղեգնաձոր ճանապարհն անցնում է Գեղհովիտ ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO