Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ԱՇԽԱՐՀ


Վերադարձի կանաչ լույս՝ հայերին

Ռուբեն Սաֆրաստյանը Բաշար ալ—Ասադի հայտարարությունը կարեւոր է համարում

Սիրիայում պատերազմի փուլն ավարտվելու մասին դեռ վաղ է խոսելը։ ՀՀ ԳԱԱ արեւելագիտության ինստիտուտի տնօրեն Ռուբեն Սաֆրաստյանն «Արմենպրեսի» մամուլի սրահում հրավիրված ասուլիսում նշեց, որ Թուրքիայի զինուժը սահմանին պատրաստ սպասում է հրամանի, որ հերթական անգամ մտնի Սիրիա։
«Ամեն ինչ սկսվեց նրանից, երբ ԱՄՆ—ն հայտարարեց Սիրիայից զորքերը դուրս բերելու մասին։ Դա բերեց նոր զարգացումների, որոնց կենտրոնում հայտնվեց Թուրքիան։ Վերջինս ԱՄՆ—ից պահանջեց իրենց կողմից Սիրիայի հյուսիսային շրջաններում ստեղծված 22 ռազմակայանները կամ ոչնչացնել, կամ փոխանցել թուրքական կողմին։ ԱՄՆ–ն համաձայն չէ այդ պահանջի հետ, այնինչ Թուրքիան ենթադրում է, որ այդ ռազմակայանները կմնան քրդերին։ Տեսնում ենք, որ այստեղ խնդիր է առաջացել ԱՄՆ—ի ու Թուրքիայի միջեւ»,–ասաց Ռուբեն Սաֆրաստյանը։
Երկու երկրների միջեւ առաջացած հաջորդ խնդիրն այն է, որ քրդերից կազմված զինված կազմակերպություններին Թուրքիան բնութագրում է ահաբեկչական, իսկ այդ ձեւակերպումն ընդունելի չէ ԱՄՆ—ի համար, որովհետեւ այդ ջոկատների մի մասը կռվում էին ամերիկացիների հետ կողք կողքի։ Էրդողանը հստակ հայտարարեց, որ մինչեւ վերջ պայքարելու են ահաբեկիչների դեմ՝ նկատի ունենալով քրդական ջոկատները։
«Ներկայումս թուրքական բանակը կանգնած է սահմանին, պատրաստ է հրամանին, իսկ Թուրքիայի ղեկավարությունը հայտարարում է, որ այդ հրամանը վաղ թե ուշ կտրվի»,– ասաց Ռուբեն Սաֆրաստյանը։
Նա նշեց, որ ստեղծված իրավիճակում քրդերը դիմեցին ինքնապաշտպանության։ Նրանք լուրջ մտավախություն ունեն, որ թուրքերը կմտնեն Սիրիայի տարածք։ Նրանք դիմեցին Սիրիայի կառավարությանն աջակցելու համար։ Դա հանգեցրեց նրան, որ ռուսական շրջիկ ջոկատները տեղավորվեցին Սիրիայի հյուսիսում։ Ռուբեն Սաֆրաստյանի խոսքով, քրդերը փորձեցին հակազդել Թուրքիայի գործողություններին։ Նրա խոսքով, ներկայում ԱՄՆ–Թուրքիա առեւտրային գործարք է ընթանում, ինչը կարող է հանգեցնել նաեւ Թուրքիայի դերի նվազմանը Սիրիայում։
Ռուբեն Սաֆրաստյանը նկատեց, որ մյուս կողմից էլ խոսվում է Սիրիայի վերականգնման մասին։
«Բավական դրական զարգացումներ կարող են լինել Սիրիային ֆինանսական օգնություն ցուցաբերելու հետ կապված։ Հետաքրքիր էր այն հայտարարությունը, որ Սաուդյան Արաբիան պատրաստ է օգնություն ցույց տալ Սիրիայի վերականգնման աշխատանքներին։ Եթե դա լինի, ապա լուրջ գործընթաց կսկսվի»,–ասաց Ռուբեն Սաֆրաստյանը։
Ռուբեն Սաֆրաստյանը նշեց, որ 2019 թվականին որոշակի լուծում կլինի Սիրիայում քրդական հարցի հետ կապված։ Նրա կարծիքով, նշմարվում է այն, որ քրդերը կստանան մեծ ինքնավարություն Սիրիայի կազմում։ Մինչ այդ Սիրիայի Սահմանադրությունը չէր ճանաչում ոչ մի ինքնավարություն։
Խոսելով Սիրիայում հայ համայնքի մասին՝ Ռուբեն Սաֆրաստյանը նշեց, որ նկատվում է հայերի վերադարձ։ Նա կարեւոր համարեց այն տեղեկատվությունը, որ Սիրիայի նախագահ Բաշար ալ—Ասադը հայտարարել է Դեր Զորի հայկական եկեղեցին իր անձնական միջոցներով վերականգնելու մասին։
«Սա խորհրդանշական քայլ է, Սիրիայի իշխանությունը ցույց է տալիս, որ շահագրգռված են հայերի վերադառնալու հարցում, դա վերադարձի կանաչ լույս է»,–ասաց նա։

12-01-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO