Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

24.03.2019
ԱՌՈՂՋԱՊԱՀՈՒԹՅՈՒՆ


H1N1-ով պայմանավորված մահվան դեպք Հայաստանում

Սեզոնային գրիպի դեմ պատվաստվել է 6 ամսականից 5 տարեկան երեխաների ավելի քան 2 տոկոսը

Հանրապետությունում H1N1—ով պայմանավորված մահվան դեպք է գրանցվել։
«Արմենպրեսի» հաղորդմամբ՝ ՀՀ ԱՆ հիվանդությունների վերահսկման եւ կանխարգելման ազգային կենտրոնի գլխավոր տնօրեն Արտավազդ Վանյանը լրագրողների հետ ճեպազրույցում ասաց, որ մահացածը կին է, ով զուգահեռ այլ հիվանդություններ եւս ուներ։
Ինչ վերաբերում է «Արաբկիր» բժշկական կենտրոնում երեխայի մահվան դեպքին՝ Վանյանը նշեց, որ երեխան վիրուսային վարակ ընդհանրապես չի ունեցել։ «Բարդ անատոմիական հետազոտություններ կարվեն, եւ կպարզենք ինչն է եղել մահվան պատճառը»,—ասաց նա։
Հանրապետությունում շրջանառվում են H1N1 վիրուսի Ա եւ Բ ենթատեսակները, որոնցից 99 տոկոսը գրիպի Ա ենթատեսակն է, 1 տոկոսը՝ Բ ենթատեսակը։
Արտավազդ Վանյանի խոսքով՝ նույն պատկերը մեր հարեւան երկրներում է, ինչպես նաեւ եվրոպական երկրներում։ «Ներկա պահին մեր հետազոտած 549 նմուշից 51—ը H1N1 էին, մնացածը այլ շնչառական վարակներ են եղել»,– ասաց նա՝ ընդգծելով, որ հանրապետությունում H1N1 վիրուսով պայմանավորված սահմանային վերահսկողության կարիք չկա։
Վանյանը նշեց, որ Հայաստանն այն երկրների շարքին է պատկանում, որտեղ համարյա բոլոր ռիսկային խմբերի մոնիթորինգ է իրականացվում։ «Պոլիկլինիկական դիմելիությունը այս պահին կազմում է 1251 անձ, անցյալ տարվա 967—ի փոխարեն։ Ստացիոնարներում 693 հիվանդ ունենք՝ անցյալ տարվա 658 հիվանդի փոխարեն»,—նշեց Վանյանը՝ հավելելով, որ սուր շնչառական հիվանդությունների որոշակի աշխուժացում կա, սակայն համաճարակաբանական ցուցանիշներով էական լուրջ բարձրացում չունենք։
ՀՀ ԱՆ հիվանդությունների վերահսկման եւ կանխարգելման ազգային կենտրոնի գլխավոր տնօրենն ընդգծեց, որ ուսումնական հաստատություններում իրականացվող համաճարակաբանական ֆիլտրի արդյունքում, հունվարի 10—ի դրությամբ 432 երեխա տուն է ուղարկվել, որից 250—ը՝ մարզերից։
Ի դեպ, ՀՀ ԱԳՆ մամուլի խոսնակ Աննա Նաղդալյանը ասել է, որ Վրաստանում Հայաստանի դեսպանությունից տեղեկացրել են, որ Վրաստանում H1N1—ով վարակվածների ու մահացածների շարքում հայեր չկան։
Հանրապետությունում 2019 թվականի հունվարի 10—ի դրությամբ սեզոնային գրիպի դեմ պատվաստվել է 6 ամսականից 5 տարեկան երեխաների 2.3%—ը, հղիների՝ 1.6%—ը, 65 տարեկանից բարձր տարիքի անձանց՝ 1.1%—ը, քրոնիկ հիվանդների՝ 6.9%—ը, փակ կազմակերպություններում գտնվող անձանց եւ սպասարկող անձնակազմի՝ 60.6%—ը։
ՀՀ առողջապահության նախարարության իմունականխարգելման ազգային ծրագրի ղեկավար Գայանե Սահակյանի հավաստմամբ՝ բոլոր պոլիկլինիկաները եւ ամբուլատորիաները ապահովված են սեզոնային գրիպի դեմ պատվաստանյութով։ «Սուր շնչառական՝ հատկապես սեզոնային գրիպի վիրուսների համար թիրախ են հղիները, 6 ամսականից 5 տարեկան երեխաները, առողջական խնդիրներ ունեցող, 65 տարեկանից բարձր, փակ կազմակերպությունների (ծերանոցներ, մանկատներ, բանակ, բուժաշխատողներ եւ այլն) անձինք։ Հորդորում եմ այս խմբի ներկայացուցիչներին՝ դիմեք ամբուլատոր—պոլիկլինիկական կազմակերպություններ՝ պատվաստումների համար։ Անցանկալի բարդություններ կարող են առաջանալ հենց այս խմբերում»,–«Ֆեյսբուքի» իր էջում գրել է նա։

12-01-2019





23-03-2019
Գաղտնալսող սարքեր այլեւս չեն կարող ներկրել
Կոռուպցիայի դեմ պայքարում ԱԱԾ-ն խոստանում է հնչեղ բացահայտումներ



23-03-2019
Աննկատ աշխատանքի նկատելի արդյունքը
Մետրոպոլիտենի առեղծվածը «կուլիսներում» է

Քաղաքի ներքեւի «քաղաքի» մուտքը, ...


23-03-2019
Նոր իրավիճակ միջազգային իրավունքում
Ճանաչումը կհակասի ՄԱԿ-ի ԱԽ-ի բանաձեւերին

Ժամանակակից միջազգային իրավունքում ...


23-03-2019
Չկա վատ հող, կա վատ մշակող
Բացվեց օրգանական գյուղատնտեսության ուսումնական կենտրոնը

Օրեցօր մեծանում է ...


23-03-2019
ՀՀ նախագահին հավատարմագրերն է հանձնել Կուբայի դեսպանը
Հանրապետության նախագահ Արմեն Սարգսյանին երեկ իր հավատարմագրերն է հանձնել ...


23-03-2019
Առողջ սերունդ եւ ամուր թիկունք
Ֆիզիկական դաստիարակության համակարգը ենթակա է վերանայման

Հրադադարի եւ ...


23-03-2019
Գարդասիլ. ինչու է կարեւոր պատվաստվելը
ԱՆ-ն մտահոգիչ է համարում առկա ցուցանիշները

Կանանց համար ...



23-03-2019
«Արցախի մանդատն անփոփոխ է»
Ինչն է հիմք հանդիսացել համատեղ ...

23-03-2019
Թումանյանի վերջին գարունն ու մահվան հանգամանքները
Այսօր բանաստեղծի մահվան օրն է


23-03-2019
Մաքուր Հայաստանը իրականություն պետք է դառնա բոլորիս ջանքերով
Այսօր տեղի կունենա այս տարվա համապետական ...

23-03-2019
Պետությունը քաջալերում է տնտեսավարող սուբյեկտներին
Նախագահը հորդորեց հաշվի առնել Արցախի ...
USD
EURO
RUR
GEL
Եղանակը Երևանում
գիշերը +4... +6
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO