Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.07.2019
ԱՇԽԱՐՀ


Արաբական ՆԱՏՕ. գաղափա՞ր, թե՞ իրողություն

Օրերս ԱՄՆ պետքարտուղար Մայք Պոմպեոն «Ֆոքսբիզնես նեթվորք» («Foxbusiness Networks» հեռուստատեսությանը տված հարցազրույցում հայտարարել է, որ ԱՄՆ կառավարությունը շուտով իրականացնելու է ռազմական նոր դաշինք ստեղծելու ծրագիրը։ Նա շեշտել է, որ նոր դաշինքը ապագա տարիներին կապահովի Միջին Արեւելքի կայունությունը։
Պոմպեոն հավելել է նաեւ, որ այն ոչ թե հակազդելու է տարածաշրջանում Իրանի քայլերին, այլեւ ակտիվորեն գործելու է ընդդեմ Իրանի ապակայունացնող ձեռնարկումների։ Նա ի պատասխան հարցի, թե արդյոք ԱՄՆ—ն ի զորու է նման դաշինք ստեղծելու, ընդգծել է, որ ավելի քան համոզված է դրանում։ Նա նշել է, որ այժմ աշխատում են այդ ծրագրի մանրամասների վրա։ Ամերիկյան «Նյուս ուիք» պարբերականը, անդրադառնալով նշյալ հարցազրույցին, նշել է, որ տարածաշրջանի բազմաթիվ երկրներ համաձայնել են մասնակցել դաշինքին։ Նշյալ պարբերականը Պոմպեոյի խոսքը գնահատել է որպես նախագահ Թրամփի Իրանի դեմ քաղաքականության բաղկացուցիչ մաս։
Խոսքը վերաբերում է արաբական երկրների մասնակցությամբ Միջին Արեւելքում Իրանի ազդեցությունն արգելակելու, այդ երկիրը մեկուսացնելու նպատակով արաբական ՆԱՏՕ ստեղծելուն։ Հարկ է նշել, որ սա բնավ էլ նոր գաղափար չէ, այլեւ նախագահ Թրամփի նախագահության առաջին իսկ օրերից՝ 2017թ. հունվար—փետրվարից, շրջանառության մեջ է եղել, երբ նա խոսել է Իրան—5+1—ի չեղարկման անհրաժեշտության մասին։
Ի դեպ, 2017թ., երբ Թուրքիան ակնկալում էր Թրամփի լիարժեք աջակցությունը Սիրիայում, մասնավորապես քրդերի հարցում, քայլ էր կատարում ստեղծվելիք դաշինքի հետ սերտ համագործակցելու ուղղությամբ, անգամ Իսրայելից ու ԱՄՆ—ից առավել։ Ընդհուպ խոսվում էր այդ երկրի հավանական մասնակցության մասին։ Հանգամանք, ինչը ակնհայտ դարձավ 2017թ. մյունխենյան անվտանգության համաժողովում, որտեղ, թերեւս ոչ պատահականորեն, դաշինքի հնարավոր անդամներն ու աջակիցները միաժամանակ միաձայն եւ նույնանման մեղադրանքներ հնչեցրին Իրանի հասցեին։ Թուրքիայի ԱԳ նախարարը եւս Իրանի միջամտությունները տարածաշրջանի երկրներում խիստ դատապարտեց, այն դեպքում, երբ թվում էր, թե Իրան—Թուրքիա փոխհարաբերություններում առկա է սերտացման միտում։ Մինչդեռ Թեհրանի դիվանագիտական բառապաշարը ոչ միայն Թուրքիայի, այլեւ տարածաշրջանի երկրների հետ գլխավորապես խաղաղասիրական բնույթ ունի եւ կոշտանում է միայն այն դեպքերում, երբ «դանակը ոսկորին է հասնում»։
Սակայն 2017—18թթ. տարածաշրջանի զարգացումների բերումով, այդ թվում՝ Թուրքիայի հուսախաբությունը ԱՄՆ—ից ակնկալիքների հարցում եւ երկու երկրների փոխհարաբերություններում լարվածության առաջացումը, Կատարի եւ Սաուդյան Արաբիայի, Բահրեյնի, Արաբական Միացյալ Էմիրությունների ու Եգիպտոսի միջեւ ծագած լուրջ տարաձայնությունները, արաբական ՆԱՏՕ—ի ձեւավորման հարցը պատճառ դարձան, որ այն ժամանակավորապես սառեցվի։ Իսկ այժմ թվում է, թե դրա ձեւավորման համար ստեղծված պայմանները նպաստավոր են, արաբական որոշ երկրների եւ Իսրայելի միջեւ փոխհարաբերությունների բնականոնացման միտումը նկատելի է։ Բացի այդ, ԱՄՆ—ն հեռացել է Իրանի միջուկային ծրագրերի վերաբերյալ Իրանի—5+1—ի համաձայնությունից։ Եթե արաբական ՆԱՏՕ—ի նախնական տարբերակում Թուրքիան կարեւոր դերակատարներից էր, ապա նոր նախագծով ոչ միայն որեւէ դեր չունի, այլեւ, ինչպես դեռեւս 2018թ. նոյեմբերի համարում գրել է գերմանական «Թագսցայթունգ» օրաթերթը, այն նպատակամղված է նաեւ ինչ—որ առումով զսպելու Թուրքիային, որում առանցքային դեր է վերապահված Սաուդյան Արաբիային ու Եգիպտոսին։
«Թագսցայթունգը» նաեւ նշում է, որ Վաշինգտոնը, «Իրանի սպառնալիքը» չափազանցնելով եւ արաբական ՆԱՏՕ ձեւավորելով, ոչ միայն Միջին Արեւելքում իր քաղաքականությունը կիրականացնի, այլեւ զենք վաճառելու լավ հնարավորություն կստեղծի։

Էմմա ԲԵԳԻՋԱՆՅԱՆ

09-02-2019





13-07-2019
Կարեւոր ազդակներ Ադրբեջանին ԱՄՆ օրենսդիրներից
Ներկայացուցիչների պալատն ընդունել է հայանպաստ օրենքներ

Լուսինե ՄԽԻԹԱՐՅԱՆ
l.mkhitaryan@hhpress.am


Նախօրեին ...


13-07-2019
Ստամբուլյան կոնվենցիան պաշտոնապես քննարկման առարկա չէ կառավարությունում
Ապրիլյան պատերազմի հարցով ԱԺ հանձնաժողովի եզրակացությունը հանրության համար ...


13-07-2019
«Ամեն մի մարդ ունի կյանքի փիլիսոփայության իր վարքականոնը»
Ջոն Դեւիսոն Ռոքֆելլերը (1839 1937) պատմության մեջ է մտել ...


13-07-2019
«Գիեդանիի պորտը». հարուստի ու աղքատի մշտական հարցը
Լիանա ՍԱՐԳՍՅԱՆ
l.sargsyan@hhpress.am


«Ոսկե ծիրան» 16-րդ միջազգային կինոփառատոնի լիամետրած ֆիլմերի ...


13-07-2019
Հաղթահարելով պատերազմի արհավիրքները
«Լողլողը» ժապավենը երեւանյան մեծ էկրանին է

Լիանա ՍԱՐԳՍՅԱՆ
l.sargsyan@hhpress.am


Լենինգրադ, ...


13-07-2019
«Բժշկական ծառայությունների հասանելիության ապահովումը մեզ համար առաջնահերթություն է»
Վարչապետ Նիկոլ Փաշինյանը շնորհավորել է ԵՊԲՀ շրջանավարտներին

Վարչապետ ...


13-07-2019
Հյուրընկալել է Արմեն Սարգսյանը
Հանրապետության նախագահ Արմեն Սարգսյանը երեկ հյուրընկալել է համաշխարհային ճանաչում ...



13-07-2019
Համամարդկային Չեքիջյանը
Գիտական նստաշրջան՝ նվիրված մաեստրոյի ...

 
13-07-2019
Մշակույթը ճակատագիր է
Հատվածներ Ֆարիդ Զաքարիայի «Ազատության ապագան. ...

13-07-2019
Երեւանում կառուցվում է նոր էլեկտրակայան
Կայացել է կառույցի շինարարական փուլի ...

13-07-2019
Ունենալ տեսլական, ռազմավարություն, գործողությունների ծրագիր. սա է զարգացման ճանապարհը
Նախագահ Արմեն Սարգսյանն ընդունել է ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO