Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

24.04.2019
ԱՇԽԱՐՀ


Որն է Վարշավայի միջազգային համաժողովի օրակարգը

Փետրվարի 13-14-ը Վարշավայում տեղի է ունենում «Հանուն կայուն եւ խաղաղ Միջին Արեւելքի» խորագրով շուրջ 70 երկրների ԱԳ նախարարների համաժողովը։ ԱՄՆ—ն, լինելով համաժողովի կազմակերպիչներից, մասնակցում է փոխնախագահ Մայք Փենսի եւ պետքարտուղար Մայք Պոմպեոի մակարդակով։
Պոմպեոն համաժողովին մասնակցության շրջանակներում այցելել է եւ կայցելի Եվրամիության անդամ որոշ երկրներ՝ Հունգարիա, Սլովակիա, Իսլանդիա եւ Բելգիա։ Բրյուսելում Պոմպեոն Եվրամիության գերագույն հանձնակատար Ֆեդերիկա Մոգերինիի հետ բանակցություններում քննարկման առարկա կդարձնի նաեւ «Իրանի եւ Ռուսաստանի սպառնալիքների հարցը»։
Վարշավյան բավական աղմկահարույց համաժողովն ավելի քան մեկ ամիս է, ինչ միջազգային ԶԼՄ—ների կարեւոր թեմաներից է եւ բուռն կերպով քննարկվում է քաղաքական ու փորձագիտական շրջանակներում։ Հարցն օրակարգային է դարձել հունվարի 11—ին, երբ ԱՄՆ—ն եւ Լեհաստանը, հանդես գալով համատեղ հայտարարությամբ, պաշտոնապես հայտնեցին համաժողովի մասին։ Ինչ վերաբերում է դրա օրակարգին, ապա համատեղ հայտարարությունում նշվել է, որ զետեղված են՝ ծայրահեղականության, ահաբեկչության, հրթիռաշինության ընդլայնման, առեւտրի ծովային ուղիների անվտանգության, հովանավորվող զինված ուժերի սպառնալիքների հարցերը եւ այլն։ Սակայն փորձագետները համոզմունք են հայտնում, որ այն ծրագրվել է Իրանի դեմ ճնշումները մեծացնելու նպատակով։ Ավելին, ամերիկյան «Ֆոքս նյուզ» հեռուստատեսությունը, վկայակոչելով Պոմպեոի խոսքերը, հայտարարել է, որ մի քանի տասնյակ երկրների մասնակցությամբ Վարշավայում տեղի է ունենալու «Իրանի առնչությամբ» միջազգային համաժողով։ Համաժողովին հրավիրվել են նաեւ Միջին Արեւելքի եւ Հյուսիսային Աֆրիկայի արաբական երկրներ ու Իսրայելը։ Վերջինս հայտարարել է, որ իր մասնակցությունը լինելու է վարչապետ Նաթանյահուի մակարդակով, որը միաժամանակ նաեւ այդ երկրի ԱԳ նախարարն է։ Նշենք նաեւ, որ Մոգերինին չի մասնակցելու համաժողովին։ Բացի այդ, հայտնի չէ, թե եվրոպական եւ այլ երկրների մասնակցությունն ինչ մակարդակով է լինելու։ Նույնիսկ հնչում էին ԵՄ—ի կողմից համաժողովը բոյկոտելու տեսակետներ, Ռուսաստանը եւս դեմ արտահայտվեց համաժողովի անցկացմանը։ Վարշավայի ընտրությունը վերլուծաբանները պայմանավորում են երկու հանգամանքով՝ Լեհաստան—ԵՄ առկա որոշ տարաձայնություններով, եւ Իրանի հարցով ԵՄ—ի շարքերում պառակտում առաջացնելու նպատակով։ Այս մասին գրել է նաեւ ամերիկյան «Ուոլ սթրիթ ջորնալ» օրաթերթը՝ վկայակոչելով եվրոպացի դիվանագետներին։
Ահա թե ինչու վարշավյան համաժողովը արժանացել է Իրանի խիստ հակազդեցությանը։ Նախ Իրանի ԱԳ նախարարություն հրավիրվեց Լեհաստանի դեսպանը, ապա Իրան ժամանեց այդ երկրի փոխնախարարը, որը շեշտեց, որ համաժողովը հակաիրանական բնույթ չի կրում եւ այն վերաբերում է Միջին Արեւելքի՝ Սիրիայի, Եմենի եւ այլ հարցերին։ Բացի այդ, ԱՄՆ պետքարտուղարության մի պաշտոնյա էլ հայտարարել է, որ համաժողովը «ոչ հակաիրանական է եւ ոչ էլ նպատակամղված է կոալիցա ձեւավորելուն»։ Ավելին, Իրանի ԶԼՄ—ներում վերլուծաբաններն ու քաղաքական գործիչները, այդ թվում՝ ԱԳ փոխնախարար Արաղչին, քննարկման առարկա դարձրին Երկրորդ աշխարհամարտի ընթացքում լեհ փախստականներին ջերմորեն ընդունելու փաստը Իրանում, նշելով, որ դրան ի պատասխան այդ երկիրը հյուրընկալում է հակաիրանական համաժողով։
Իրանի ԱԳ նախարար Մոհամեդ Ջավադ Զարիֆը հայտարարել է, որ համաժողովը «դատապարտված է ձախողման», ընդգծելով, որ ԱՄՆ—ի նախնական նպատակները համաժողովի կազմակերպումից չեն իրականացվել։
Վարշավայի համաժողովում կարեւորվելու է թերեւս գլխավորապես Իրանի միջինարեւլյան քաղաքականությունը, որը երբեմն խիստ քննադատվում է նաեւ ԵՄ—ի կողմից, մասնավորապես Իսրայելի ոչնչացման մասին Իրանից հնչող հայտարարությունները եւ բալիստիկ հրթիռների արտադրությունը, ինչն Իրանը համարում է իր պաշտպանությունն ուժեղացնելու անհրաժեշտություն, շեշտելով, որ տարածաշրջանի այլ երկրները վաղուց արդեն տնօրինում են այդօրինակ զենքեր։

Էմմա ԲԵԳԻՋԱՆՅԱՆ

13-02-2019





23-04-2019
«Արցախն իր թիկունքում միշտ ունենալու է ամուր Հայաստան»
Օրակարգում անվտանգության, քաղաքացիական համակարգի պատրաստության խնդիրներն են



23-04-2019
Թուրքական ապացույցներով՝ Թուրքիայի հանցանքի մասին
Թաներ Աքչամի աշխատությունը ծանր հարված է թուրքական ժխտողականությանը



23-04-2019
Վեպը միշտ ինձ է սպասում
Գրիգը բացել է փակագծերը

Արձակագիր Գրիգը, որն ընթերցասերների ...


23-04-2019
Կրթության որակը՝ առաջնահերթություն
Ուսուցչի դերը կրթական բարեփոխումներում դեռ լավ չի գիտակցվում



23-04-2019
Վարչապետը խորհրդակցություն է անցկացրել մարզպետների հետ
Վարչապետ Նիկոլ Փաշինյանի մոտ տեղի է ունեցել խորհրդակցություն, որին ...


23-04-2019
«Քրիստոս յարեաւ ի մեռելոց»
Սուրբ եւ անմահ պատարագ՝ ի նշանավորումն Հիսուս Քրիստոսի ...


23-04-2019
Նոր ավիաընկերությունների սպասելիս
Հարցազրույց քաղավիացիայի կոմիտեի նախագահ Տաթեւիկ Ռեւազյանի հետ

ՀՀ ...



23-04-2019
Անձրեւացման եղանակի «հայկական հետքը»
Ինչ է պատմում խորհրդային տարիներին ...

23-04-2019
ԱՄՆ-ը Իրանից նավթի ներմուծման արտոնությունը չեղարկում է
2018թ. նոյեմբերի 4-ին, երբ ԱՄՆ-ն Իրանի դեմ տնտեսական ...

23-04-2019
Հոգեւոր կյանքի վերանորոգման առիթ
Արցախում նշել են Հիսուս Քրիստոսի ...

23-04-2019
«Բանանցը» հրաժարվեց. ի՞նչ սպասել հաջորդիվ
Խորը հիասթափություն էր սպասում այն մի քանի տասնյակ ...
USD
EURO
RUR
GEL
Եղանակը Երևանում
գիշերը +4... +6
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO