Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.05.2019
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Մեր արտաքին քաղաքականությունը պետք է կերտենք Երեւանում

ՀՀ վարչապետի գլխավոր խորհրդական Արսեն Գասպարյանը հանդիպել է ԵՊՀ ուսանողների հետ

ԵՊՀ արեւելագիտության ֆակուլտետը երեկ հյուրընկալել է ՀՀ վարչապետի գլխավոր խորհրդական Արսեն Գասպարյանին։
Արեւելագիտության ֆակուլտետի դեկան Ռուբեն Մելքոնյանը, ողջունելով ներկաներին, փաստել է, որ առաջին դասախոսությամբ մեկնարկում է դիվանագետ եւ պետական այլ պաշտոններ զբաղեցնող արեւելագետների դասախոսությունների շարքը, որը պարբերական բնույթ է կրելու։ Այն պայմանականորեն կոչել են «Արեւելագետները արեւելագիտականում»։
«Մեզ համար մեծ պատիվ է, որ այս նախաձեռնության առաջին դասախոսությունը կարդալու է ՀՀ վարչապետի գլխավոր խորհրդական Արսեն Գասպարյանը, որը մեր ֆակուլտետի շրջանավարտներից է»,–ասել է Մելքոնյանը։
Արսեն Գասպարյանը վերհիշել է իր ուսանողական տարիները, ապա անդրադարձել արդիական մի շարք թեմաների։ Դրանցից առաջինը Հայաստան—Թուրքիա հարաբերություններն են։ Նա մասնավորապես ներկայացրել է Թուրքիայի կողմից Հայաստանի անկախությունը ճանաչելու, սակայան հետագայում դիվանագիտական հարաբերություններ հաստատելուց հրաժարվելու շարժառիթները։
Նրա խոսքով, ժամանակի ընթացքում փորձեր են արվել ստեղծելու երկխոսության տարբեր հարթակներ, բայց Անկարայի հստակ դիրքորոշումն այն էր, որ դիվանագիտական, առեւտրատնտեսական հարաբերությունների հաստատումն ու սահմանի բացումն անմիջականորեն կապված են Լեռնային Ղարաբաղի հիմնախնդրի կարգավորման հետ։
Խոսելով Հայաստան—Թուրքիա հարաբերությունների եւ «առանց նախապայմանների» ձեւակերպման մասին՝ նա նշել է, որ շատ կարեւոր է հանրային քննարկում ծավալելը։
Արսեն Գասպարյանը, խոսելով արտաքին քաղաքականության մասին, ընդգծել է, որ այն ունի երկու հիմնասյուն՝ անվտանգություն եւ տնտեսություն։
Անդրադառնալով ՀՀ արտաքին քաղաքականությանը՝ նա փաստել է. «Կառավարության նոր ծրագրում արտաքին քաղաքականության ոլորտում շատ ուժեղացված է տնտեսական բաղադրիչը։ Դա կարտահայտվի օտարերկրյա ուղիղ ներդրումների, նոր շուկաների բացահայտման, սփյուռքի գործարար ներուժի ներգրավման, հայկական ապրանքների արտահանման ավելացման, զբոսաշրջության խթանման եւ միջկառավարական հանձնաժողովների աշխատանքների ակտիվացման միջոցով»։
21—րդ դարում անհնար է դառնում տարանջատել արտաքին քաղաքականությունն արտաքին տնտեսական քաղաքականությունից։
«Այսօրվա Հայաստանին անհրաժեշտ է արտաքին քաղաքականության ուժեղ տնտեսական բաղադրիչ։ Հայաստանի դեսպանները, գտնվելով արտասահմանում, պետք է մտածեն Հայաստանի տնտեսական վիճակի մասին։ Հայաստանի դեսպանությունների գործունեությունը պետք է ուղղված լինի երկրին տնտեսական շահույթ բերելուն։ Եթե մենք հայտարարում ենք, որ մտնում ենք տնտեսական հեղափոխության փուլ, դա հնարավոր չէ իրականացնել առանց դեսպանությունների ներգրավման, քանի որ արտաքին քաղաքականությունը սկսվում է տանը։ Մեր արտաքին քաղաքականությունը պետք է կերտենք Երեւանում»,–ասել է Արսեն Գասպարյանը։

16-02-2019





22-05-2019
Փաստաթղթերն ընդունել ամեն օր
Հորդորել է ՀՀ ԿԳ նախարարը դպրոցների տնօրեններին

Երեւանի ...


22-05-2019
Հայաստանն ու բամբակի մշակումը. օգո՞ւտ, թե՞ անհեռատես շռայլություն
Մոտ կես դար հետո կրկին աճեցնում ենք այս ...


22-05-2019
Կառավարությունում քննարկվել են ընտանիքի ապահովության գնահատման համակարգի բարեփոխման հարցեր
Վարչապետ Նիկոլ Փաշինյանի մոտ երեկ քննարկվել են ընտանիքների ապահովության ...



22-05-2019
Հարեւան երկրում ատելության քարոզը շարունակվում է
Հայաստանը կողմ է մարդասիրական ...

22-05-2019
Սպառնո՞ւմ է գույքի օտարումը ազգային ակադեմիային
Պատգամավորը հանդես է եկել օրենսդրական ...

22-05-2019
Մխիթարյանը չի մեկնի Բաքու
Լոնդոնի «Արսենալը» պաշտոնական հայտարարությամբ ...
USD
EURO
RUR
GEL
Եղանակը Երևանում
գիշերը +12... +15
ցերեկը +23... +25

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO