Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

24.03.2019
ՄՇԱԿՈՒՅԹ


«Թումանյանը պետություն էր անպետություն ժողովրդի մեջ»

Ամբողջ տարին հագեցած կլինի թումանյանական միջոցառումներով

Հովհաննես Թումանյանի ծննդյան հոբելյանական 150—ամյակի եւ գիրք նվիրելու օրվա առիթով Հայաստանի գրողների միությունը միջոցառումներ է կազմակերպելու ոչ միայն Հայաստանում եւ մարզերում, այլեւ արտերկրում։ Ամենայն հայոց բանաստեղծի ծնունդը կնշվի մեծ շուքով։ Երեւանում, հանրապետության մարզերում, Արցախում, Լիբանանում, Իրանում, Վրաստանում, եւ Ջավախքում տարին հագեցած կլինի Թումանյանին նվիրված գիտաժողովներով, դասախոսություններով, գրական հանդիպումներով եւ տարատեսակ այլ միջոցառումներով։
Այս մասին երեկ լրագրողների հետ հանդիպմանն ասաց ՀԳՄ նախագահ Էդվարդ Միլիտոնյանը։ «Արցախում՝ Ստեփանակերտում, Թումանյանի կերպարով շրջայց կիրականացվի կառքով այնպես, ինչպես բանաստեղծը շրջում էր 1914թ. Վանի փողոցներում։ Արցախի Գրիգոր Նարեկացի համալսարանում տեղի կունենա նաեւ գիտաժողով։ Հետաքրքիր է հատկապես Թբիլիսիի ծրագիրը։ Այնտեղ մեր հանրապետության տարբեր մշակութային միությունների աջակցությամբ փետրվարի 19—ին Թումանյանի տուն—թանգարանում կկայանա հանդիպում մտավորականների հետ»,—տեղեկացրեց ՀԳՄ նախագահը՝ հավելելով նաեւ, որ Վրաստանի խորհրդարանի ազգային գրադարանում բացվելու է գեղանկարիչ Թենգիզ Միկոյանցի «Թումանյանի հետքերով» խորագրով ստեղծագործությունների ցուցահանդեսը, «Թումանյանը մեզ հետ է» բանախոսություն կանցկացնի թումանյանագետ Սուսաննա Հովհաննիսյանը։ Երեկոյան տեղի կունենա մեծ հանդիսություն Վրաստանի գրողների միության անդամների եւ բարձրաստիճան պաշտոնյաների մասնակցությամբ։
Խոսելով Թումանյանի՝ հայ ժողովրդի կյանքում ունեցած դերակատարության մասին՝ Միլիտոնյանն ընդգծեց, որ մեր ժողովուրդն անգիր գիտի բանաստեղծի մասին ամեն բան, փոքրից մինչեւ մեծ կարող են ներկայացնել Թումանյանի բանաստեղծությունները, մեջբերել նրա խոսքերը, աֆորիզմները։ «Հայությամբ լցված մի մեծ կերպար էր Թումանյանը, որը կարծես հայելի դրված է մեր ժողովրդի առջեւ՝ ցուցանելու նրա անցյալը՝ բանահյուսական հզոր կտորներով, «Սասունցի Դավթի» մշակմամբ, քառյակներով։ Նա նաեւ առանց որեւէ սեթեւեթանքի ասել է այն, ինչ մտածել է, հայության կացությունը ներկայացրել է գրավոր, բանավոր ձեւով, անգամ լռությամբ։ Թումանյանը հզոր այրմամբ ստեղծում էր գրականություն՝ արտացոլելով մարդկային փոխհարաբերությունները, ազգամիջյան հարաբերությունները, նպաստում էր հայ գրականության, մշակույթի, ազգային ոգու տարածմանը։ Թումանյանը պետություն էր մեր անպետություն ժողովրդի մեջ»,—ասաց ՀԳՄ նախագահը։
Անդրադառնալով Թումանյանի հոբելյանին նվիրված միջոցառումներին՝ Միլիտոնյանը վերստին նշեց, որ ամբողջ տարին Հայաստանի բոլոր մարզերում գրական բաժանմունքների մասնակցությամբ հանդիպումներ են կազմակերպվելու դպրոցներում, մանկապարտեզներում, որտեղ գրողները խոսելու են Թումանյանի մասին։ Փետրվարի 19—ին գրողների միության շենքի մոտ գրողները գրքեր կնվիրեն անցորդներին։ Բանաստեղծի ծննդյան օրը ՀԳՄ—ն կմեկնի նաեւ Դսեղ եւ, բուն միջոցառումներից բացի, գրքեր կնվիրի թանգարանին եւ ընթերցողներին։ «Ասեմ նաեւ, որ մենք գիրք նվիրելու օրն արդեն սկսել ենք, եւ մի շարք գյուղերի եւ զորամասերի նվիրատվություններ ենք արել։ Ուզում եմ նաեւ տեղեկացնել, որ փետրվարի 18—ին, Հյուսիսային համալսարանի հետ համատեղ, գրողների միության անդամները՝ Օպերայի հրապարակում՝ Թումանյանի արձանի մոտ, հանդիսություն պիտի անցկացնեն։ Նույն օրը ՀՀ ԳԱԱ—ում գրականության ինստիտուտը կկազմակերպի գիտաժողով, որտեղ մենք էլ ելույթ կունենանք»,—հայտնեց Միլիտոնյանը՝ հավելելով, որ փետրվարի 22—ին նույնպես գրողների միությունում կլինի մեծ միջոցառում՝ «Իմ Թումանյանը խորագրով»։ Հարցին, թե՝ որքանո՞վ է Թումանյանն այսօր ժամանակակից գրականագիտության համար գրավիչ, ՀԳՄ նախագահը պատասխանեց. «Թումանյանագետներ կան, որոնք մշտապես ուսումնասիրում են բանաստեղծին։ Սուսաննա Հովհաննիսյանը շարունակելու է նրա կենսագրության ամբողջացման հսկա գործը։ Թումանյանը մշտական թեմա է եւ չի «հանգում» որեւէ պահի։ Մեծ մարդկանց գրվածքները որեւէ ժամանակի համար չեն։ Դրանք անվերջ բացահայտվելու են այլ տեսքով եւ այլ գույնով»։
ՀԳՄ քարտուղար Պետրոս Դեմիրճյանն էլ իր հերթին նշեց, որ Վլադիմիր Կիրակոսյանի գլխավորությամբ գրականության ինստիտուտում ստեղծվել է Թումանյանի կյանքով ու ստեղծագործական ժառանգությամբ զբաղվող գրականագետների խումբ, որոնք հրատարակում են նոր շարք, որում ամփոփվում են Թումանյանի ապրած ամեն օրն ու ժամը։
Լիանա ՍԱՐԳՍՅԱՆ

16-02-2019





23-03-2019
Գաղտնալսող սարքեր այլեւս չեն կարող ներկրել
Կոռուպցիայի դեմ պայքարում ԱԱԾ-ն խոստանում է հնչեղ բացահայտումներ



23-03-2019
Աննկատ աշխատանքի նկատելի արդյունքը
Մետրոպոլիտենի առեղծվածը «կուլիսներում» է

Քաղաքի ներքեւի «քաղաքի» մուտքը, ...


23-03-2019
Նոր իրավիճակ միջազգային իրավունքում
Ճանաչումը կհակասի ՄԱԿ-ի ԱԽ-ի բանաձեւերին

Ժամանակակից միջազգային իրավունքում ...


23-03-2019
Չկա վատ հող, կա վատ մշակող
Բացվեց օրգանական գյուղատնտեսության ուսումնական կենտրոնը

Օրեցօր մեծանում է ...


23-03-2019
ՀՀ նախագահին հավատարմագրերն է հանձնել Կուբայի դեսպանը
Հանրապետության նախագահ Արմեն Սարգսյանին երեկ իր հավատարմագրերն է հանձնել ...


23-03-2019
Առողջ սերունդ եւ ամուր թիկունք
Ֆիզիկական դաստիարակության համակարգը ենթակա է վերանայման

Հրադադարի եւ ...


23-03-2019
Գարդասիլ. ինչու է կարեւոր պատվաստվելը
ԱՆ-ն մտահոգիչ է համարում առկա ցուցանիշները

Կանանց համար ...



23-03-2019
«Արցախի մանդատն անփոփոխ է»
Ինչն է հիմք հանդիսացել համատեղ ...

23-03-2019
Թումանյանի վերջին գարունն ու մահվան հանգամանքները
Այսօր բանաստեղծի մահվան օրն է


23-03-2019
Մաքուր Հայաստանը իրականություն պետք է դառնա բոլորիս ջանքերով
Այսօր տեղի կունենա այս տարվա համապետական ...

23-03-2019
Պետությունը քաջալերում է տնտեսավարող սուբյեկտներին
Նախագահը հորդորեց հաշվի առնել Արցախի ...
USD
EURO
RUR
GEL
Եղանակը Երևանում
գիշերը +4... +6
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO