Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

26.06.2019
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Բարեփոխումները հենց քաղաքացիների պահանջն են

Բուխարեստում քննարկվել են գլոբալ նշանակության մի շարք խնդիրներ

Բուխարեստում ապրիլի 1-2-ը Ռումինիայի խորհրդարանի կողմից կազմակերպված խորհրդաժողովում, որին Հայաստանից ներկա են եղել ՀՀ ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը եւ նույն հանձնաժողովի անդամ Գայանե Աբրահամյանը, քննարկվել են Եվրոպայի ներկա եւ ապագա խնդիրները, Եվրամիության ապագայի վերաբերյալ տեսլականներն ու ծրագրերը, Արեւելյան գործընկերության երկրների հետ հարաբերությունները, տեխնոլոգիական զարգացման պայմաններում աշխատատեղերի կրճատման հարցը, ԵՄ երկրների եւ գործընկեր պետությունների տնտեսական զարգացման մակարդակների տարբերության պայմաններում արդյունավետ համագործակցությունը, երկարատեւ քննարկումներ են ընթացել նաեւ կոռուպցիայի դեմ պայքարի վերաբերյալ՝ այն դիտարկելով որպես գլոբալ խնդիր։
Արեւելյան գործընկերության անդամ երկրներից հանդիպմանը, Հայաստանից բացի, ներկա են եղել նաեւ Վրաստանը եւ Մոլդովան։ Այս մասին երեկ լրագրողների հետ հանդիպմանը տեղեկացրեց Արման Եղոյանը՝ մանրամասներ հայտնելով խորհրդաժողովի աշխատանքների վերաբերյալ։ Նա նշեց, որ հանդիպմանը ներկայացրել են Հայաստանի եւ ԵՄ—ի զարգացման հեռանկարների իրենց տեսլականը։ Եղոյանը խորհրդաժողովում շեշտել է, որ Հայաստանում սկսած բարեփոխումները, որոնց մեծ մասը համընկնում է այն օրակարգի հետ, որը ԵՄ—ն ուներ մեզ հետ, արվում է ոչ թե ԵՄ—ից խրախուսանք ստանալու համար, այլ քաղաքացիների պահանջից ելնելով։ «Բոլոր այն բարեփոխումները, որ մենք իրականացնում ենք, մեր ցանկությունն ու տեսլականն է, եւ, ի դեպ, ԵՄ—ն կարող է մասնակցել այդ գործընթացներին, որոնք, իմ խորին համոզմամբ, ունենալու են նաեւ տարածվող ազդեցություն Արեւելյան գործընկերության երկրներում։ ԵՄ—ն բացառիկ հնարավորություն ունի մասնակցելու Հայաստանում ընթացող բարեփոխումներին, որոնք այսպես թե այնպես տեղի են ունենալու։ Հարցն այն է, թե ինչ ծավալներով եւ ինչ արագությամբ։ ԵՄ—ն իր աջակցությամբ կարող է արագությունն ու ծավալները մեծացնել։ Սա էր իմ հիմնական «մեսիջը»,–ասաց ԱԺ պատգամավորը։ Նա խոսքով՝ ԵՄ—ն ունի ամենատարբեր ոլորտներին վերաբերող 20 առաջարկներ Արեւելյան գործընկերության երկրների համար։
Հանդիպմանը շեշտվել է, որ Հայաստանը հեղափոխությունից հետո, որպես հեղափոխության բնական հետեւանք, այդ առաջարկների գրեթե կեսն արդեն կատարել է. խոսքը վերաբերում է մասնավորապես կոռուպցիայի դեմ պայքարին, խոսքի ազատությանը, մարդու իրավունքների պաշտպանությանը, մամուլի եւ հավաքների ազատությանը։ Եղոյանը տեղեկացրեց, որ գործընկերների հետ ունեցել են նաեւ ոչ պաշտոնական հանդիպումներ, որոնց ներկա են եղել ԵՄ անդամ երկրների եվրոպական հարցերի հանձնաժողովների ներկայացուցիչները, հիմնականում նախագահները, ԵՄ անդամության թեկնածու երկրների մեծ մասը, ինչպես նաեւ Եվրախորհրդարանի կուսակցությունների ներկայացուցիչները։
«Այդ ոչ պաշտոնական միջավայրում բավականին արդյունավետ քննարկումներ ունեցանք։ Մենք ներկաների ուշադրությանը հրավիրեցինք տարածաշրջանային անվտանգության հարցերին։ Այս համատեքստում տիկին Աբրահամյանը անդրադարձավ շատ կարեւոր մի հարցի՝ հիշատակելով նաեւ 2016թ. նույն օրը՝ ապրիլի 2—ին Լեռնային Ղարաբաղում տեղի ունեցած ագրեսիան։ Նա իր ուղերձում հստակ նշեց, որ տարածաշրջանային համագործակցության համատեքստում շատ կարեւոր է հաշվի առնել տարածաշրջանային անվտանգության մարտահրավերները»,–տեղեկացրեց Եղոյանը։
Խոսելով՝ ԵՄ—Ադրբեջան հնարավոր համաձայնագրի կնքման մասին, նա հույս հայտնեց, որ ԵՄ—ի կողմից բանակցող գործընկերները կցուցաբերեն առավելագույն հավասարակշռվածություն։ «Ես լիահույս եմ, որ Ադրբեջանի հետ նախատեսվող համաձայնագրի համատեքստում մեր գործընկերները կցուցաբերեն մաքսիմալ հավասարակշռվածություն՝ չխախտելու համար այն նուրբ «բալանսը», որ Եվրամիությունը ունի տարածաշրջանում։ Լիահույս եմ նաեւ, որ այդ բանակցություններում ներգրավված ԵՄ պաշտոնյաները շատ լավ գիտակցում են, որ հավասարակշռության խախտումը կբերի տարածաշրջանում Եվրամիության ազդեցության, դերի եւ դրա մասին ընկալումների փոփոխության։ ԵՄ մեր գործընկերները պետք է նկատի ունենան, որ թեեւ պայմանագիրը երկկողմ է, բայց երրորդ կողմերին վերաբերող անվտանգային հարցերում պետք է ցուցաբերեն տարածաշրջանի անվտանգության շահերը հաշվի առնող հավասարակշռված որոշումներ»,–շեշտեց ԱԺ պատգամավորը։
Լիանա ՍԱՐԳՍՅԱՆ

13-04-2019





25-06-2019
Արցախցին ավելի ամուր է կառչում իր հողին
«Հայաստան» համահայկական հիմնադրամը շարունակում է «հանդիսությունների շարքը»

Դավիթ ՄԻՔԱՅԵԼՅԱՆ
d.miqayelyan@hhpress.am




25-06-2019
Սեզոնային աշխատողները կշարունակեն օգտվել նպաստից
Նոր համակարգը խոստանում է լինել թափանցիկ ու արդարացված

Լուսինե ...


25-06-2019
Երբեք չի կարելի մոռանալ Հայոց ցեղասպանությունը
Բյորն Սյոդերը Շվեդիայի կառավարությանը կոչ է անում ճանաչել ...


25-06-2019
Նույն ընտանիքից՝ տարբեր դպրոցներ
Նախարարը վստահեցնում է, որ մյուս տարի խնդիրը կշտկվի

Արմենուհի ...


25-06-2019
Տիգրանակերտում վառվեց համահայկական ամառային խաղերի ջահը
Այն խորհրդանշում է Հայաստան-Արցախ-սփյուռք եռամիասնությունը

Դավիթ ՄԻՔԱՅԵԼՅԱՆ
d.miqayelyan@hhpress.am


Արցախի իշխանությունները, ...


25-06-2019
Մենիշխանությունն ավարտվել է
Ստամբուլում հաղթել է ընդդիմության թեկնածուն

Էմմա ԲԵԳԻՋԱՆՅԱՆ
e.begijanyan@hhpress.am

Հունիսի 23-ին ...


25-06-2019
Հանգստի նոր վայր Մոշաթաղում
Քաշաթաղի շրջանը հարուստ է պատմական հուշարձաններով, եւ կան գեղատեսիլ ...



25-06-2019
Էրդողանի քաղաքական արկածախնդրությունը դառը պտուղներ է տալիս
Դրա ապացույցը Ստամբուլի քաղաքապետի ...

25-06-2019
Շուրջ 200 օր տիեզերքում «ճամփորդելուց» հետո
Երեւանի 2800-ամյակի դրոշը հանդիսավորապես ...

25-06-2019
Վրաստանում կրքերը դեռ շարունակում են թեժ մնալ
Կարո՞ղ է Հայաստանը ստանձնել հրշեջի ...

25-06-2019
Առաջին «ոսկին» ու «բրոնզը»
Քառօրյա պայքարի արդյունքում Հայաստանի հաշվին արդեն ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO